نـــــــــاديــت..!!

ناديـت والليـل جاوبنـي وبكّـانـي=ماحد ٍ سمعني سوى ليلنٍ نزع دمعـي
ماغير ليلي مـن الاحبـاب واسانـي=ياويل من هملـه ربعـه مثـل ربعـي
طالت مسافاتي وتاهـت بـي ازمانـي=وعلمني الوقت كيف اقسى على طبعي
ومن طاول الوقت لو هو قاسي ينلاني=ومن يرفض العشر يقبل عقبها سبعي
كم عاذلٍ صار بأمـر الحـب هيمانـي=وكم قلب عذره ترك فيه الهوى صدعي
ياعازفٍ بالهـوى منغومـة الحانـي=رد المواجع نغم فـي قلبـي وسمعـي
غنى الغزل ينتعـش خفـاق ولهانـي=واشرب زلال الهوى من كاسي ودمعي
ومادام انا حـي كـل الحـب ميدانـي=وان مت ياحادي الاشواق لك بأدعـي