(راحت الروح) للشاعر عبيد الدبيسي

( راحت الروح )

راحت الروح وانته تحتمي في غلاك=
يـالله أني دخيلك مت لا تعدني
اسهر الليل افكر وش سبايب جفاك=
اهدم قصور حبك والضحي تنبني
لاشرفت روح روحي راس رجم الهلاك=
قلت حول بودك وأنت مـا تودني
كل ليله تهــدد من خلاك بخلاك=
أي حب تحب ان كانـك تحبني
الله اللي بلاني فيك مدري بلاك=
حسبي الله عليك أقـول وتسدني
مـا بقى غير تاخذ في يمينك عصاك=
ماتربيت قبلك لا .. بعد ربني
يمكن أني جنينك جايبه من حشاك=
نوب اشكي خطاك ونوب تهدني
لانته اللي تشره لا جل أدور رضاك=
ولانته اللي تحرث النار وتشبني
أول الليل اردك عن صلفك وعماك=
وأخر الليل أشوف الغلب وتحدني

الشـاعـر : عبيد الدبيسي الجهني

كتابت أخوكم : الجهني