][ خمس طعش فنجال لحنيف صبيت ][

خمس طعش فنجال لحنيف صبيت=لو ان بطنه قربة قد ملاها

لاتحسب اني من دلالك تقهويت=ماينقه الشراب من كثر ماها

يحنيف انا في حمستي ما تدنيت =الدله الصفرى نكثر مناها

وراك ما سويتها يوم سويت=مثل العميم اللي يزين سواها
ناصر ليا مني على البيت سجيت=يرخص حلاله ماحسب مشتراها
وابن عقيل اللي يهلي ليا جيت=مشرع البيبان للي نصاهــــــا

سبيتها يوم انت للضلع لزيت=ضيافتك يا حنيف هذا جزاهـــــــا
ودلال ربعك يوم بالزين ماريت=هم ربعنا قبلك طوال خطاها

مانيتي ذمة هل الجود والصيت=الملعبة حنا نقوم سناهـــــــــا
ياموصي الحرمه على صكت البيت=تقول ماهو فيه وانته وراهــــا
ياناصر بحرمتك ويش سويت=يوم المره تعسرت في ضناها
قالت له ألحق ياعشري تضنيت=ومسس ولدها لين ينظف غثاها
علم الردى يظهر ولو به تهقويت=علم وكاد ويشهدون اقصراهــا
ياخيبة امك يوم قالت تمنيـــــــت=ياخيبت امك ياقطيعة رجاهــــا