قصيدة شاعر المليون محمد مريبد العازمي

28 جمادى الثانية 1428هـ, 05:45 م

موقوف

قصيدة شاعر المليون محمد مريبد العازمي

:اهدي لكم قصيدة شاعر المليون
محمد مريبد العازمي

شبيت من راس الفتيله قناديل
وذبحت في ميلاد شعري تميمه
شاعر وامثل لابتي خير تمثيل
شعرٍ جديده يفتخر في قديمه
ابقى على حلم الليال المقابيل
تدفعني النخوه وقو العزيمه
ما اقول انا نجيب والا احمد زويل
اهل العقول الراجحه والحكيمه
لكن نحاول نرتقي جيل عن جيل
واكبر فخر إنا من امه عظيمه
ايامنا ذل وهوان وغرابيل
تهدم قيم والجهل مسرح جريمه
واعلامنا غزو العقائد وتظليل
قناة تمثيل وصحافه عقيمه
والشعر فصل حال الايام تفصيل
وجسد معاناة الشعوب الأليمه
واصدق لساني حلل الوضع تحليل
احساس شاعر نابعٍ من صميمه
وانا ليا تغربت من غير تأويل
ارضي طموحي وافهمي يا فهيمه
انا ادري انه غرك القال والقيل
وكثرت عليك علوم راع النميمه
لكن ترى ماعاد لي للصبر حيل
ولا عدت اطيق المهزله والظليمه
صحيح اجابه صدمة الوقت وآشيل
والصبر مفتاح الفرج والغنيمه
واحاول ادور للأعذار تعليل
واقول ما ينسى نديمي نديمه
لك بين ريضان الحنايا مداهيل
ولك بالحشى حشمه وشيمه وقيمه
خوذي كلام اللي ليا قال ما يميل
وخلي كلام اهل العقول السقيمه
يا وردةٍ مالت على ضفة النيل
يهبها ريح العبير ونسيمه
انا احتدم لك وانثني واسرج الخيل
واعن لك واكرب لك شداد ريمه
ثلثين ليل وثلث باقي من الليل
بعد القطيف وقبل مفرق رحيمه
ترسل وانا مانيب يم المراسيل
الوضع سيء والنوايا مقيمه
رسايلك توحي بقطع المواصيل
الله يبيح اللي رعاك ويديمه
ماهو كذا تقفي وذودي مباهيل
وتهل دمعك مثل دمع اليتيمه
جرحتني توك وانا جرحي محيل
وهزمتني وانا ماعرف الهزيمه
وانا من احفاد الرجال المشاكيل
بني عطا أهل الصفات الكريمه
إليا حدرنا واديٍ ضاربه سيل
وإليا تسندنا جبالٍ مريمه
والمرجله لوهي ورا الجدي وسهيل
نفهمتني والا تبي ندبل الكيل
نصيحتي خل العلاقه حميمه
لا تحسبٍ دمعي يبل المناديل
لا والذي منعم عليك بنعيمه
إن رحت عني جعل دربك تساهيل
وإن جيتني غالي وقدر وحشيمه
طبعي كذا ماركض اخلاف الاقاويل
وحسيبنا محيي العظام الرميمه

من مواضيعي :

≈ ....صوره لاكبر صخرة فى العالم من الذهب ....سبحان الله
≈ عشرة ألغاز سهلة وواحد صعب تحدي
≈ الغاز سهله بس ياترى من يحلها واتحدى من يحلها كلها
≈ قصة يونس عليه السلام
≈ لا تـخليـني

4 رجب 1428هـ, 02:28 ص

الفهيدي

عضو جديد

مشاركة: قصيدة شاعر المليون محمد مريبد العازمي

الصراحه أنا سجلت بالمنتدى علشان أرد على موضوعك يازياد
وأمشــي عندك خطأ في كتابة القصيده .
.................................................. .........
.وأنا من أحفاد الرجال المشاكيل
بني عطى أهل الصفات الكريمــه
.إليا حدرنا وادي ضاربه سيــل
وإليا تسندنا جبال مريمـــــــــــه
[والمرجله لو هي ورى الجدي وسهيل
نسعى لها سعي الغريم لغريمـــــه]
.................................................. ..........
البيت الأخير ماكتبته وأنا آسف إذا كان فيه إحراج والبيت الي بعده فيه خطأ بأول كلمــه
[ فهمتيني ولا تبين ندبل الكيل ] أنت كاتب [نفهمنتي] ومشكور يالغالي على موضوعك ماقصرت ويعطيك ألف ألف عافيه وردي عليك مجرد تصحيح وآآآآآآآآآسف ..

تحياتي للجمـــــــــــــــيع: |--*¨®¨*--|الفهــــــــيدي|--*¨®¨*--|

من مواضيعي :

9 رجب 1428هـ, 10:23 ص

بدوية ماتهـاب

عضو مهم جدا

مشاركة: قصيدة شاعر المليون محمد مريبد العازمي

أخي الكريم ..سلمت يمناك .

جزاك الله خير ,,

..

.وأنا من أحفاد الرجال المشاكيل

بني عطى أهل الصفات الكريمــه

.إليا حدرنا وادي ضاربه سيــل

وإليا تسندنا جبال مريمـــــــــــه

والمرجله لو هي ورى الجدي وسهيل

نسعى لها سعي الغريم لغريمـــــه

.أناأشهدأنه قرم وسنافي ..,,

صح لسانه .

لله دره .,

دمتـــــــــــ بود .,,

بدوية ماتهـــــــــــــــــــاب

من مواضيعي :

≈ أرحبــــــــــــوببنتـ العطــــــــاوي .,,

14 رجب 1428هـ, 02:18 م

حمــودي

عضو ذهبي

آخر وسام للعضو

وسام العضو الفضي لمن تجاوز 3000 مشاركه

مشاركة: قصيدة شاعر المليون محمد مريبد العازمي

زيااااااااااااااااااااااااااااااااااااااااااااد
الله تسلم يمينك يا الغالي على النقل الرائع

أخوك / حمــــــــــــــــــــــــــــــــــودي

من مواضيعي :

≈ لغز؟؟؟ حله سهل
≈ ويـــــــــ الترحيب يا جهينه ـــــــــــن؟؟
≈ غلطتي اني وفيتـــــــ
≈ بنات اليوووووووم.......
≈ قصائد وابيات شعريه على صور...؟؟..؟؟

عرض نتائج التصويت: ممتاز جيد ضعيف
ممتاز	2	66.67%
جيد	1	33.33%
الناخبون: 3. لم تقم بالتصويت على هذا التصويت

خيارات الموضوع
عرض نسخة للطّباعة أرسل هذه الصفحة لصديق
طريقة العرض
النمط الخطي التحويل إلى النمط الشجري التحويل إلى النمط المتطوّر