إسبوع مر ولاوصل منك مرسال
ياقو قلبك كيف تقطعني إسبوع
الجوع كافر وانت ماترحم الحال
وانا عليك من الوله ميِّتٍ جوع
ياللي غيابك صعب يطري على البال
تركتني ضايق وحاير ومفجوع
ماكني إلا شايبٍ فاقد عيال
وماكنك إلا محرمٍ حق مشروع
يفوع لك قلبي إلا مر الأطلال
ياليت مالي قلب يشتاق ويفوع
حسبي عليك كيف قطَّعت الآمال
باموت لاصار الأمل فيك مقطوع
ياصاحبي ماكل نزَّال رحَّال
انت الحيا من وين مارحت متبوع
نسياني لزولٍ بالأعماق يختال
أصعب على صاحبك من حبَّت الكوع
لو الثمن في شوفتك عمر رجَّال
كان الثمن من يوم ماغبت مدفوع
ولو القدر ماتم قوله ليا قال
ماضاق صدر ولاإنحنى راس مرفوع
واليوم ضاقت بي من الجال للجال
فرقاك تكسر ظهر وتحز وتلوع
لو جيت شفت الحال ماسرَّك الحال
في غيبتك ضايق وحاير ومفجوع
هذا غياب إسبوع وشلون لو طال
طالبك لايطوِّل غيابك عن إسبوع
غياااااااااب إسبووووووع
غياااااااااب إسبووووووع 
النمط الخطي
