آسفه شوف لك غيري

26 رجب 1428هـ, 04:20 م

موقوف

آسفه شوف لك غيري

الجزء الاول
~~)(~~ ابنســحب في صمــت ما ستحمــل اوجاع .. وقطع حبال الوصــل بينك وبيني .. اكيد قصة حبنا كانت اخداع ... كل المشاعر كاذبه صدقيني ~~)(~~
عاليـة: حرام عليك هذي آخرتها تبغي تهدني عسب بنت خالتك وانا شو ؟؟ وانا شو محلي في الأعراب ولا شي كل شي صار ولاشي .. الحين انا صرت وحده غريبه في حياتك ( يقاطعها راشد في عسب يبرر موقفه (
راشد: حبيبتي الله يخليج فهميني انا احبج واموت فيج انتي كل شي في حياتي الله يخليج انتي تعرفيني مب هذا حب ثلاث سنين ليش تنهينه في دقيقه خافي ربج تبغين تذبحيني
عاليه: شو .. شو قلت انا اذبحك خاف ربك فيني جان تبغي تجتلني جيه انا اللي ابغي انهي حبنا انته اللي تبغي تذبحه قبل لا ينولد.. تقول ثلاث سنين انته اللي تبغي تقطع هالعلاقه .. مب تبغي تزوج تزوج يالشيخ راشد انا ما يهمني ..
راشد: يعني صرت ما همج الحين خلاص يا عاليه صرت ولا شي في حياتج ..
عاليه وهي تصيح: انته شو انته ما تحس ما تفهم ..
راشد بمكر: افا ياحبي تزعلين مني يعني انتي ما تعرفين الوالده ماتعرفين امي جيف متسلطه علينا تبغينا ناخذ من الاهل تخاف على ورث العايله
عاليه: يعني انا اللي ملحت البحر ..
راشد ويبغي الفكه منها : حبي خلاص عاد .. هدي روحج
عاليه: شو اهدي انته ما تحس فيني انا احترق بداخلي حاسه اني بموت بعد ثلاث سنين تهدني في لحظه ولا تعزمني على عرسك خوش والله تسوي خير تتحسبني بحظر عرسك يعني ؟!!
راشد: حبيبتي انا اباج انتي بس الظروف والله الظروف اللي مانعتني .. ابغي اشوفج بس في ليلة عرسي .. عسب تكون ليله حلوه في حياتي لو هي مره ..
عاليه: مب يايه مب يايه يعني مب يايه خلاص اعتبرني ميته .. اعتبرني غلطه وتصلحت خلاص اسمحلي يا راشد كنت اظن اني من نصيبك ولكن صرت ذكرى مثل أي تذكار في البومك .. ( وتسكر في ويهه قبل لايكمل كلامه (
----------------------------------------------
راشــد بن سيف.. ولد تاجر معروف في دبي شاب مغازلجي درجة اولى يلعب على بنات الناس وطبعاً عاليه كانت مجرد وحده يرمسها واليوم انهى علاقته فيها عسب يلعب على وحده غيرها.. وراشد عمره (26 سنه) وهو دلوع امه وابوه متوفــى
وعنده اخو اسمه (سعيد) مزوج وعمره (30سنه) وماخذ بنت عمه اسمها( شيخه(.. وعنده ولدين وبنت (سيف وعبدالله وغلا)
وراشد يشتغل في شركه ابوه مع سعيد
وسعيد هو اللي يديــر الشركه وراشد النائــب.. وراشد حليو وطيب ولكن اللي مخرب عليه سوالفه والمغازل .. وهو طويل وحنطي وعريض صح انه مب حلو وايد ولكن ماهو بشين يدخل القلب يعني يجبر اللي يمر حذاله انه يطالعه لهيبته وخقته..
----------------------------------------------
راشــد : اففففف منها ما بغيت افتك.. استحمليتها ثلاث سنين بل مب قلب عليه هالكثر استحملت وحده مثلها.. خيبه خيبه زين راحت في طريجها فقتها ..
)تدق عليه امه (
ام راشـد : غناتي يمه وينك تعال تغدا وشو بلاك عيوني يالس بروحك تعال ايلس معانا
راشد: يمه فيني رقاااااااااد واصل حدي .. مب قادر لا اتغدا ولا آكل ماعرف احس فيني ضيجه ..
ام راشد: فديتك شو بلاك من شو هالضيجه ..
راشد: يمه بعد سالفه صارت وانتهت بس ضايجتبي ..
ام راشد : يعل هالضيجه في اهلها مش فيك يا الغالي..
راشد: فديتج امي بس خليني ارقد تعبان من السالفه ومن الشغل
ام راشد: ارتاح .. ارقد وعسى نوم العوافـــي (وسارت عنه(
وحط راسه راشد ورقد ولا جنه شي صار.. ولا حتى اعتبر لحياة هالفقيره عاليه أي اهميه لانها على حسب قوله مب مهمه ..
-------------------------------------
عاليـه بنت حميد.. عمرها (19 سنه) تدرس وهي بنت ناس وعايله محترمه بس المشكله ان ابوها مطلق امها من سنين وما يسأل وايد عنها وهي عايشه عند امها وامها اهم شي في حياتها الحفلات والسوق والأستقبالات و.......الخ ..
وهي وحيدة امها وابوها.. وهي حلوه وعيونها كبار وعسليات.. ورموشها ذباحه.. على قولة محمد عبده.. فاتناتٍ ناعساتٍ ساحراتي ..وشعرها طويــل واسود وهي من النوع اللي تحب تقص قصتها وتنزلها على يبهتها اللي يشوفها يتحسبها ياهل خشمها طويل وعليها جمال رباني.. وتحب الكشخه.. وهي شاعره ..
-----------------------------------------
عالية وهي تصيح من الخاطر: عمري ما توقعت اني بهدك يا راشد.. كنت كل شي في حياتي وصرت اليوم انسان غريب في حياتي.. انا ادري ان محد يحبني كلهم يكرهوني انا ولا شي في هالدنيا ليش ياربي ماعندي حد اشكيله همي احس اني وسط ليلٍ طويل ناسين فجره.. اووووووووه شو هذا.. ياربي ابغي اعيش مثل رفقاني عندهم اخوان اذا صار فيهم شي يخافون عليهم عندهم خوات اذا عندهم هموم يشتكونه عند خواتهم.. ابغي ام تحس فيني تيلس معاي اشكي لها همي.. ابغي ابو يحس فيني ايي ويسأل عني.. انا ليش عايشه حتى انسان حبيته من كل كل قلبي هدني.. انسان كنت اعتبره ابوي وامي واخوي واختي وحبيبي وكل حياتي وكل ناسي يهدني ..
ليش انا عايشه انا شو حياتي ..
)تمت عاليه تصيح .. وتشكي همها لنفسها وتصيح في لحظات .. ماعندها حد تشكي له همها ماعندها حد تقوله شو في خاطرها .. لا ام ولا اخت ولا اخو ..(
لحظات مرت عليها مثل السنين انسانه كان كل شي في حياتها انها تعيش مثل باجي البنات كانت عايشه احلى قصة حب في نظرها تشوف الدنيا بلون الوردي تقول في خاطرها ان قصتها هي وراشد احلى قصه محد يقدر يحب شراتها ..حبها له غير عن الباجين ماتدري انه كان يقص عليها.. وكل يوم وكل دقيقه يزيد حبها لراشد.. والحين تبقى حياتها في ذكرى البوماتها.. وتخطت وكتبت على دموعها ألم وحزن ..
دموع مابعدها دموع تمحي كل لحظه عاشتها مع راشد كل لحظه كانت حلوه.. لحظه كانت كل لحظه تعيشها تحس بأمل في هالحياة تحس بروعتها مع راشد ..
تحس انها ملكة الدنيا ومافيها عيشها حب مابعده حب.. اما هو فكان راقد ولا حاس باللي تحس فيه ..عايش حياته مبسوط ومستانس يحلم ويحلم ويحلم احلام تخليه يعيش في سعاده ولكن احلامه كانت بيضه ما يشوف فيها شي غير نفسه وانانيته وحياته المبعثره.. ويشوف مستقبله مع هذي وهذيج واللي بتي عقبهم

من مواضيعي :

≈ صورة لبنت مصابة بانفلونزا الطيور ضروري تدخلون علشان تعرفون الشخص المصاب او السليم.
≈ أغلــــــــى دميــــــه في العالـم !!
≈ `·.¸¸.·´´¯`··._.· (اسف عليك ياقلبي.. مو عليك ياحبي) `·.¸¸.·´´¯`··._.·
≈ زوتج زينب العسكري وراشد الماجد
≈ لحقوووني وشوفو بقاله بتايلند

26 رجب 1428هـ, 04:21 م

طيور الحب

موقوف

مشاركة: آسفه شوف لك غيري

الجزء الثاني
~~)(~~ رحت وذبل عمري انا ما ظل غيري والعنا .. ماغير اناظر صورتك وتذكر ايام الهنا كيف انته تتركني وتسير قلبي انا بحبك اسيــر .. ابكي عليــك من كثر ما احتاج لـك ~~)(~~
..اليوم الثاني..
..(في الشركه)..
سعيــد وهو معصب: وينك انته شو تتحسب الشركه فندق.. أي وقت داومة تداوم يالله بسرعه تعال جيه تتحسب الشغل لعبه بسرعه تعال
راشد: شوي شوي على عمرك لا ينط لك عرج جيه الشركه شركتك انته بروحك لا تنسى انا صاحب الحلال بعد مثل ما انته صاحب الحلال
سعيد: جب يالله تعال ولا كلمه والله العظيم بتشوف شي عمرك ما شفته يامسود الويه
راشد: سعييييييد احترم نفسك عاد وعناد مب ياي يالله فارج زين (وسكر في ويه اخوه وكمل رقاده(
وفي الشركه وخصوصًا في مكتب سعيد..
سعيد: هالبزر اللي ما يستحي يسكر في ويهي صدق انه مب .... استغفر الله هالدلع الزايد ريال شو كبره يالس يتدلع عيب والله عيب اليهال ليــ كملوا سنه شافوا عمارهم ريايل وكبار هذا ماعرف شو من نوعه اللي ما يستحي
وصد صوب السكرتيره
سعيد : وانتي شو موقفنج هني رووووحي فارج ..
توها تبغي تظهر ..: تعال هني انتي شو غبيه حطي الملف هني وفارجي شو بتوقعينه بروحج ولا بتبصمين عليه شو هالعالم
السكرتيره : انا آسفه استاد سعيد
سعيد: فارجي زين يالله روحي اونه آسفه خلي اسفج لعمرج
وطلعت السكرتيره وهي تتحرطم على كلامه
السكرتيره: شو بووه هالزلمه عم يطلع حرتووه فيني
وتمت تشتغل وهي معصبه
-----------------------------------------------
....في بيت عاليــه وبالتحديد في غرفة عاليه...
------------------------------------------------
سواد وظلام وحياة مافيها امل ودموع تغرق وجهها وتبكي وتضحك على حظها
انسانه نست حياتها وقفت حياتها من بعد راشد نست فرحتها ونست حزنها مب عارفة جيف تعيش مب عارفه شو شعورها تتحسب هالشي حلم كانت تحلم فيه وكان كابوس طويل ويخوف يغرقها ويغرق سفينتها ..ويحطم صماميم قلبها ويذبحها بكلامه
في لحظة ضعف منها حاولت تتصل فيه .. بس شي منعها ..
حبت تمنع نفسها لو دقيقه انها تبكي وتنزل دموعها على انسان ما يستاهل حبها
بس
ينقطع حبل افكارها بدخول امها لغرفتها ...
ام عاليه: وييييه ويييييه شو هالظلااام وين عايشين نحن عاليه ... عاليه والصمخ وينج
عاليه بكل ضعف شخصيه: هني
ام عاليه: شو هالجو الكئيب .. وليش جذي يالسه جنج شحاته عند المسيد تتشحتين.. وشو بلاه ويهج متغير
عاليه: ولا شي مافيني شي حسيت بعوار في بطني والحين احسن
ام عاليه: هيه عوار .. سلامتج
وسكرت الباب كعادتها وظهرت ما سألت بنتها اذا تبغي شي او تسألها اذا تبغي تروح توديها الطبيب ..
عاليه: هذي حياتي .. سارت تدور ما سألت عني ولا قالت شو بلاج .. آخ ياراشد لو تشوف حالتي من بعدك انا كيف ... وين حياتي وين راحتي .. وينك وينك وينك..
انا شو حياتي شو مصيري
انسانه بلا حياة بلا هدف ..ابغي اموت انا ليش عايشه .. انا عايشه بلا روح
دنيتي اظلمت من بعدك يا راشد .. حياتي بدونك ولا شي
وهي غرقانه بدموعها تناجي روحها بروحها .. تكتب وتمحي عذابها بدموعها تمحي سطر وكتابه كتبتها من حزنها وألمها وعذابـها مسكينه انتي ..
ذبلة وردة حبها في دقايق وماتت وهي جافه
----------------------------------------------------
في غرفة راشد
----------------------------------------------------
راشد: افففففف هالأنسان فضيع خرب عليه رقادي شو هالعالم .. محد يعرف يرقد في هالبيت ..
نش راشد وسار يتسبح ويسير الشغل عسب يغث سعيد
بعد ماطلع من الحمام(اكرمكم الله) لبس كندورته وتكشخ وتزقرت وكان شكله رهيب
شل تلفونه لاشعوريًا كان محتاي يتصل في عاليه وهو مايدري ليش ..
فجأه تذكر انه قطع علاقتة فيها ..
فقرر يتصل في ربيعه مايـد واليوم الأربعاء يعني لازم يحوط في هالسناتر عل وعسى يشوف له صيده يديده ويقص عليها ..
راشد: هلا والله
مايد: اهلين مرحبا الساع
راشد: اشحالك .. شخبارك
مايد: الحمدلله ،علومك
راشد: لاباس .. اقولك ميوود شو رايك نروح اليوم ستـــي بنسير نتحوط شوي ملل ياخي
مايد: اتصدق عاد .. انا واصل حدي طفراااااااااااااان ابغي اظهر
راشد: خلاص عيل تم بنروح اليوم
مايد: اكيد بتشوفني اول واحد ناط في الستي هاهاهاهاهاي
راشد: ههاهاهاهاهاي يالله تشاو بسير الشغل
مايد: خيبه خيبه الحين
راشد: شو اسوي بداوم ساعه وبرجع البيت
مايد: زين والله الحلال حلالكم مب شراتنا غاثينا من صباح الله خير
راشد: شكلك فاضي يالله باي
مايد : ههههههه باي
)وسكر راشد عن مايد وسار الشغل (
راشد عند سكرتيرة سعيد: في حد عند سعيد ولالا
السكرتيره وهي ماده بوزها شبرين: مافي حد
راشد: اوجيج تشااو نيكول
السكرتيره : باي
)دش راشد المكتب وشافه سعيد وطبعًا حصل له هزبه محترمه مثل كل مره (
سعيد: حمدلله على السلامه يالشيخ ليش ييت كنت مكمل رقادك .. لالا الغالي روح ارقد ولا اقولك شو رايك تسير تحوط في هالسناتر عسب تدور لك على وحده ترمسك لمدة اسبوع ولا يومين روح ابويه شو تتريا
راشد: لاحول الله يهديك
سعيد: احر عندي وابر ما عندك انته ايييييه اشتغل شرات الناس ولا
راشد: ولا شو .. بتفصلني مثلاُ ليش شركتك بروحك ؟؟
سعيد: اعوذ بالله من الشيطان الرجيم
راشد: شايف يني جدامك
سعيد: راشد فارج من هني ولا بيصير شي عمرك ما شفته
راشد: اصلا انته حد ييلس معاك ياخي خل ويهك في اوراقك وفكنا زين
سعيد: الله يهديك
)وظهر راشد وسكر الباب بالقو لدرجة ان السكرتيره نطت من مكانها(
وظهر راشد من الشركه بكبرها وتم يتحوط في الشوارع .. فجاه يت عاليه على باله فقرر يتصل فيها يسلي عمره كم دقيقه ..
)اتصل راشد في عاليه (
راشد: مرحبا الساع ام عيون سود و وساع
عاليه: لك عين تتصل بعد اللي سويته
راشد: شو سويت حبيبتي
عاليه: لاتقول حبيبتي .. انا مب حبيبتك
راشد: علويه بلاج حياتي شوي شوي علي انا بروحي مضايق
عاليه: هيه متضايق تتصل فيني انا.. ليش ما تتصل في حبيبتك اللي تحبها واللي تموت عليها واللي ماتقدر تعيش بدونها
راشد: هذوا انا متصل في حبيبتي اللي احبها واللي اموت فيها واللي ماقدر اعيش بدونها اللي خلت لحياتي طعم ثاني
عاليه بدون تصديق: هيه صح .. سير اتصل في حبيبتك بنت خالتك اووه قصدي زوجة المستقبل..
راشد: وغلاتج انتي بس ومافي غيرج
عاليه: السموحه راشد انا بسكر حاسه اني مضايقه
راشد: على راحتج
عاليه: برايك باي (وسكرت التلفون..!!(
راشد: حتى هاي ضدي اعوذ بالله من هالناس
------------------------
في غرفة عاليــه
------------------------
عاليه: يتحسبني بكون ضعيفه .. خلاص اللي بينا انتهى وهو كان السبب وانا لي كرامه مب انسان مثل هذا يغير حياتي انا بعيش حياتي احسن من قبل مرده بيرجع لي
)قامت عاليه وغسلت ويهها ووعدت نفسها انها تعيش حياتها وتشوف نفسها لان انسان مثل راشد ما راح يخليها تنزل راسها لانها غاليه ولها كرامه .. واذا يبغي يزوج خله يزوج مشكلته قامت وتكشخت وكانت ملكة جمال حلووه واحلى شي فيها عيونها الذباحه .. (
اتصلت عاليه في ربيعتها روضه عسب ترمسها لانها حاسه بملل ..
عاليه: لاحوول متى بترد هااي شكلها بزي بتصل فيها بعدين
عقب 10 دقايق اتصلت فيها ربيعتها ..
عاليه: مابغيتي زين رديتي
روضه: سوري عاليووه كنت عند امي تحت .. وكنت ناسيه الموبايل في غرفتي
عاليه: مب مشكله ..
روضه: شو بلاج عاليه حاسه فيج شي
عاليه وهي تتنهد : آآه .. ولا شي مافيني شي
روضه: فديتج علوويه قولي شو بلاج اذا ماقلتي حقي بتقولين حق منو يعني مب انا روضه حبيبتج ربيعتج اللي طول عمري معااج .. واللي واقفه ينبج في كل الظروف
عاليه: مافيني شي ياختي ورفجه حلي عني انا اللي فيني كافيني
روضه: ياويلي شكلج مول مب طايقه حد علايه قولي شو بلاج حياتي خبريني حد قالج شي حد ضايق بج
عاليه وهي متردده : اممم ماعرف اقولج ولالا اخاف اقولج وتغيرين رايج فيني
روضه: عاليه قوليلي شو بلاج خليني اعرف ليكون شي صاير فيج
عاليه: بقولج واللي فيها فيها .. اصلا هي خاربه خاربه
روضه: قولي وكل آذان صاغيه..
عاليه: رواضي انا كنت اكلم واحد ( قبل لاتكمل قاطعتها روضه(
روضه بكل دهشه: شووووو تكلمين واحد ؟؟؟؟!! متى .. ؟؟؟!! كيف؟؟؟؟
عاليه: خليني اكمل ..
روضه: كملي كملي خليني اسمع المصايب
عاليه: كلمته وحبيته وهو طيب وحبوب وهو ولد ناس معروفين وانا اعرفه من ثلاث سنين.. بس امه غصبته يزوج بنت خالته وهو ماله شور من بعد شور امه ولا والقهر يعزمني على زواجه يبغي يذبحني هالريال
روضه: خوش خوش يعني بالعربي الذكيه هو قاص عليج يعني بالذمه تدخل براسج سالفة زواجه ولا يعزمج بعد ..
عاليه: ارجوج روضه لاتقولين هالكلام على راشد اصلا راشد صادق شو عرفج انتي فيه
روضه: هيه هيه دافعي عنه تعرفين هو قوم منو ... ولا تعرفين عنه شي
عاليه وهي تفكر: امممم هيه اعرف بس اسمه .. وعمره
روضه: يمكن بعد قاص عليج ثراج ما تعرفين هالشباب كلهم جذابين
عاليه بدون صبر: اووووووه روض شو هالكلااام يعني الحين كلهم جذابين لو كلهم جذابين الا راشد لا اصلا هو يحبني مثل ما انا احبه تصوري اليوم متصل فيني بس انا ما عطيته مجال
روضه: احسن لاترمسينه خليه يولي ما يستاهلج .. انزين شو اسمه ؟؟!!
عاليه: اسمه راشــد بن سيف الــــ ......
روضه وهي منصدمه : لاتقووولين هذا رشووود لالا ما اصدق
عاليه وهي مستغربه: رشود ؟؟..!! تعرفينه .. ؟؟!!
روضه: هيه هيه قص عليج انتي بعد مسكينه والله جيه ما تعرفين هذا راشد يصير ولد خالتي .. مسكينه ولا بعد عازمنج على عرسه هههههه والله راشد يعرف يمثل
عاليه وهي منصدمه: يمثل .. يعني حبه كان تمثيل في تمثيــل ..
روضه: هيه سواها في غيرج .. اصلا محد بيعرس في عايلتنا .. وكيف يعرس ولا بياخذ وحده من خواتي وين خواتي كلهن معرسات الا انا يعني بياخذني انا
عاليه شوي وبتصيح : يعني شو ؟؟!!
روضه: ياحبيبتي يعني يقص عليج .. هو اصلا اكبر مغازلجي وكل حد يعرف حركات راشد ...
عاليه وهي تصيح: !!!
روضه: عاليه خلج قويه مب انسان مثل راشد التافه ينزل دمعه من عينج خلج قويه محد يستاهل هالدموع
عاليه: بس قلبي يعورني مب قادره حرااام عليه هذا شو انسان ولا حيوان
روضه: اشك بالأولى اظن الثانيه هي الجواب الصحيح
عاليه : برايج انا بخليج الحين
روضه: شو تخليني ما بخليج وأنتي بها لحاله
عالية: لا تخافين ما بنتحر
روضه: يمكن تسوينها .؟؟ اقولج سكري انا الحين بيي عندج
عالية : برايج (وسكرت عنها(
)حالة ذهول .. حالة انصدام .. إنسانه حبت بصدق .. عمرها ما توقعت هالشي يصير
تبكي وتغسل عذابها تبكي وهي تحاول تلم شتات افكارها .. ويين هو ؟؟ وين سار؟؟
وين الناس عنها؟؟!! .. شو تسوي بحياتها ؟؟!! ماعاد ينفع الندم .. تصيح وتصيح وتصيح تحاول تجمع دموعها بأيدها يمكن ترد لها كرامتها .. ماعاد لحياتها معنى قص عليها احب انسان لقلبها قص عليها انسان كانت تعتبره كل شي في حياتها .. هذا هو يعيش حياته مثل باجي الناس .. يضحك وهو ولا عليه .. وهي تلم عذابها وكبرياءها ..
تحاول تبني نفسها لو دقايق بس مب قادره .. تبكي دموع ولكن مب أي دموع ..دموع ألم .. وتنزل دمعه حارة على خدها وتتذكر دمعتها ويين ويين ويين سارت هذي هي تنزل على خدها .. وتحاول تمسكها بس هب قادرة .. (

من مواضيعي :

≈ شااب يصور أخته وهي تستحم (بالصور )
≈ الشمس تغازل القمر .. صورة نادرة
≈ `·.¸¸.·´´¯`··._.· (اسف عليك ياقلبي.. مو عليك ياحبي) `·.¸¸.·´´¯`··._.·
≈ الفرق بين القط السفودي واللبناني
≈ عشق حتى الموت >>>>>>>>هادي وفطوم قصه حب جنونيه بين كويتي وبحرينيه

26 رجب 1428هـ, 04:21 م

طيور الحب

موقوف

مشاركة: آسفه شوف لك غيري

الجــزء الثالــث
~~)(~~ اعد الوقت بحسابي ليالي ..واشوف حساب غيري له ثواني ..غريب الوقت في طبعه يعاند ..ابي اطويه ولكنه طواني~~)(~~
في غرفة عالية
روضه: عاليه انتي وحده فاضيه ماعندج سالفه الصراحه
عالية: هيه فاضيه لاني حبيته
روضه: هيه فاضيه ونص منو يحب في هالزمن هالكلااام ايام يدي ويدتج اما الحين صار الحب كله جذب في جذب كلااام بس
عاليه: اصلا انتي ما تعرفين شي .. شو عرفج في الحب وكلامه شو عرفج في شعوري يوم كنت اكلم راشد والله ( قبل لاتكمل تقاطعها روضه(
روضه: ايوووه شعورج .. اممم كلام راشد .. اها مب هو اللي قلتي عنه ودرج لانه مل منج
عاليه: مل مني ؟؟!! وانا شو سويت له مب انا اللي عطيته مفتاح قلبي وفتحت له بيباني ..
روضه: شو هالكلاام وين عايشين نحن عاليه خلج عاقل انتي ومب ياهل انتي وحده تعرف الصح من الغلط مب ياهل عمرها سنه عاليوه نسيتي ايامج كنتي اعقل وحده في الشله ماعرف جيف تعرفتي في هالراشد الزفت ..
عاليه وهي تذكر : آآآآآآآآآآآآآآآآآآآآآه شو تدرين احلى صدفه واحلى يوم كان بنسبالي
روضه: بعدج يالله شو هالحب اللي مخبل بج خبال شو انتي مب انسانه ما تحسين
عاليه: احس وراس امي احس بس مب بأيدي شعوري ملك انسان ثاني ..
روضه: تدرين شي احسن حل اول ما اييج حد ويخطبج وافقي عليه يمكن ينسيج راشد وطوايف راشد
عاليه: تتحسبين النسيان سهل .. تتحسبين راشد بسهوله هذي ينسونه انتي شو عرفج في الحب واهواله وارزاق خلق الله على السيف
روضه: أي حب هذا كلام يهاااال المفروض تنسين راشد تبتدين حياتج من اول يديد لاتخلين راشد يلعب بعقلج مره ثانيه اذا اتصل فيج سكري في ويهه ولا تردين عليه
عاليه: ادري ادري مابرد عليه ولا لي خلق حتى اسمع صوته كل ما اسمع صوته احس بنار تشتعل في خاطري ماقدر احس اسمع صوته احس اني اضعف جدامه ابغي اكون قويه ابغي اكون اشجع من جذي ..؟!! بس كيف ماعرف
روضه وهي متردده: عاليه انتي جيف تعرفتي على راشد بصراحه
عاليه وهي تذكر: اممم انا ما تعرفت عليه اصلا هو ما شافني في مكان مره اتصل عليه بالغلط .. وتم يسولف وانا ماكنت اعبره .. تدرين كان عمري 17 سنه واصلا لما رمسته خليت عمري وحده عوده وكبرت بعمري بعدين قلت له الصدق .. المهم تم يتصل فيني كل يوم .. وجذي تعودت عليه بعدين طلب مني انه يشوفني وانا بصراحه رفضت بداية الأمر بس بعد ألحاحه وافقت .. شافني من بعيد .. والصراحه يوم شفته كان رهيب تخبلت عليه صح انه مب حليو بس هو كشخه وله شخصيه وهيبه انغريت فيـه وبس
روضه: اها وجذي .. على العموم انتي خلج قويه .. ( فجأه رن تلفون روضه (
روضه: الو
: … هلا فديتج
روضه: هلا امي
ام روضه: فديتج وينج ؟؟!
روضه: امي انا خبرتج اني بيت ربيعتي عاليه
ام روضه: هيه هيه تذكرت والله نسيت غفلت شوي ونشيت نسيت بس لاتبطين ناس بيونا اليوم تعالي بسرعه ولا اقولج تعالي الحين
روضه: ان شاء الله بس عقب شوي بيي
ام روضه: بس لاتبطين يالله فداعة الله
روضه: الله وياج امي
عاليه: خير روضه
روضه: خير بويهج بس امي تباني ارجع البيت ..
عاليه: اها .. برايج…!!..
روضه: اوجي يالله مــع السلامه ..
عاليه: الله وياج
)ظهرت روضه من عند عاليــه .. وتمت عاليه بروحها تفكر في مصيبتها ماتعرف شو تسوي … تفكر كيف تحل مشكلتها مع هالراشد اللي مخبل فيها .. وهي لين الحين مب متوقعه ان راشد يقص عليها .. كلامه كله جذب في جذب .. (
عاليه: معقوله هاللي يصير فيني ..!! بتشوف يا رشود ان ماخليتك تنكوي بنار حبي .. بتشوف ؟.!!
---------------------------------------------------
في بيت روضـه
في الصــاله
-----------------------------------------------------
ام روضه: روضه سيري تزهبـي ناس بيونا اليوم
روضه:منو اللي بيون انزين
ام روضه: خالتج وعيالها بيون
روضه: و رشود بعد بيي معاهم ؟؟!!
ام روضه: والله مادري يمكن ايي
روضه: هيه صح .. هذا ما ايي الا في المناسبات يعرف عنده اهل ماعرف كيف خالووه مستحمله ولدها وايد كريه ودمه ثجيييييييييل هالمغازلجي
ام روضه بعصبيه: روووضه اسكتي ولا بتشوفين شي ما يعيبج عيب عليج هذا راشد ولد خالتج,
روضه بنفاذ الصبر: هيييييه ولد خالتي امحق ولد خاله
ام روضه: انتي وياهاللسان يباله قص
روضه: تعالي قصيه هاهاهاهاهاي
ام روضه: فزي من مكانج وفكيني من حشرتج
)هني يدخل اخو روضه اسمه علـي عمره 22 سنه وهو مصخرجي وحبوب (
روضه: هلا بالطش ورش وماي الورد بالغرش ..
علي: هلا بالحب هلاهلاهلاهلالاهلا هلا مليون ولا يسدن
روضه: هلا بالطيب الغالي
علي: انزين خلاص فكينا شو تبغين اوديج مكان ادريبج مصلحجيه ماترحبين فيني الا اذا بغيتي تروحين مكان ولا تبغين شي ظاهره على امج هاهاهاهاهاههاي
ام روضه: ياللي ما تستحي تقول عني هالكلام الحين انا مصلحجيه
علي وهو يلوي على امه وبدلع: فديت هالويه يعلني ما اخلى من عيون الذباحه اللي تجتلني من بعد كيلوو
روضه وهي زعلانه : اونه وانا وين محلي في هالقصيده
علي: اي قصيده حد قال قصيده
روضه: علوووووه بلاك عاد
علي وهو يتصدد يمين ويسار : يا اخوان في حد اسمه علوووه هني .. واللي اسمه علي يرفع ايده ..؟!!
روضه: يالله لا .. قول قول فيني قصيده
علي: انا حالف ما بقول قصيده الا حق مرتي
روضه: عدال اصلا منو بترضى فيك
علي: روحي زين
ام روضه: صدق ما تحشمون حد ما تستحون يالله قول اي قصيده وفكنا
علي: عشانج والله ولا انا ما انزل مستواي (وشر على روضه) لناس انزل مني مستوى ..
روضه وهي تدحه على جتفه: يالسخيف .. انا اختك انا اختك
علي: تبغين تسمعين قصيده ولالا
روضه وهي شاقه الحلج: اكييييييييييييد يالله سمعنا يا شاعر زمانك ..
علـي :
كنتي ب عيوني شي واليوم لاشي
وكنتي ب خفوقي نبض واليوم حتفه
الحي من موتك اهو الموت بك حي
كلمه وهي كلمه لها الف هتفه
كم من طويت الحب ع خافقي طي
كم من ملكت القلب نصفه ونصفه
لك بحر متمادي ولك موج يطني
واليوم ياخلي لك الشرب برشه
اليوم لك مده على كف تدني
مدي كفوفج خل كفك بكفه
واليوم كم ناسٍ على الحب تسري
والحب له ميزه واذا شوي خفه
عيشي الفرح دامج سكنتي بها دبي
وذوقي المحبه كيف تاتي لطفه
كيف الضمى ياتي على وارد المي
تشرب وتضمى وترتوي به بنطفه
هي روح لي راح هو روح و لي ياتي يجي
واللي لفني لفه له ألفين لفه
وسلاااامتكم يالسامعين
روضه: صح لسانك يا فزاع هاهاهاهاي
علي بستهبال: فزاع منو هذا فزاع
روضه: تستهبل هذي قصيدة فزاع
علي: لالالا هذي قصيدتي صدقيني
روضه: جيه انا هبله ياخي هذي قصيدة فزاع ..
علي: يمكن انا وهو كاتبين نفس القصيده هاهاهاهاهاي
روضه بستهبال: هيه صح.. اشكره يجذب خخخخ
علي: عيب عيب هالكلاام انزين واذا اقتبست القصيده من عند فزاع فيها شي يعني ؟!!
روضه: زين زين بس لاتنسبها لك يالذكي
علي: اوهوووه امي نبغي غدا انا يوعان ابغي اكل اكل اكل
ام روضه: لالا ماشي الحين خل يوصلون عيال خالتك بعدين
علي: متى بيون خيبه اتريا لين ما ايوون انا بموت من اليوع
روضه: يعل راشد يموت من اليوع ولا انته
ام روضه: جب يالله لاتدعين على راشد
علي: هيييييه هيييييه راشد اونه ياكرهه هالريال
ام روضه: انزين ماشي اكل لين خالتك وعيالها يوصلون
علي: بحط راسي في الجدر وباكل كل الأكل عسب يموت هالشيبه من اليوع
روضه: انا بعد بيي معاك بناكل مع بعض احسن
(رن تلفون البيت)
ام روضه: سير شل التلفون فكونا من هالحشره
علي: انزين بسير
علي: الوووو اشحالج شخبارج ؟؟
انزين مب مشكله ..؟
خلاص بخبرها ..؟
لالا مب مشكله خلاص لاتحاتين؟
يالله مع السلامه..؟ (وبند(
ام روضه: منو هاي..؟!
علي: خالوه تقول مب يايه لان عندها شغل ..
روضه: احسسسسسسسن مالي بارض اجابل حد بسير اتغدا وارقد
علي: يالله نجبوا الغدا متنااااااااااااااااااااا يوووع جنا يالسين في مجاعه
ام روضه: ان شاء الله الحين بروح
علي: انزين لا تتاخرين ولا بسير اطلبلي من مطعم
ام روضه: تهبي تروح تتغدا من اكل المطاعم وانا حيه
علي: انزين روحي ولا بسير ثراني
روضه: فكنا زين روح كل من اكل المطاعم
ام روضه: يالله انا سايره..!
----------------------------------------
في سيارة راشد
-----------------------------------------
ماعاد قلبنا ذكرى نسيناكم ولا لأيامنا ذكرى نسيناكم
مدام انتوا تغيرتوا بعد حنا تغيرنا ولا به شي يرجعنا خلاص اليوم نسيناكم..
ياليت وقتها كنتوا فهمتونا ولا عنا تخليتوا وبعتونا قدرتوا الوفا والحب اللي جالكم منا حسافه ما تفاهمنا خلاص اليوم نسيناكم..
عانيت ياما لجل ارضي خواطرهم وداريت همي وكنت اشقى وريحهم صبرت وصرت انا وقلبي ندور من يصبرنا خساره
ما تفاهمنا خلاص اليوم نسيناكم..
راشد: آآآآآآآآه عليك يا الماجد .. عذاب عذاب .. ماعرف ليش طرت على بالي عاليه .. لالالا هذي مجرد افكار لاني تعودت عليها .. لالالا انا ما تعودت عليها شو اتعود اصلا هي ما تهمني.. اووه بس ليش افكر فيها .. خلها تولي
اتصل في ميود احسلي ..
مايد بصوت كله رقاد: الوووووو
راشد: الوووين
مايد: منو انته شو تبغي شو ما تحسون واحد راقد
راشد: شو منو انا ؟؟ طالع في تلفونك منو متصل فيك بعدين قول منو انا
مايد: هيييييييه شكلك فاضي منو انته
راشد: شكلك خالص .. ياخي انا راشد ربيعك
مايد : منو راشد ؟؟!!
راشد: راااااااااشد ربيعك اللي بتظهر معااه اليوم
مايد: بظهر مع منو انا
راشد: ذبحتنا ياشيخ .. ايه حجي انا راشد ربيعك
مايد بعد ما تصحصح: هيييه رشود سوري كنت راقد وتعبان
راشد: هيه زين
مايد: بلاك راشد .. ماعرف ..
(وهو يرمس مايد فجأه سمع اغنـيه .. عبد المجيـد (حبيبي.(..(
راشد: اسكت شوي بسمع هالاغنيه ..
مايد: انزين سكتنا
حبيبي هجرك يخلي الليالي في عيوني شهور
على وعدك مضى عمري وقلبك قاسي وناسي
ترا ما ينجبر قلب اذا له صاحبٍ مظلوم
وظلمك يا بعد عمري بدون حدود وقياسِ
اذا طال الصبر لابد من قلبي بلحظه يثور
وتتغرب محبتنا بحزن وهم وفلاسي
ابا ارحل واترك احساسك واوادع عشرتك مجبور
بسافر عنك ما بسأل بنسى باقي احساسي
عساك تحقق احلامك وتبقى بعدنا مسرور
اخاف اليوم تتندم ترا هذا الزمن قاسي
اخاف يضيق بك قلبك ويصبح خالي ومهجور
تمل العمر ويملك تعيش بحره من قاسي
ولا تنسى ترا ظلمك يجيله يوم ويدوم
مثل ما خنت من حبك تخونك باقي الناسي
حبيبي هجرك يخلي الليالي بعيوني شهور
على وعدك مضى عمري وقلبك قاسي وناسي
راشد: لاحول وهالاغاني اللي تحسسني بتأنيب الضمير
مايد: بلاك أي تأنيب الضمير ... شو مسوي
راشد: ولا شي ولاشي
مايد: رشود قول شو بلاك شو هالألغاز
راشد: من قطعت علاقتي بهاي اللي كنت ارمسها احس ان الأغاني صارت حزينه.. ياخي والله ماعرف كيف اشرحلك
مايد: اووويه راشد ليكون تحبها
راشد وهو مصعب: شو احبها شو احب فيها لالا قولي شو احب فيها شو فيها زود عن البنات ولا شي .. يمكن البنات اللي كنت ارمسهن احسن منها هذي وحده عبيطه ماعرف كيف كنت مستحملنها ياخي فكنا زين
مايد: عيل شو تسمي هالكلام عيل
راشد: ولا شي مجرد اني تعودت عليها وبس ثلاث سنين هذيل يعني اكثر وحده كلميتها الباجيات كنت ارمسهن بس شهور وخلاص هذي ثلاث سنين يعني شوي خذت عليها
مايد: اها خلاص عيل كيفك يوم انته بتفهم هالأحساس شو معناته بعدين قول لي اوجيج.. انا عن نفسي قلت لك؟
راشد:هههههههههه والله ضحكيتني أي حب هذا بعد
مايد: انا ماقلت شي يضحك هذي الحقيقه
راشد: ههههههههههههههههههههههه ضحكيتني انا احب ... انا راشد ولد سيف احب هههههههههههههههه
مايد: ليش انته مب انسان ..؟؟!!
راشد: ههههههههههههههه بس غريبه انا اتحب بس ما احب هههههههههههههه
مايد: هيه صح صح .. خلاص عيل سكر وخلني ارقد
راشد: برايك ارقد بس صحصح عقب نبغي نظهر ندور غراشيب
مايد: ههههههه خلاص هالأيام ولت انا بودع العزوبيه بزوج
راشد فاج عيونه: شووووووو بتعرس ؟؟؟ متى؟؟؟ وليش ما قلت لي ؟؟؟ افا يا ميوود هذي عشرت سنين
مايد: ههههه بلاك امي خبرتنا وانا ياي من الشغل يالسه تقولي بخطب لك وحده قلت لها منو قالت وحده بنت عرب وتعرفهم ..
راشد: بالبركه عيل ...
مايد: نحن السابقون وانتوا اللاحقون
راشد: هههههههه لالالا انا شلي بالزواج واهواله وارزاق خلق الله على السيف
مايد: ههههه اللي كبرك عندهم عيال .. وانته تقول شلك بالزواج ياريال عرس وفك عمرك شوي
راشد: لالالا شو ابغي في العرس .. فايق حق حشرت الحرمه والعيال وماعرف شو لالالا مابغي خليت العرس حقك وحق امثالك هاهاهاي
مايد : زين مب مشكله الزواج ستر ..
راشد: شو بتستوي مصلح اجتماعي هههههههه
مايد: هههههههه لا يالله انا بخليك بكمل نومتي
راشد : احلم فيني عاد ههههه ولا اقولك احلم وتخيل شكل العروس اللي بتاخذها هاهاهااي
مايد: اكيد ما يباله خخخخ باي
راشد : باي

من مواضيعي :

≈ زوتج زينب العسكري وراشد الماجد
≈ واحد متأثر المسنجر __ صور
≈ آسفه شوف لك غيري
≈ فتاه تضحك على شاب بلمسنجر !!!
≈ `·.¸¸.·´´¯`··._.· (اسف عليك ياقلبي.. مو عليك ياحبي) `·.¸¸.·´´¯`··._.·

26 رجب 1428هـ, 04:22 م

طيور الحب

موقوف

مشاركة: آسفه شوف لك غيري

الجــزء الرابع
~~(~~ ايش جابك من بلادك لبلادي ايش لي خلاك تسكن في فؤادي احس شي في مهجتي لك غير عادي كل ما اشوفك يزيد ..يا ذا الحب الجديد ~~)(~~
راشد: اونه حب .. منو يحب انا ..
)تم راشد محتار يعني هذا حب.. هو حاط في باله ان هو غير عن البشر ان هو انسان مايحب .. اصلا الحب مش في قاموسه .. يتحسب نفسه انسان بلا احاسيس ..
مايدري ان الحــب دق بابـه بس مفتاح قلــبه مب عنــده .. عنــد انسـانه تركهــا وقفلت باب قلبـه.(
راشد: الله يخس عدوك يا ميود خليتني افكر فيها وانا كنت ناسيها ..
ايش جـابـك من بلادك لبـلادي أيـش لـي خلاك تسكن في فؤادي ..
احـس شـي في مهجتي لك غير عادي كل ما اشوفـك يزيد ..
يا ذا الحب الجديد
يعتصر قلبي ويا خذ ما يريد
كنت وحدي منعزل في وسط وادي جيتني بالحب من قلبك ينادي
هزني صوتك عظيم السحر هادي جن عقلي بالنشيد
يا ذا الحب الجديد
يعتصر قلبي ويا خذ ما يريد
عاتبوني فيك زادوني ملامه كل واحد يسأل الثاني علامه
كن حبك طير واحساسي حمامه سلمتلك يا عنيد
يا ذا الحب الجديد
يعتصر قلبي ويا خذ ما يريد
)بداية حب جديد .. تبتدي بعد فراق .. تكتب على اوراق الحب لتُسطر كلمات عذبه من انسان يفتح قلبــه لاول مره وينير طريقه بكلمات الحب .. ليرا طريق محبوبته .. وليتجه إليـها حاملاً معهُ وردة الحــب الحمــراء (..!
-------------------------------------------------
في بيـت عاليــة
بالتحديد في الصـالة
---------------------------------------------------
)كانت عاليه في الصاله تشوف التلفزيون وتسمع اغاني في قناة نجوم .. وتبدل بين هالقنوات .. وامها كانت يالسه وترمس في التلفون (
عاليـة: افففف ويا ها لملل اللي يذبح
ام عاليه: عاليه خفي على الصوت مب قادره اسمع
عاليه بدون نفس: انزين ( وبالعماله علت على الصوت زياااده(
ام عاليه: قصري على الصوت بسررررعه
عاليه: انزين انزين بخف على الصوت .
ام عاليه: هيه يا آمنه شو صار .. ؟! هيه كنت ناويه اروح العرس باجر ؟؟ ها ؟؟ هيه هيه مب مشكله اييبها معاي ؟؟ اها عاد اذا طاعت .؟ ان شاء الله مب مشكله .. ماسمع صبري شوي هالبنت بتذبحني صبري
ام عاليه توجه الكلام لعاليه: خفي على صوت التلفزيون فكينا
عاليه وهي تخف على الصوت : خفيت خلالاص
ام عاليه: انزين يا آمنه كملي .. ؟
ام عاليه: ها .. صدق ومنو خطبت لولدها ..؟ ماتدرين ؟؟ عيل كيف ؟؟ انزيييين جذي السالفه .. .؟؟!! الله يتمم لهم الخطبه بالسهاله ان شاء الله ..!!؟؟!!
ام عاليه: برايج ..
)وسكرت التلفون ، وصدت صوب عاليه (
ام عالية: شو رايج يا عالية اتيين معايه عرس باجر
عالية: عرس ؟؟ عرس منو
ام عالية: تعرفين شيخه بنت محمد الــــ (----)
عالية: هيه عرفيتها هذي شيخووه الخبله
ام عاليه: هذي شيخووه على قولتج بتعرس
عاليه: زين الله يوفقها
ام عاليه: ماعرف ليش كل البنات اللي اعرفهن عرسن الا انتي
عاليه: ههههه جيه امي طايحه في جبدج انا
ام عاليه: لا والله بس اللي اصغر عنج عرسن الا انتي
عاليه: امي نصيب هذا نصيبي وبعدين انا بعدين شابه عمري 19 سنه بعدها الحياة جدامي
ام عاليه: مافيها شي يوم انا عرست كان عمري 14 سنه .. كنت اصغر منج وكنت حرمة بيت واعرف اسوي واسوي مب مثلكن يا حافظ حتى الدله ما تعرفون تشيلونها
عاليه: ايامكم غير عن ايامنا نحن جيل التكنولوجيا انتوا غير نحن غير
ام عاليه: الله يهديكم ..الحين بتين العرس ولالا
عاليه بتردد: شي بنات ولا كلهن عيايز
ام عاليه: يعني عرس جيه عرس عيايز بس شي بنات وكلهن تعرفينهن
عاليه: زين عيل بيي معاج ..
ام عاليه: زين والله تعالي خلي حد من هالحريم يشوفونج ويخطبونج
عاليه: استغفر الله عيل انا مب ياي جيه سايره هناك ادور على ريل ولا سايره اعرض نفسي جدام هالعيايز
ام عاليه: يعني شيخوه هذي احسن منج تعرس وانتي يالسه ومعنى انتي احلى منها بوايد
عاليه: امي هالشي بأيد الله خلاص عاد ثرا والله اهون
ام عاليه: خلاص بسكت ولا برمس
--------------------------------------
بيت مايـد
في الصاله
---------------------------------------
ام مايد: مايد امي شو رايك في قوم عبدالله الــ (------)
مايد: والله ما اعرفهم .. منو هذيل
ام مايد: هذيل اللي كانوا ييرانا قبل .. والله يا مايد شفت هالبنيه ودخلت قلبي حبيتها ..حلوه وعليها جمال سبحان ربي الله خلق ...والبنت مديينه وحشيم .. وماعليها كلام ..
مايد: امممم والله ماعرف شو بقولج والله .. يالله امري لله اللي تشوفينه يصير خير عليه
ام مايد بفرح: فديتك والله .. خلاص تم لو بأيدي اروح اليوم واخطبها لك باجر برمس امها وبييب لك الخبر السنع ان شاء الله توافق
مايد: ان شاء الله (ورن تلفونه .. وشاف رقم راشد (
مايد: اسمحيلي امي انا الحين بظهر
ام مايد: وين
مايد: بحوط مع الربع مع السلامه
ام مايد: الله وياك
مايد يشل التلفون: الوو هلا بو سنيده
راشد: هلا فيك يالله تعال انا برع اترياك
مايد: تجدم انته انا بيي بسيارتي
راشد: اوجي
---------------------------------------
في السيـــارة
عالـــية وامها سايرين ستــي
--------------------------------------
عاليه: امي ليش تعبتي عمرج كنت بروح مع ربيعتي
ام عاليه: لالا فديتج بظهر معاج احسن .. بشوف الدنيا
عاليه: ههههه امي كل هذا وماشايفه الدنيا
ام عاليه: ههههه بعدني شباب
عاليه: اذا انتي شابه عيل انا شو هههههه
ام عاليه: بعدني صغيره .. انتي شو ناويه تسوين في الستي
عاليه: بسير افصل شيله وعبايه ابغي اطالع شو يايبين .. وشو جديدهم
ام عاليه: زين بعد انا بفصل حقي
عاليه: هههههه امي تبغين تنافسيني ماشي حقج ههههه
ام عاليه: هههه بعدني شابه اتغشمر معاج
(وصلوووا قوم عاليه الستي وساروا حنايـن عسب تشوف الشيل .. (
----------------------------
اما قوم راشد يتمشون وبالصدفه شاف راشد وحده في محل تشبه عاليه ..
في البدايه حس عمره يتخيل ولا يتوهم.. بس تم يطالعها تأكد انها عاليه
مايد: شوي شوي عينك على البنت ذبحتها بعينك
راشد: هذي هي هذي هي
مايد: منو هذي وينها وشو هي شو السالفه
راشد: هذي اللي كنت ارمسها
مايد: انزين انته ماخليت وحده في الدوله ما رمسيتها
راشد: بس هذي اللي كنت تقول عني احبها
مايد صد وشاف ام عاليه: شوووو تحب هالعيوز هههههههههههه
راشد: انته اهبل شوف اللي حذالها هذي هي صدت شوفها هذي هي
مايد وفاج عينه : ما شاء الله حلوووووه ياخي هالأشكال طيح عليهم مب شراتي اطيح على الخالات
راشد: انته فايق ..خلنا نروح من هني
مايد: مالت عليك لو انا مكانك بدش في المحل
راشد: هيه شو رايك ادش افصل لي عبايه وشيله
مايد: هههههههه اتخيلك
راشد بعصبيه : ميوود جب
مايد: صدق دش خل عمرك بتشتري حق وحده من اهلك
راشد: سخيف يا لله طوف جدامي
مايد: انا مب ياي انا بيلس عند الباب بصور هالغرشوبه أي غرشوبه هذي ملاك
راشد وهو معصب: انته ايييييييه ما اسمحلك فاهم والله إن نطقت بكلمه لا انته ربيعي ولا اعرفك افهم
مايد وهو يضحك: يوم اقول انك تحبها ما تصدق عيل شو تسمي هالكلااام
راشد وهو متردد: ماعرف ماعرف ولا ابي اعرف
مايد : طوف يالعاشق
راشد: لاتقول عاشق
مايد: عاشق عاشق عاشق
راشد: بلا هالكلام الفاضي يالله خلنا نرد نطلع من هني
مايد: لو مره اعترف انك تحب .. مافيها شي اذا حبيت الحب مب حرام ولا عيب
راشد: واذا حبيتها هي بتحبني تتوقع اكيد الحين كارهتني
مايد: ما أظن تكرهك هذا حب ثلاث سنين مستحيل تكرهك بين يوم وليلة
راشد: ما عرف ..
مايد: ليش ماتعرف اكيد تعرف
راشد : مايد ولي يسلمك خلاص عاد خلنا نرجع
مايد: اوكي انا ما برمس يالله مشينا
----------------------------------------
في الســـــتي
بالتحديد فــي حنايــن
----------------------------------------
عاليه: امي شو رايج يهالشيله غاوية صح
ام عالية: هيه حلوه واذا في خاطرج فصلي شراتها
عاليه: عيل بخليها اكيد بفصل
ام عاليه: انزين فصــلي
(تمــت عالية وأمها يتمشون في الستـي واكيد ما سلمت عاليه من تعليقات الشباب والملاحق من مكان لين مكان .. (
ام عالية: يابنتي خلينا نظهر من هالمكان ماخلونا هالمغازلجيه
عاليه: ان شاء الله خلي الدريول ايي ياخذنا اتصلي فيه
ام عاليه: يابنتي نسيت تلفوني في السياره
عاليه: خلاص انا بتصل
(اتصلت عاليه في الدريول ..عسب ايي ياخذهم مايدرون بعيون راشد تلاحقهم في الباركات.. اما راشد فكانت حالته صعيبه.. كل ما يشوفها كان يتأكد من صحة كلام ربيعه مايد ..تاكد ان عاليه هي الحب الجديد .. بس هو متردد كيف يرجع لها..فقرر اليوم بالليل يتصل فيها (
-------------------------------------
في سيارة راشــد
--------------------------------------
كان راشد في سيارته يالس ويشوف عاليه من بعيد لـ بعيد
كل ما يبغي يتحرك شي في داخله كان يمنعه كان يتامل ويهها
كان يتمنى لو دقايق يروح ويلمس ويها كان يتمنى يروح ويقول لها عاليه انا احبج
كان يتمنى يروح لها ويعيشها في حب حقيقي مب حب كلام
كان يتمني يروح وياخذ بأيدها ويقول عاليه انا اباج انا احبج انا اتمنى تكونين قربي طول العمر ..
بس ما يقدر يخاف ترد احاسيسه .. كان متردد انه يتصل فيها خايف من رفضها
بس كان مقرر يتصل فيها ..
تأكد انه يحبها ويموت فيها يتمنى نظره من هالعيون
وهو يطالعها شافها متغيره فيها شي غريب نظر عيونها حزينه
كان يتمنى يشوف ابتسامتها الأوليه يتمنى يسمع صوتها كان من سنين مب شايفنها
كانه محتاج يعالج نفسه بحبها هو مب مريض بس مريض حب عاليه
لمسه من عاليه بتخليه صاحي ..
راشد: اليوم بتصل فيها
تم راشد يحوط في سيارته فقرر انه يروح البحــر
تم يالس على البحر لين نص الليل .. تم هناك لين الساعه 12 بالليل
طول هالفتره مايد يتصل فيه وهو مطنش وطبعًا مايد ما خلاه كل ساعه يتصل ويطرش مسجات ( وينك راشد... راشد شل ... راشد شو بلاك.........الخ(
وراشد مطنش كل هالشي كل تفكيره في بيت قوم عاليه وبالتحديد في غرفتها عند عاليه بنفسها متردد يتصل فيها ولا لا متردد تنطشه
فقرر يتصل واللي فيها فيها
فتصل فيها بس هي ما كانت ترد عليه ..
راشد بنفاذ الصبر: وينها هذي ... اففففف متى بتشل متى بتشل
فتصل فيها مره ثانيه بس هي ما كانت ترد تمت اكثر من ساعه يتصل فيها وهي ماترد
آخر شي قرر يتصل الحين اذا ما شلت باجر بيتصل فيها .. بس من حظه شلت التلفون
راشد وهو يغني: سلام الله على حسنك وزينك ..
عالية بدون نفس : هلا
راشد: بس هلا
عالية: اهلين
راشد: بس اهلين
عالية: اهلين وسهلين
راشد: بس اهلين وسهلين
عاليه : شو تبغي ها ؟؟
راشد: ابغي كلمة حبيبي .. ابغي اسمع كلمة احبك راشد .. ابغي اسمع كلمه اموت فيك راشد.. ابغي اسمع كلمة حياتي .. ابغي اسمع كلمة حياتي بدونك مالها طعم
عاليه بستهزاء: اها .. تبغي تسمع كل هالكلام مني
راشد: اكيد في حد غيرج
عالية: هههههه ضحكتني
راشد: امووووت يا ناس في هالصووت
عالية: لالالا جديده هذي اسمحلي انا بسكر
راشد: وليش تسكرين ماسمعت كلمة احبــك
عالية بكل كره : اكـــــــــــــــــرهك
راشد بصدمه: تكرهيني ليش ؟؟؟ مسرع ما كرهتيني
عالية: اكرهك واكره كل شي فيك اكره شكلك اكره ويهك اكره صوتك اكره حسك اكرهك اكرهك اكرهك اكرهك
راشد: بس انا احبج احبج احبج احبج
عالية: حق كم وحده قلت هالكلام .. ها ؟؟؟ حق كم وحده قلت هالكلام ... عشره .. عشرين .. الف ..
راشد: ومنو هذيل انا ما اقول هالكلام الا حقج انتي وبس
عالية: لا صادق ما تقول هالكلام هيه صح صدقتك انته الصادق وانا الجذابه بأحاسيسي انته تحب بصدق وانا احب بالجذب انا المنافقه ام ويهين صح لالا قول صح
راشد: عاليه ..حياتي .. روحي .. عمري .. حبيبتي .. انتي كل شي بحياتي والله احبج
عاليه : لا تحلف بسم الله جذب
راشد: والله احبج وامووت فيج انتي كل شي بحياتي كل هالناس ما يسوون ظفرج ومايسون شعره من راسج
عاليه: جذاااااااااااااب .. وبسك جذب بسك لاتخليني اكرهك اكثر من جذي.. لا تخليني اندم على حبي لك اكرهك ياولد الناس اكرهك حرام عليك حراااااااام
راشد: عاليه ارجوج خلاص انا بخطبج اذا تبين الحين بيي واخطبج
عالية: بتخطبني ؟؟!!
راشد: هيه بخطبج انتي
عالية بستهزاء : تخطبني .. وبنت خالتك .. مب هاي اللي اسمها روضه صح ؟
راشد: روضه ؟؟ منو هاي
عالية: منو هاي نسيت بنت خالتك روضووه
راشد: روضه هييي وانتي منو قالج اني بخطب روضه مينون انا
عالية: هي اللي قالت.. هي اللي خبرتني عنك وعن حركاتك وعن سوالف وعن اشياء عمري ما تصورت انته تطلع جذاب .. عمري ما تخيلتك تجذب عليه ..كلامك كله نفاق وجذب وكلام واحد مغازلجي واحد متعود يقول هالكلام لمليون وحده .. واحد متعود يكرر كلامه ويعيد فيه يحفظ كلمة ويعيدها ويحليها في اذن اللي يرمسها
راشد بصدمه: روضه خبرتج .. روضه تجذب عليج
عاليه: انته الجذاب .. روضه ربيعتي من ايام المدرسه روضه صادقه انته الجذاب يالمنافق يابو ويهين (وسكرت الخط بويهه (
)تم راشد محتار .. مب عارف شو يسوي .. مب عارف كيف يتصرف .. مب عارف شو اللي يصير معاه .. مب متوقع هالكلام من عاليه حبيبته .. وروضه شو عرفها بعاليه .. وكيف تعرفت عليها .. توها تقول انها تعرفها من ايام المدرسه وانا شو مصيري كيف اقول لها اني احبها .. كيف اعلمها اني اموت فيها .. كيف اقول اني اتمنى لقاها .. انا احبج يا عاليه .. انا اتمنى قربج .. بدون مايدري بلا أي شعور تمنى يحظنها ويتسامح منها ويقول لها انا احبج مافي حد في قلبي غيرج .. ركب سيارته .. ويالس يفكر وشريط يشتغل وهو كان حاط شريط عيضه .. فجأه انتبه لهالأغنيه وكلماتها .:. ابــكي عليـك ابكي عليـك من كثر ما اشتاق لك .. ابكي عليك ابكي عليك من كثر ما احتاج لك .. ابكيك انا وقلبي الذي مايبغي هالدنيا يبيك .:.
تم يسمع الأغنيه .. يا على هالمقطع ..
كيف انته تتركني وتسير وقلبي انا بحبك اسير ... ابكي عليك ابكي عليك من كثر ما اشتاق لك ..
وهو يسمع ما درى الا ودموعه تنزل على خده يحاول يمسكها بس مب قادر .. دمعته تنزل وتنزل بدون توقف .. مب عارف كيف يسكت بعمره . ماعرف الا وهو واقف عند الأشاره ونزل راسه ويصيييح شرات اليهال .. والناس وراه يدقوله هرن .. وهو ولا مهتم يالس ويصيح شرات اليهال وبصوت عالي .. كنه فاقد انسان عزيز عليه كأن حد متوفي وكان شخص عنده مكانه بقلبه ومب قادر يحرك ايده ولا ريله حاس بعمره انسان عاجز انسان مب عارف الصح من الغلط
هو كل اللي يهمه ان عاليه توافق انها ترجع شرات قبل عاليه تكون حبيبته ولا بس مب قادر والأغنيه شغاله ودموعه تنزل وتنزل وتنزل وهو يصيح مب عارف
فجاه انتبه ان حد يالس يدق ع جامة السياره فصد ونزل الجامه فكان واحد
الريال: تحرك .. (فنتبه الريال على راشد وعلى دموعه (
راشد: !!!
الريال : خير شو بلاك ؟!
راشد: ها ؟؟!
الريال: شو بلاك شي فيك مريض مكان يعورك؟؟!
راشد: لا خلاص .. الحين بتحرك
(سار الريال وتحرك .. وهو مب عارف بعمره لقى عمره عند بيت ربيعه مايد.. سار هناك وكان ربيعه واقف برع يرمس في التلفون .. فشافه مايد وسار صوبه (
مايد: راشد بلاك شو صار فيك قولي
راشد: !!!!!!!!!!!!!
مايد: رد عليه راشد بلاك ؟؟ شو فيك خوفيتني عليك
راشد: ؟؟؟؟؟؟؟؟؟؟؟؟
مايد وهو يهز راشد: قووووول بلاك ..بلاك قولي انته مريض فيك شي قولي
راشد : هيه مريض (وأشر على قلبه) هني يعورني .. العوق في قلبي
مايد: اوووف تعال اوديك المستشفى .
راشد: المستشفى ؟؟؟ انا ولا مليون دكتور يقدر يعالجني ولا ألف دكتور يطلع العوق اللي فيني
مايد: عيل منو يعالج بالله عليك
راشد: انا دواي شخص واحد .. دواي حبيبتي .. دواي عاليه
مايد: يوم اقولك تحبها ما تصدق الحين شفت هالحب شو مسوي فيك ..
راشد: فديته مب حب .. فديت كل عذاب في هالحب ..فديته وفديت صاحبته
مايد: مالك ومال الحب لعن بو الحب وسنينه
راشد: لا تلعن هالحب .. لو بعذابه بس عاجبني

من مواضيعي :

≈ فتاه تضحك على شاب بلمسنجر !!!
≈ ماذا تفعل لوكنت في هذا الموقـــف ؟؟؟؟
≈ شااب يصور أخته وهي تستحم (بالصور )
≈ واحد متأثر المسنجر __ صور
≈ الفرق بين القط السفودي واللبناني

26 رجب 1428هـ, 04:22 م

طيور الحب

موقوف

مشاركة: آسفه شوف لك غيري

الجــزء الخــامس
~~)(~~ حقك علي ان كنت زعلان يابعد عمري وقلب غاليك برضيك مهما يكون يافلان حتى ولو راضي براضيك~~)(~~
----------------------------------
في غرفة عاليــة
----------------------------------
كذبت وقلت ما احبك عشان ابعدك عن دنياي ولا ابي اوقف بدربك ولا ابي اظلمك وياي ...
سمعت وقالوا ان الحب يعذب حيل مايرحم وانا والله مالي قلب احب بعدها
اندم...
)مسكين حاله .. يتحسبني لعبه في ايده .. أي وقت يبغيني يردلي واي وقت ما يبغيني يبتعد ويروح .. ولا اونه يبغي يخطبني .. ليش انا ماعندي كرامه
لو كان اخر ريال في العالم ما خذته .. واحد ماعنده قلب .. انسان عديم احساس..
ما احبــه اكره اكره اكره ..(
تمت عاليه على هالحاله.. وهي مب مصدقه اللي يصير فيها ليش حبت وليش رمسته من البدايه اصلاً
تمت متحسفه.. على اليوم اللي تعرفت فيه براشد ..
تمت تصيح وهي حالة لله .. تمت تدعي ان الله يفجها من هالورطه
وهي تصيح وتدعي ماحست بعمرها الا وهي راقده على الأرض
-----------------------------
في بيت راشد
بالتحديد في غرفته
------------------------------
غيرك بقلبي ماسكن شخص ثاني ولا رام قلبي في غيابك يخونك
مينا قلبي وانته ليه مواني ارسي على بحرك واهيم بفنونك
عانيت منك وانته مني تعاني اشكي فراقك وانته تشكي شجونك
حبك حبيبي في الضماير توالي كل الجوارح تشتكي من طعونك
لو بختياري مافترقنا ثواني ولا عشت لحظه ياحياتي بدونك
الحال عقبك صار لاحلو تالي لو شفتني بتسيل دمعت عيونك
في غيبتك اشرب مرارة زماني قلبي وعقلي بالعنا يشتكونك
يبغون منك عطف ولا حناني عطف المحبه يعل ربي يصونك
ادمنت حبك وستحل بكياني لقدر اعيش العمر لحظه بدونك
والله مقدر
)انسان حس بالندم .. حس بطعم الحب وسعاته ولوعته .. واخيــرًا حس بأنسانه تحبه .. واخيرًا حس بشي كبير صوبها.. حس بشعور حلو ولو هو يعذبه..
يتمنى راشد الحين في هالحظه يتصل فيها مره ثانيه يرمسها ويرمسها ويرمسها .. ندم اكثر .. كانت عنده وكانت بين يديييه بس هو ضيعها .. ودرها .. هو يحبها ويبغي يحسسها بحبه .. يبغي يعيشها جو غير عن قبل .. جو يعيشها الحب ،
حب صادق .. حب من قلب .. حب صادر من صماميم قلب راشد
بس عقب شو .. بعد الفوت ما ينفع الصوت (
تم راشد محتار شو يسوي تم يفكر كيف يتقرب من عاليه
كيف يردها لحياته مره ثانيه ..تم يفكر .. مالقى الا ينفذ الفكره اللي في راسه ..
وهو يالس يفكر في خطته .. اتصل فيه ربيعه مايد ..
راشد: الووو
مايد: زين شليت
راشد: مايد اذا انته فاضي انا مب فاضي
مايد: الله يادنيا .. صرت تتكبر علينا الحين مشغول على منو خويك مايد
راشد: ياخي ما اتكبر بس انا اللي فيني مكفيني .. مايد الله يخليك انا مب قادر تعرف شو يعني مب قادر
مايد بخوف: بلاك راشد شو فيك ,؟؟
راشد: مافيني شي بس قلبي يعورني حاس اني بموت والله انا اليوم بموت
مايد: لا تقول هالكلاام .. رشود بلييز مب زين عليك خلك قوي لاتنزل بعمرك انته تعرف منو انته وولد منو
راشد: مايهمني انا ولد منو وانا منو .. كل اللي يهمني عاليه ابغيها مب قادر اصبر عنها لو دقايق احبها اموت فيها ياناس (بصوت عالي) احبهااااااااااا
مايد: خلاص خلاص عرفنا ياخي سير اخطبها احسن لك اكيد ما بترفضك ..
راشد: ثراك ما تعرفها .. اصلا هي كارهتني ولا اليوم تقولي اكرهك اكرهك اكرهك .. يا مايد انا بدونها ماقدر اعيش انا بموووت ابغيها ابغيها تكون قربي
مايد: حرام عليك يا راشد لاتعور قلبي .. اكثر من جذي حرام عليك ..
راشد: حرام عليه.. انا مسكين انا قلبي يتقطع كل يوم بدل القطعه الف .. ابغيها والله احبها اموت عليها
مايد: عرفت انا بقولك شو تسوي فيها سير عند ابوها واخطبها وفك عمرك وهي طبعًا ما بترفض
راشد: لا انا ما ابغي اوهقها .. انا ابغيها توافق عليه وهي مقتنعه .. ابغيها توافق عليه وهي تحبني مب تكرهني .. انته فاهم علييه
مايد: فاهم عليك .. بس بهالطريقه انته بتتعب اكثر منها ..
راشد: مب مهم المهم انها تكون راضيه وهي توافق عليه .. تكون مقتنعه باللي بتاخذه .. ابغيها تكون حليلتي ..
مايد: كيفك والله وماعلى الرسول الا البلاغ
راشد: مايد مع السلامه ..
مايد: هذي طرده ؟؟
راشد: افهمها ع كيفك (وسكر الخط على ويهه (
---------------------------------
في يوم الثاني ..
الساعه: 10 صبــاحــــــًا..
عند باب بيت عالــية
---------------------------------
راشد واقف بعيد عن بيت قوم عاليــه .. ونزل ريال سوري من سيارته ومعاه بوكيـه ورد وكانت الباقه كبيــره وكلها ورد جوري احمــر .. وكانت جنان ..
وسار الريال صوب بيت قوم عاليه بعد ما اشر له راشد على البيت ودلاه ..
سار الريال صوب البيت .. ودق الجرس
وطلعت البشكاره ..
البشكاره: شنو يريد
الريال: عطي البوكيه للمزمزيل عاليه
البشكاره وهي تشل الباقه من الريال: اوكي
ودشت البشكاره داخل ..وهي شاله الباقه وسارت عند حجرة عاليه ودقت الباب بس عاليه كانت راقده على غير عادتها .. لانها اول مره ترقد لين ساعه 10 هي متعوده تنش من وقت .. بس هالمره رقدت متأخره بسبت تصياحها وتفكيرها في كلام راشد ..
دشت البشكاره وحط الباقه على الطاوله وطلعت ..
-------------------------------
في سيارة راشد
-----------------------------
بعد ما وصل الريال لمحل اللي يشتغل فيه ..
حب يطرش لعاليه مسج يصبح عليها ..
صباح الشوق
ودهن العود
وورده فيه يقطر نود
صباح الكلمه الحلوه
صباح الغلا بليا حدود
اعزك ياترا تسمع
اعزك وانته المقصود
صباح ريحته قهوة وطعمه بالحلى معقود
صباح نغمته تغريد
وصوته ينعش الميهود
وبعد شوي طرش مسج ثاني
أتعبت قلبي من جفاك وتغليك
وتاهت بي الشرهة ولاأحد ذكرها
المشكله قلبي حلف مايخليك
ومدري متى ظروفك توقف ضررها
قلبي وعقلي والمشاعر تباريك
روحي هوت وروحك وحبك سحرها
الذنب ذنب الحب ماهو خطا فيك
هذا خطا نفسي وقدرها
فحب يطرش لها مسج ثالث ..
في غيابكم مادري احيا او اموت
في غيابكم ترتسم اقسى الدروب
وتحفر الآهات بعروق وسدود
وتغرز دموعي على خدي حدود
في غيابكم اموت اموت اموت
اموت اموت اموت اموت
وكافي تعرفون اني في غيابكم
مالــي في بهالدنيــا وجــود
وتم يتحرقص ف مكانه يظن يمكن عاليه تطرش له مسج ولا تتصل فيه
حتى لو تتصل وتهزبه هو راضي المهم يسمع صوتها
المهم يرمسها .. المهم عنده يسمع حسها
هو يبالها بس تتصل .. واذا ما تصلت هو بيتصل فيها
----------------------------
في بيت عاليــه بالتحديد في غرفتها
كانت الساعه : 12 الظهــر
-------------------------
نشت عاليه من رقادها .. اول ما قامت حصلت عمرها نايمه على الأرض
حطت ايدها على راسها حاسه بصداع رهيب .. وحاسه بعيونها تعورها مب قادره تفجهن شرات قبل حاسه بثجل في عيونها جنها شاله يبل
نشت وهي سايره صوب المرايه عسب تشوف ويهها شافت على الطاوله باقة ورد روووعه اتخبلت عليها واستغربت منو بيحط لها الورد في غرفتها ولا ورد جوري
حبت استايل الباقه لانها كانت جنان تقربت اكثر واكثر شلت الباقه ..
حصلت بطاقه .. مكتوب فيــها
حرام عليك تعلمني حبك تعودني قربك فجاة تنساني تتركني اعاني
وآخر شي مكتوب .. راشد
تخبلت عاليه الود ودها تخرب الباقه بدون ما تحس طرت البطاقه وفرتها ..
وبس بغت تخرب الباقه بس قلبها عورها ..
كانت تفكر تتصل في راشد وتهزبه .. شلت تلفونها .. شافت ثلاث مسجات لها
يوم قرت .. مادرت بعمرها الا وهي تصيح مره ثانيه ..
كرهت حياتها هالأنسان في نظرها الحين واحد حقير ما يستاهل حتى تقرا شي هو يطرشه
بغت تتصل فيه وتهزبه وهي كانت معصبه وهي توها تبغي تتصل بس غيرت رايها .. لانها ما تبغي أي صله تربطها براشد بعد اليوم خلاص
كيف أسمي حبك الحب المثالـي
كيف أمنّك الهوى وأنتـه عـدوه
كيف أحبك كيف أقول اليوم غالي
وأنت مثل اللي دخل في الحب توه
روح يا مغرور عنك القلب سالي
والذي يرضيك في دنيـاك سـوه
عنك أنا ذا اليوم انويت ارتحالي
وأمسح الذكرى من الأشواق قوه
لك أمل ماهو وعد بس احتمالـي
عقب حبك ما دخلت الحب ضـوه
وإن دخلت الحب أعطي كل حالي
وافيٍ والنفـس للمقبـل صفـوه
عاليــة: ماعاد لك وجود في حياتي راشد.. راحت ايامك.. راحت ايام الجذب .. ماعدت عالية اللي ينقص عليها بكلمتين .. ماعدت انسانه تصدق كل شي يصير في حياتها .. تمنيتك تكون غير عن هالبشر... تمنيت تكون صادق وصريح.. تمنيت كل شي في حياتي يتغير .. تمنيت تصير حبيبي واخوي وامي وابوي وكل شي بس ظهرت انسان خاين وجذاب ومنافق.. انسان متعود يجذب على البنات .. الله يعلم كم وحده رمس .. وانا اللي صدقت انسان مايعرف الصدق من الجذب ..
انسان ماعنده ضميـر ولا عنده شخصيه ...
يتحسب بنات الناس لعبه .. ماعندهم قلب.. اذا البنات اللي رمسيتهم ماعندهم قلب بس انا غير انا غير عن كل البنات اللي تعرفهم يا راشد ..
----------------------
في سيارة راشد
ساعة 10 بالليل
عند البحــر
----------------------
بعد ما مل راشد من كثر ما تريا عاليه تتصل فيه او حتى تعلق على اللي سوااه ..
ماقدر يمنع نفسه انه يتصل فيها ..
اتصل فيها وحاول كم مره .. تم يتصل ويتصل ويتصل ..
حس بالملل بس كان ماسك عمره كل شي عشان عاليه يهون على قولته
حاول كم مره بس عاليه مطنشه ..
تم يتصل ويتصل بس هي مب معبره
اتصل بس هو قوة إرادة كانت قويه حاول كم مره آخر شي
شلت عاليه تلفونها وردت عليه مثل كثر ما ملت منه كانت تبغي تهزبه عسب ما يتصل فيها مره ثانيه
عاليه: انته ما تستحي على ويهك شو ماعندك دم ياخي خلاص مابغيك ولا ابغي ارمسك .. حل عني عاد وفكني من حشرتك
راشد: قولي اللي بتقولينه بس انا ابغيج واحبج .. اذا انا مب هامنج انتي تهميني انا احبج ياعاليه خلاص والله أنا آسف روضه فتانه تقص عليج صح اني كنت اقص عليج في البدايه بس انا احبج وابغيج انا رمست كم وحده ( وهو يالس يرمسها بصراحه قاطعته(
عاليه: ما تهمني ان شاء الله ترمس مليون بنيه انا ما يهمني شي.. هذي حياتك وانته حر فيها خلاص عاد
راشد: خليني اكمل كلامي واذا مب عاجبج سكري التلفون في ويهي
عاليه: بسرعه ماعندي وقت
راشد: انا حبيتج وابغيج واغليج انتي كل شي في حياتي .. عاليه انا عمري ما حبيت وحده كثرج.. صح اني كنت ارمس بنات .. وكثار .. كنت اشوف أي وحده حلوه كنت ارقمها وترمسني.. عمري ما حبيت وحده منهم .. لان اعرفهم بنات عليهم حركات بس انتي كنتي غير صادقه معايه في كل شي.. كنت اشوف فيج حياتي عاليه انا اموت فيج اموت في تراب اللي تدوسينه اموت في كلامج انا بدونج ميت والله ميت ..عاليه بلييز ارحمي انسان ميت .. حرام الطعن في انسان ميت حرام والله حرام لاتعذبيني انا بروحي مب قادر اصدق اللي سويته فيج انا اهبل انا مينون هديت وحده مثلج حراام عليج
عاليه: خلصت كلامك ولا بعدك
راشد: خلصت واتمنى تفهميني
بدون ما يسمع رد من عاليه سكرت الخط في ويهه .. نفذت كلامه هذا دليل انها ما صدقت كلامه ولا تبغي تصدق يعني ترفض حبه
راشد ما صدق هالشي .. حس ان عاليه حنت عليه تغيرت لو شوي .. لو كان التغير قد النقطه ..
بس ماقدر .. حس انه يبغي يموت انسان بلا روح .. ماقدر يمنع دمعته تنزل ..
هو ندمان ويحبها يبغي منها بس كلمه انا سامحتك يا راشد
بس مب قادر يسمعها من انسانه يحبها ..
حاول ينساها بس مايقدر لان اسم عاليه محفور في باله ..
تم يطالع البحر .. وهو يصيح ودموعه تنزل .. المفروض يكون شديد ويتمالك اعصابه بس مايقدر هالشي مب بأيده لانه حبه لعاليه اقوى منه ..
ابسكت يابحر وأمشـي وأخلــي ضيقتي فيني
ابسكت وابتعــد عنــك وأدور من يواسيــني
تصدق يابحر انــي توقعـتك تشيل الهموم
لكـن صدمتنــي ورديــت الدمــع لعيــني

من مواضيعي :

≈ سمكة بأربع ارجل
≈ زوتج زينب العسكري وراشد الماجد
≈ شااب يصور أخته وهي تستحم (بالصور )
≈ لحقوووني وشوفو بقاله بتايلند
≈ صورة لبنت مصابة بانفلونزا الطيور ضروري تدخلون علشان تعرفون الشخص المصاب او السليم.

26 رجب 1428هـ, 04:23 م

طيور الحب

موقوف

مشاركة: آسفه شوف لك غيري

الجــزء الســادس
~~)(~~ اسكني حب واسكني فرقا .. ان صبرت اشقى وهجرت اشقى .. العمر يمضي .. والجروح تبقى .. اختر الحل الصعب ياتفارق يا تحب ~~)(~~
تم راشد يالس ع البحــر اكثر من ساعه .. يالس ويطالع البحر .. يحاول يتمالك اعصابه يحاول يهدي نفسه يهدي عمره بس مب قادر .. عمره ما تخيل نفسه في يوم وليلة يحب وحده كان يلعب عليها .. يفكر كيف يخليها تحبه هي لين الحين مب مصدق انه تغير كل شي فيه تغير حتى حركاته حتى كلامه قبل كان واحد تافه ماعنده شي غير اكل وشرب ورقاد ومغازل ... بس الحين تغير صار انسان ثاني
صار راشد شخص غير عن قبل .. بروحه مستغرب من عمره ..
اسكني حب واسكني فرقا
ان صبرت اشقى وان هجرت اشقى
العمر يمضي والجروح تبقى
اختر الحل الصعب ياتفارق يا تحب
لاتحدد مراحل لالا يا تجيني حب
ياتودعني راحل هذي ورده للهوى
هذي جروحك عطني روحي سيدي او خذها روحك
وشبقى ضاعت سنيني يا بعد قلبي وعيني
اختر الحل الصعب يا تفارق يا تحب
لا تردد في غرامي لالا ابتسامي دمع
وسكوتي كلامي افتح يدينك لشمسي
ولهمومي كحل عيونك بدمعي وشحوبي
واعشق الهم اللي فيني هذا كانك تبيني
اختر الحل الصعب ياتفارق ياتحب
تم راشد محتار شو يسوي بعمره خلاص هو مب قادر يستحمل اكثر من جذي
ماقدر يمنع نفسه يتصل فيها مره ثانيه .. اتصل بس ما ردت عليه تم يفكر شو يسوي في هالـ عاليه اللي مخبلتنه .. فقرر يتصل في ربيعه مايد يمكن يساعده ولا يلقط فكره من افكار مايد وينفذها ..
اتصل في مايد وهو بعد ما يشل التلفون اكيد راقد هذا اللي فكر فيه راشد
عقب خمس دقايق .. اتصل فيه مايد ..
مايد: مرحبا الساع
راشد بعصبيه: ليش شليت تلفونك
مايد: كنت بزي .. ولا حرام اكون بزي
راشد: انزين ما علينا ..
مايد: شو صار معاك ؟ رمسيتها ولا شو
راشد: هيه رمسيتها بس هي لين الحين ما تصدقني
مايد: قلت لك اتزوجها اكيد ابوها بيوافق هي بتستحي من ابوها وبترضى فيك
راشد: لالالا هاي الفكره شلها من بالك يا حبيبي
مايد: ليش الزواج ستر .. خذها وفك عمرك وحلوا مشاكلكم بروحكم
راشد: ياخي انته ما تفهم شي ( يرفع ايده من حرته) عاليه خلالالالاص ما تبغيني
مايد: ياخي تبغيك بس تكابر ..
راشد: خلها تكابر انا وراها وراها .. لين ما تحبني
مايد: الصراحه راشد بس لاتزعل انته ذال عمرك ع الفاضي ..
راشد: عادي بذل عمري حتى لو كرامتي راحت بعد انا بركض وراها لين ما تحبني
مايد: خيبه خيبه مب حب هذا .. الله لا يذلني عسب حب بنيه ..
راشد: زين زين
مايد: شو زين زين .. وينك انته .؟؟
راشد: انا ع البحــر
مايد: خيبه تخيبك في هالحر شو ما تموت حر
راشد: لا ما اموت الجو لاباس فيه تعال
مايد: لا ابويه مب ذابح عمري روح زين
راشد: عيل لاتسأل
مايد: ماعرف شو سالفتك كل ما تبغي ترمس حبيبتك ترمسها ع البحر ماعرف شو ياينك ترمسها برع البيت اللي يشوفك يتحسبك قطو متشرد
راشد: لاني انفعل بسرعه ومابغي قوم امي يسمعوني ارمسها يالذكي
مايد: ليش تخاف
راشد: انا مب خايف لاني ارمس عاليه بالعكس .. بس الخوف من امي لو سمعت سيده بتخبر خالتي وخالتي اكيد بتقول حق بنتها .. وبنتها ما شاء الله نشارت خبور .. ماخلت حد ما حشت فيه .. آه بس لو ازخها اضربها ضرب واذبحها الساحره
مايد وهو منفعل: اووووف ليش كل هذا ؟؟؟ جيه بنتها شو مسويه فيك ؟؟
راشد: ثراك ما تعرفها هذي الساحره .. تدري محد خرب بيني وبين عاليه الا هااي .. اموت وااعرف هذي شو قصتها معااي كارهتني كره وانا اكرهه عشان هالسالفه.. ياخي كرهتني عيشتي خربت حياتي .. العذاب اللي انا فيه سبته هاي السوسه .. لو بس ازخها بربطها وبحرقها في الشمس لين ما تذوب بعفنها هناك .. كرهت اسير بيت خالتي والسبه بنتها .. شو اقولك عنها شيطانه ام لسانين ..
مايد: وانته شلك فيها (بعد ما استوعب كلااام راشد ان روضه تصير ربيعة عاليه) يالذكي ليش ما فكرت فيها
راشد: اتزوجها لالا شو مينون ( قاطعه مايد(
مايد: لالالا انا مب قصدي تتزوجها انا قصدي ليش ما فكرت فيها انك تحل المشكله عن طريق بنت خالتك
راشد بكل انتباه: كيف ؟!!
مايد: انا بقولك كيف ... بنت خالتك تصير ربيعة عاليــه انزين.. وعاليه اكيد تسمع كلام بنت خالتك مدام بنت خالتك اللي خربت بينكم ..وجذي انته سير وقول حق بنت خالتك كل اللي يصير فيك وقول انك تحبها وتبغي تزوجها بس تبغي عاليه تكون راضيه عليك .. انزين
راشد : انزين وبعدين ..
مايد: انزين .. سير عندها وقول قصتك كلها .. وهي اكيد بتتعاطف معاك ..سير قول لها انك تحب ربيعتها .. وهي طبًعًا ما بتقصر بتسير على طووول بتخبر عاليه على كل شي .. وان شاء الله عاليه ترد لك وشكرًا لحسن تعاونكم معنا .
راشد: لالالا كيف راحت عن بالي هالسالفه .. افا يا راشد مخك وينه من الصبح
مايد: في جيبه هاهاهااههاي
راشد: ماعلينا الحين .. يعني اكيد الخطه مضمونه ؟؟
مايد: اكيد مدامها من هالراس .. اكيد انته سير عند بنت خالتك وانته مغمض هاهاهاي وقول كل شي وهي بتساعدك ان شاء الله
راشد: ياريت ..
مايد: الحين بعد ما حلينا سالفتك .. استودعك الله ابغي ارقد
راشد: زين روح ارقد ابويه سير زين حفظك الكلمه استودعك الله
مايد: يعني لازم تغثني قبل لا ارقد ياخي بلاك
راشد: لاحوول لاتعور راسي جنك عيوز
مايد: فديت عيوزي
راشد: الله يخليها لك
مايد: آمين ومع السلامه
راشد: الله وياك
فكر راشد يطرش مسج لعالــيه
تذكر صاحبك وارجع
تقرب له ولو بالصوت
على آخر نفس واقف
تجي ولا يجيه الموت
واظن الموت أقرب منك
واظن انك تبي موته
واخاف انك بعد موته
تحن وتفتح التابوت
واخاف من القهر يقفل في وجهك باب تابوته

-------------------------------------
بيت عاليه ..
بالتحديد في غرفتها..
------------------------------------
كانت يالسه عاليه وسرحانه مب عارفه شو تسوي براشد هي الحين ما تباه هو ليش متعلق فيها هالكثر.. وبعدين ليش يالس يتصل فيها الحين هو مب يبغي ينساها خلاص .. ليش يالس يجذب عليها مره ثانيه... وهي يالسه تفكر وهي سرحانه .. صوت المسج قطع افكارها
شافت مسج من راشد ..
وهي مب قادره تتخيل راشد .. هي قبل بالعافيه كانت تحصل مسجات من راشد حتى يوم كان يتصل فيها .. ما كان يرمسها وايد كان يتعذر لها يقول عنده شغل ولا معزوم عند ربعه ولا ولا ولا .................. الـــخ
وكانت هي تركض وراها .. والحين العكس ..يركض وراها ويتمنى كلمه منها ونظره ..
فطرشت له مسج ترد عليه
لا تعتذر بدموع هذي نهايه
إبعد وانا ابعد ما ورا البعد تجريح
إن قلت او ما قلت ردي كفاية
خل الفراق يحل كل المواضيع
ماتلتقي في الدرب غاية وغاية
الدرب واحد مايجي فيه تنويع
عاليه: هذا متى بيفهم اني خلاص ما ابغيه شو ما يحس مافيه دم.. شو نوعه هذا .. خلاص ما ابغيك لاتحاول معاي.. ما ابغيك ابتعد عني اففففف متى بتفك منه من ويهه
)وهي يالسه ترمس روحها ..شافت مسج ثاني من راشد (
لاجارت الدنيا ترى
الروح تفداك
مادام قلبي يابعد
عمري يهواك
ومادامني حي
مستحيل أنساك
وبأبقى أحبك
إلى يوم ألقاك
وإذا حال الزمن
بيننا ياملاك
أرجوك ماتنسى
قلب أغلاك
عايش بدنياه وهو
باقي على ذكراك
سخيف يتحسبني برد له بمسج ولا مسجين .. مسكين حالك يا رشود
وطرشت له مسج ثاني
خلاص يكفيني معاناة وياك
ارحل وبرحل مابقا شي فيني
اتعبتني وياك واتعبني رضاك
واتعبت قلبي ياشقاي ونيني
محدن ترى فيني يسوي سواياك
محدن غيرك اهمومه تجيني
ما مرت الساعه دقايق الا وراشد مطرش لها مسج ثاني
اكتبي ما ابيك بالخط العريض
وأضربي في حبنا حايط جفاك
واتركي دمعي على خدي يفيض
يمكن انه لأنتثر يروي ضماك
في فراش الموت خليني مريض
أنتظر موتي ولا أعيش برجاك
اشهد اني يوم فارقتك حضيض
لو نهاية رحلتي صارت هلاك
فطرشت لها مسج وخلت تلفونها على سايلنت ورقدت ..
عسب تفتك منه وحشرته
مع السلامه
مانبي غير فرقااك
دامك مقفي
مالنا فيك قدره
------------------------------
بيت راشــد
بالتحديد في الصــاله
--------------------------------
ام راشد كانت ترمس سعيد اخو راشد على اساس يدورون حق راشد حرمه من قرايبهم وطبعًا راشد ماعنده خبر بالسالفه
ام راشد: ياسعيد راشد محتاي حرمه تهتم فيه وتعاونه وانا ماقدر على طلباته انا بروحي تعبانه وريلي ما تشلني وكيف تباني اتراكض لطلبات راشد
سعيد: راشد مب مال حرمه راشد حق الهياته وما يستحي هذا بيفضحنا جدام العرب اذا خذ بنتهم ..
ام راشد: الزواج ستر حق الريايل والحريم خله يزوج وشوف كيف بيتغير بصير سنع .. بيحس بالمسؤوليه
سعيد: اقص ايدي اذا هذا غدا شرات الاوادم
ام راشد: نسيت عمرك يوم كنت كبره ها يا سعود
سعيد: امي انا غير هو غير ..
ام راشد: لا غير ولا شياته راشد بعد غير
سعيد: محد مخربنه غير دلعج الزايد ..
ام راشد : مثل ما دلعتك دلعته .. وانتوا عندي نفس الشي ومحبتكم وحده
)دخل راشد الصاله وحالته حاله ... وتم سعيد يشوفه من فوق لين تحت .. جنه شايف شي غلط .. (
راشد : بلاك جذي تطالعني جنك شايف شي
سعيد: طالع شكلك تقول واحد شارب
راشد: انا شارب ...؟؟؟ كنت برد عليك رد يسكتك بس الله يسامحك
سعيد: من وين طالعه الشمس
راشد: من فوق راسك
سعيد: الله يهديك
راشد: ويهديك
ام راشد: ما تستحون انا هني وانتوا جذي ترمسون مب عيب عليكم
راشد وهو يلوي على امه : فديت هالويه امي فديتج نحن نحشمج ونحبج بس سعيد الله يهديه مخبلبي
سعيد: هيه صح انا اللي اخبل وانته بلسم للجروح
راشد وهو يتنهد: آآآه هيه صح
ام راشد: بلاك فديتك شو فيك
راشد: ها ..... ماشي .. اسمحولي انا بسير ارقد تعبان حدي
ام راشد: روح فديتك ربي لايتعبك ..
سعيد: هيه هيه سير ابويه سير
ام راشد: يوز عن الولد خله يروح يرتاح ما تشوف ويهه غادي اصفر .. وعليه ما ياكل شرات قبل .. حتى ما يضحك شرات قبل شوفه جيف صاير فديتك روح ارتاح ..
)قام راشد وسار غرفته .. مع كل خطوه يفكر في عاليه .. حتى قلبه صار ينبض بسم عاليه كل شي فيه عاليه .. عاليه .. عاليه ..
مب قادر يشل هالانسانه من باله صارت عاليه اكله و شربه وحتى نومه
صارت عاليه بطلة احلامه .. (
ويـــن يا من تسهر عيوني مت ولا حي يالغالي
اذكر انك مصدر جنوني وكل ما يطري على بالي
ان نسيت انساك وتهوني في دقيقه ينقلب حالي
كيف ترضى عايش بدوني وانته بك تتعلق امالي
ما تحمل تصدق ضنوني لو تغيب الناس تبقالي
غصب عن منهم يلوموني وكل عذالك وعذالي
هي خلاصت حبي وشجوني وانته دوم الكوكب العالي
بس لاتغدر ولا تخوني يالعرب ما تولد اللالي

من مواضيعي :

≈ آسفه شوف لك غيري
≈ صورة لبنت مصابة بانفلونزا الطيور ضروري تدخلون علشان تعرفون الشخص المصاب او السليم.
≈ الفرق بين القط السفودي واللبناني
≈ زوتج زينب العسكري وراشد الماجد
≈ انواع البنات وطريقة مسك الشنطة

26 رجب 1428هـ, 04:23 م

طيور الحب

موقوف

مشاركة: آسفه شوف لك غيري

الجـــزء السابــع
~~)(~~ كفى ماجرالــي ياغلا منك وجاني كفاني ترا حكم الجفى منك يكفيني~~)(~~
كفى ماجرالــي ياغلا منك وجاني
كفاني ترا حكم الجفى منك يكفيني
عيوني لكم ذاقت ورمشي و جفاني
ونار الشقى والشوق في القلب تكويني
انا الشوق من جور الجفا بان في عياني
وانا الوجد من جود العنا عاد مشكيني
حلى الحسن في رمشك على الحب وزاني
تباعتك ولا ادري وين؟! دربك موديني
سلبت الخفوق وايش تبغي بعد ثاني
ترا الروح في كفك وحبك معنيني
تعبت اشتكي منك وحبك تبلاني
تعبت اطلب وصالك ولا تبغي تجيني
تم راشد متحسف على اللي سواه في عاليه .. صدق ان الدنيا دواره
بعد ما باعها الحين يباها ..
كان يحاول يرقد بس مب قادر يرقد .. يحاول يمحي عاليه من خياله مب قادر
حتى في صلاته قام يفكر فيها .. اتي في احلامه .. والشي اللي ذابحنه انه يحلم فيها وهي ميته ..
هالشي اللي يخوفه عليها وايد .. تمت عاليه مسيطره على راشد طول الوقت صارت عاليه كل شي في حياة راشد ...
اللي يشوف راشد الحين يتعجب ويستغرب قبل راشد شو كان والحين راشد شو صار فيه .. صار انسان ثااني غير عن قبل..
المسكين مب قادر يرقد والسبه عاليه ..
تم يفكر فيها لين الصبح .. وهو تعبان يبا يرتاح بس مب قادر .. يبغي يرقد يبغي لو دقايق ينسى عاليه ويريح عمره .. مب قادر حتى يحقق حلم كان يتمناه ..
الساعه صارت 5 الصبح وراشد واعي .. لين ما تغلب النوم عليه ورقد
وهو راقد حلم في عاليه .. لابسه فستان عرس وهو كان المعرس بس كل ما كان يحاول يوصل لكوشه مب قادر يحاول يتقرب منها اكثر واكثر وهي تبعد وتبعد وهو يحاول يزخها بس مب قادر وكل المعازيم ناس غرب .. اشكالهم تخوف غير ..
الكوشه كانت سوده وكلها سواد .. والناس لابسين اسود وشعرهم احمر وعيونهم تخوف.. وعاليه كانت بريئه بنسبه لهالأشكال .. كانت لابسه ابيض ومنوره .. ويهها ابيييييض .. تقرب منها يوم تقرب منها طارت واختفت ..
فز من نومه وهو خايف .. يتصبب عرق .. من شدة خوفه اتصل في عاليه
بس محد كان يرد عليه .. خاف على عاليه .. حس ان فيها شي بس كيف يوصل لها .. هو يتمنى يكون قريب منها في هاللحظه ..
بدون ما يحس قام وشل سويج سيارة .. وسار صوب بيت عاليه ووقف جدام بيتهم يالس ويشوف بيتهم .. وهو قلبه يدق يدق يدق جنه طبل ..
وهو يتحرقص في مكانه يبغي يسير ويشوفها .. من شدة انفعاله فتح باب سيارته ونزل سار عند بيتهم .. هو عند الباب حس بعمره .. فرجع مكانه وركب سيارته وتم فيها .. وهو يالس ويتريا حد من بيتهم يظهر حتى لو البشكاره .. حتى لو كان الدريول ..
بس بعد شوي غير رايه وفكر انه يرجع بيتهم ويتريا لين الساعه 10 الصبح ويسير محل الورود ويطرش لها احلى باقة ورد مثل هذيج المره ..
لان هو يعرف ان عاليه تحب الورود ..
تم راشد في بيتهم لين الساعه 10 الصبح .. وسار على طول محل الورود .. وخلى الريال السوري يسويله باقة عوده وحلوه .. وفي البطاقة كتب
"وحشتيني" واخر شي كتب " راشد"
وركب الريال اللي يشتغل في المحل معاه ووصله لين بيت عاليه وطرش الريال مثل هذيج المره ..
وتم راشد يفكر الحين عاليه اذا شافة الباقه شو بتسوي .. اكيد بتتفاجأ
يمكن تعصب ..
اكيد بتدعي عليه .. تم يفكر ويفكر مب عارف كيف يتصرف ..
وصل الريال محله .. وتم يحوط في الشوارع .. وهو يالس يفكر اتصل فيه اخوه سعيد
راشد: الوو
سعيد: هلا راشد اشحالك
راشد: اهلين .. لاباس بحالي
سعيد: زين .. ابغي اخبرك .. ان البارحه امي رمستني وتبغي تخطبلك
راشد وهو مب مستوعب: شوو تخطبلي ؟؟ ليش انا قلت ابغي اعرس
سعيد : امي تبغي تزوجك عسب تعقل
راشد وهو معصب: ليش شايفيني مينون .. والله ان سوتها امي لا انا ولدها ولا تعرفني بهج من البيت ولا برجع فاهمين
سعيد: راشد خلك عاقل .. امي تبغي مصلحتك وبعدين امي ما بتخطب لك وحده شينه اذا هالسالفه هامتنك
راشد: ان شاء الله تكون ملكة جمال الكون والله ما تزوجت الا اللي ....
سعيد: الا اللي شو ... ؟؟؟ راشد انته حاط وحده في بالك ولا شو السالفتك
راشد: هيه هيه حاط عندك مانع .. ياخي حلوا عني انا بروحي اللي فيني مكفيني .. اففف منكم كلكم ذابحيني ذبح لا ارتاح من ناس ولا ارتاح في اهلي شو تبغون تذبحوني انتوا
سعيد: شوي شوي هد بلاك ماكل فلفل .. شوي شوي على عمرك حشى شو بلاك
راشد: سعيد حل عندي وخلني بروحي وقول حق امي اني مابغي اعرس ولا ابغي ازوج خلالالالالاص مابغي شي في هالدنيا غير اني اموت افتك من هالعيشه الخايسه اففف
سعيد: بعيد الشر عنك .. انا بقول حق امي .. بس على فكره امي تبغي تخطب لك روضه بنت خالتي
راشد اول ما سمع اسم روضه عصب زياده : لا والله لو كانت آخر بنت في هالعالم ما خذيتها .. انته تعرف انا اشكثر اكرهه هالأنسانه .. اذا هاي شفتها مكان برتكب فيها جريمه بذبحها تعرف شو يعني بذبحها ..محد خرب حياتي غيرها .. لو تزوجتها هذي بتموت في اول ليلة في عرسي .. بذبحها بسوي لها جنازه في ليلة عرسها ..
سعيد: هيه هيه قول هالرمسه على بنت خالتك .. على الأقل الجريبه احسن من الغريبه اللي مانعرف عنها شي ولا نعرف اصلها من فصلها ..
راشد: انا ابغي الغريبه ما ابغي الجريبه انزين مب عاجبك كيفك انا ابغي الغريبه واموت في الغريبه وابغي الغريبه
سعيد: لا والله جيه على كيفك هو تاخذ اللي تبغيها .. لا ابويه لا صح اني حطيتك على كيفك طول عمرك بس الحين لا هذي سمعة العايله ما بنخليك تزوج وحده من الشارع فاهم
راشد: ان شاء الله تكون من وين ما تكون .. وانا ما اسمح لك تقول عنها بنت الشارع واصلا انته شو عرفك فيها .. هيه يا بابا نسيت ايام وانته طايح حب في اللي خذيتها هيه نسيت ..
سعيد هو قافط : لا انا غير وانته غير
راشد: ذبحيتنا انا غير وانته غير ليش نازل من بطن وحده ثانيه ولا مولود في ايدك ذهب.. وبعدين مب انته اللي تتحكم في حياتي .. وهذا انا اذا شفتوني في البيت ..والله ان خطبتوا لي روضه لا انا ولدكم ولا اعرفكم فاهم ولا تبغيني افهمك
سعيد: انا ما بقول حق امي ولا كلمة بخليها تخطب لك .. شو رايك ؟؟ ولا اقولك رمس امك بروحك انا مب الناطق الرسمي بأسمك فاهم
راشد: برايك ..
سعيد: الله وياك ...
سكر راشد التلفون .. وهو خلاص واصل حده ومصعب مب عارف كيف يتمالك اعصابه ..
من شدة عصبيته اتصل في روضه بنت خالته .. وقرر انه يبين لها ويقول لها انه يحب عاليه .. وجذي اذا امه عاندته وسارت خطبت له روضه .. فـ روضه بترفض راشد عشان خاطر ربيعتها عاليه ..
اتصل فيها اكثر من مره بس روضه ما كانت تشل التلفون .. يمكن لانها ما تعرف رقم راشد ...!!
تم يدق لها ويدق ويدق بس هي ما تشل قال في خاطره يمكن راقده او ماتبغي تشل التلفون لانها ماتعرف رقمي تتحسب رقم حد غريب ..!!
تم متحرقص مب عارف شو يسوي في عمره .. ماقدر يروح بيتهم لانه مايبغي يواجه امه
اكيد سعيد الحين سار وخبر امه على كل شي ..
وهو يالس يسوق سيارته رن تلفونه .. وكان رقم روضه .
رد عليها بسرعه ..
راشد: الوو
روضه: هلا راشد
راشد: اهلين روضه اشحالج
روضه: بخير انته شخبارك
راشد: بخير
روضه: راشد شو كنت تبغي متصل فيني
راشد: وانتي كيف عرفتي اني متصل فيج
روضه: اكيد من رقمك جيه تتحسبني ماعرف رقمك؟؟!!
راشد: هيه .. على العموم ما علينا خلينا ندخل في الموضوع احسن
روضه: انزين .. قول اللي تبغي تقوله
راشد: والله ماعرف كيف اقولج .. روضه انا احب عاليه .. (قبل لايكمل روضه قاطعته(
روضه: تحب عاليه ..؟؟!! وانته شو عرفك اني اعرفها
راشد: عاليه خبرتني
روضه: جيه هي لين الحين ترمسك
راشد: ياريت .. هي مقاطعتني ماترمسني ولا تشل تلفونها ناا ابغي ارمسها ابغي اقول لها اني احبها وهي ما تعطيني فرصه اخبرها..روضه ( وبصوت واطي ) دخيلج
روضه مب مصدقه: جيه شو تتحسب البنيه لعبه عندك .. لا ابويه لادخلني انا في هالمواضيع
راشد: روضه .. انا حاط املي كله عليج لا تخيبين ظني .. روضه تدرين ان امي تبغي تخطبج حقي ؟؟
روضه هي مستغربه: شووو انا آخذك لالالا مابغي جيه شو الدنيا فوضه
راشد: بما انج ما تبغيني .. ؟؟؟ قولي حق عاليه ترد لي .. وقلي لها اني بخطبها اذا تبغي.. قولي لها اني احبها واموت عليها
روضه: تبغيني اجذب على اعز صديقه عندي اسمحلي راشد ما بسويها
راشد: انا ماقلت جذبي عليها .. انا ابغي منج شي واحد بس قولي لها اني احبها والله احبها ياربي ليش ماحد مصدقني .. قولي اني احبهاا وابيييييييها ..
روضه: شو الدليل انك تحبها ..
راشد: بسير اخطبها اذا تبي .. بسير لها وبترجاها .. بسير عندها المهم ابغيها تكون لي انا بروحي .. الله يخليج روضه دخيل والدينج تقولين لها اني احبها
روضه: ماقدر ماقدر اسمحلي راشد ماقدر اقول لها .. انته اللي خربت علاقتك معها انته صلحها انا ماقدر اتدخل بينكم
راشد بعصبيه: لاوالله ماتقدرين .. بس تقدرين تخربين اللي بينا ها ؟؟ تعرفين كيف تسوي عمرج الطيبه اللي تبغي مصلحتها ..يوم ابيها ترجع لي ماتقدرين بس تعرفين تخربين ها ؟؟
روضه: .............
راشد: ليش ساكته ردي ؟؟ قولي شي .؟؟!!
روضه: والله قلت لها الحقيقه و......
راشد: و؟؟ شو قولي
روضه : ولا شي .. انا بسكر امي تبيني
راشد: امج تبيج .. اوجيج روضه .. الله وياج .. بس لاتنسين الله فوق
روضه: مع السلامه (وسكرت (
تم راشد مب عارف شو يسوي .. الحين كيف بيتصرف .. كيف بيحاول مع عاليه ترد له .. كانت روضه الأمل الوحيد الحين شو بيسوي معاها ..
هي مب طايعه ترضا فيه ..
---------------------------------------
في بيت عاليه
في غرفة عاليه بالتحديد
الساعه 11:30 الصبـح
--------------------------------------
نشت عاليه .. وشافت ورده .. عرفت انها من راشد
تقربت من الباقه وشافت البطاقه وقرتها مكتوب في البطاقه وحشتيني مثل ما توقعت طلعت الباقه من راشد ..
فرت البطاقه على الطاوله ولا عطتها اهميه ..
تمت يالسه .. مب عارفه شو تسوي
فتصلت في روضه ..
عاليه: هلا روضه
روضه: اهلين علويه انتي شخبارج وينج يالقاطعه
عاليه: موجوده .. انا بخير وسهاله .. وانتي شخبارج
روضه: انا بخير الحمدلله
عاليه: شو مب ناويه تزوريني ؟ ؟؟
روضه: لا حبيبتي تعالي انتي اخر مره انا ييتج تعالي انتي الحين
عاليه: تدرين ان مالي خلق لطلعه ..
روضه: لا حبيبتي بتين وان ما ييتي بطرش لج الشرطه يسحبونج من شعرج عسب اتين
عاليه: ههههه خلاص بييج العصر
روضه: زين تعالي العصر عسب علي اخوي مايكون موجود .. امي اليوم بعد بتظهر ..
عاليه: خلاص تم
روضه: يالله سكري خليني اعرف شو بأكلج اليوم ههههه
عاليه: مابغي أكل
روضه: جيه على كيفك بسوي لج كيكه اللي تعلمت اسويها من كم يوم
عاليه: شو تجربين فيني
روضه: هههههههه هيه ثراج فار تجارب
عاليه: عيل مب يايه
روضه: بتين وان ما ييت بزعل منج فاهمه
عاليه : انزين حشى مب تهديد هذا
روضه : يالله سكري سكري ابغي اتزهب من الحين
عاليه: انزين باي
روضه : باي
-----------------------------------
في مكتب راشد
------------------------------------
كان راشد يالس وجدامه اوراق وملفات وحالته لله وهو مب منتبه لشغله ويالس حالته حاله رن تلفونه شاف الرقم طلعت روضه ..
راشد: هلا بنت الخاله
روضه: راشد انا مابيني وبينك كلام بس بغيت اخبرك ان عاليه بتي بيتنا اليوم اذا تبغي ترجع لك تعال بيتنا وحل مشكلتك
راشد مب مصدق : حلفي والله بس انا كيف ايي بيتكم .. اخوج بيكون موجود
روضه: اكيد لا بيسير اليوم المزرعه
راشد: وامج مابتكون موجوده ؟
روضه: لا بتسير بيت ربيعتها
راشد: عيل انا مب ياي اسمحيلي
روضه: ليش مب تبغي ترمسها تعال بيتنا وحل مشكلتك فيس تو فيس
راشد: سوري مب متعود ادخل بيوت ناس وبناتهم بروحهم
روضه: انته داش بيت خالتك مب بيت حد غريب
راشد: ماقدر روضه صدقيني ماقدر وبعدين انتي وعاليه بتكونون بروحكم هالشي مب زين شو بيقولون الناس اذا شافوني اظهر من بيتكم وانتي بروحج
روضه: لاحوول تعال من وقت عسب علي اخوي ما يظهر اذا شافك موجود عندنا
راشد: عيل انا بيب امي معاي اليوم خلي امج تقر في بيتها
روضه: بقول لها ان خالوه بتزورنا .
راشد: انزين بس اذا امي رمست عن الخطوبه انتي ارفضي دخيلج روضه
روضه : اكيد برفض
راشد: مشكوره روضه ماقصرتي .. انتي بعد حاولي مع عاليه دخيلج
روضه: لاشكر على واجب وبعدين نحن شرات الاخوان .. وان شاءالله بحاول معاها لاتخاف بس اتمنى تكون صادق هالمره
راشد: والله صادق والله العظيم .. ماقصرتي روضه والله فرحتيني من الخااطر
روضه: الله يسلمك يالله انا بخليك الحين
راشد: برايج ماقصرتي
وسكرت عنه روضه .. وهو مب قادر يشيل عمره من الفرح مب قادر يتصور ان عاليه بتكون في بيت خالته .. بيحاول قدر مايقدر انه يرمسها بدون محد يشوفهم عسب تفهمه ويفهمها ..
اجيك يسلم راسك وشلون ما جيك
وياك انا بالذات صعبه اتغلى
والله مادري من الغلا وين اوديك
تسوى عيوني ولا بعد يمكن اغلى
لا جيت انادي غيرك اسهى و اناديك
غصبًا علي يالين ماركى تدلى
روحي تنادي لك وقلبي يناديك
عليك ومافي دنيتي شي يغلى
آمر تدلل مالك الا اللي يرضيك
قدرك على كل الخلايق تعلى
قلنا تغلى بين زت بتغليك
والناس قالوا من تغلى تخلى

من مواضيعي :

≈ آسفه شوف لك غيري
≈ صورة لبنت مصابة بانفلونزا الطيور ضروري تدخلون علشان تعرفون الشخص المصاب او السليم.
≈ كل واحد يحط نك نيم اللي بل مسنجر بتاعه
≈ ماذا تفعل لوكنت في هذا الموقـــف ؟؟؟؟
≈ الشمس تغازل القمر .. صورة نادرة