محاوره في سوق الأسهم بين السعودي ولأجنبي

“السعودي"




يا مرحبا بالاجنبي يـوم شـرف= في سوقنا طب وتخير تصـرف
عندك رقم سري وعندك معرف =والسوق زين وكل مطرود ملحوق



" الاجنبي "




امي تقول ابعد عن اهل الدسايس= وانته نفر مزبوط مررررة ونايس
رواتبك بتضيع في سوق خايـس= والسوق زين وكل مطرود ملحوق



" السعودي "




بكرة بعد تشري ولا حد يغشـك =وتشوف شغالة كفيلـك ترشـك
ومن بعدها يا طير ترجع لعشـك= والسوق زين وكل مطرود ملحوق


" الاجنبي "




لي عندكم عامين رابط معاشـي= ان كنت شايفني بعينـك ولاشـي
ابشتري سابـك وارش المواشـي= والسوق زين وكل مطرود ملحوق




" السعودي "




حتى ولو كانت قروشـك شويـة= جبنا لك الاسعـار مثـل الهديـة
نخاف لا ترفـع علينـا قضيـة= والسوق زين وكل مطرود ملحوق




" الاجنبي "




صحيح لكن الرخيصة رخيصـة =لا تدخلونا في مشاكل عويصـة
اللـي غشيـم تبيعونـه قميصـه =والسوق زين وكل مطرود ملحوق




" السعودي "




الوقت ماهو وقت تحليـل فنـي= يا الشيخ بن كومار خيبت ضنـي
لا تسحب لسانـي ولا تمتحنـي =والسوق زين وكل مطرود ملحوق




الاجنبي





والله لو ما اخاف يقطـع لسانـي =لا اقول عما صار واظهر جناني
يوم الخميس في اخر اربع ثواني= والسوق زين وكل مطرود ملحوق



" السعودي "




ان كان تبغى العافيـة والسلامـة =وتعود عند اهلك بثوب وعمامـه
ابعد عن الموضوع عيش بكرامة= والسوق زين وكل مطرود ملحوق




" الاجنبي"



هذا موشر لازم يقفـل اخضـر= والشركات الثانيـة تنـزل اكثـر
حتى تتوب ويصبح نهارك اغبر= والسوق زين وكل مطرود ملحوق