منابر وجمهور من روائع الشاعر عبيد الدبيسي

الشعر يبغالـه منابـر وجمهـور=روح زمـان الهيجنـه والربابـه
بإمكان واحد بآخر الصف مغمور=يصيـر الأول والمنابـر تهـابـه
ماهو مهم إن كان موزون مكسور=يجبر عن المكسور حضرة جنابـه
كم حضرولك واحدٍ ماله حضـور=لين أتعبوا منه الـورق والكتابـه
خلوه مابيـن الجماهيـر مشهـور=والشعر والله ماطرق يـوم بابـه
طالع قصيدٍ مالـه أوزان وبحـور=لاهـو زهيـريٍ ولاهـو عتابـه
شعرٍ ركيكٍ لامعانـي ولاشعـور=عجزه وصدره من غثـاه متشابـه
ماينعرف منصوب مجزوم مجرور=ويمر طبعاً مـن مقـص الرقابـه
الله يجيبـك يالطواريـق بالنـور=لجل المغيب : ننصفه من غيابـه
كم شاعرٍ وقف ولا جاله الـدور=شاعر حقيقي بـس محـدٍ شقابـه