قلت هذه الابيات عندما تزوج شخص غالي علي بالحيل..!!
اتمنى ان تنال على رضاكم..!!
واريد منكم النقد الهادف بالابيات...
في سبعه ست ليلة السبت ياياه= يبي يوادعنا من الناس غالي
اللي بوسط البيت مافيه حلياه= لا بالكلام ولا بزين الدلالي
وأليا سألت البيت واربع زواياه=يقول غالي لاعد مناه غالي
أنا اشهد انه شين ياسعود فرقاه=لكن هذا ياخوك طبع الليالي
والوقت يمشيبك على غير مشهاه= اليا ومر ربي عزيز الجلالي
اخوي مسافر القصيدة جميلة وانت طلبت النقد الهادف وعندي بعض الملاحظات
في البداية قلت
في سبعه (ست) ليلة السبت ياياه ولو قلت في سبعه (سته) ليلة السبت ياياه لكن الوزن اثبت وأصح
في البيت الثالث تقول وليا سألت البيت واربع زواياه !! معروف ان البيت له اربع زوايا فكلمة سألت البيت تكفي عن كلمة اربع زواياه واضافة كلمة اربع زواياه حشو كان يمكن استبداله مثلا بقول وليا سألت البيت عن يوم ممشاه
ختمت البيت الثالث بكلمة غالي وهذي نفس الكلمة اللي ختمت بها البيت الاول وهذ تكرار للقافية ومعروف ان الشاعر لايجوز له تكرار القافية إلا بعد سبعة ابيات على الاقل ويكون بسبب ضرورة شعرية حتى لايعتبر ضعف في القصيدة
الشطر الثاني من البيت الرابع قلت لكن هذا ياخوك طبع الليالي والوزن في البيت اللي قبله والبيت اللي بعده يختلف ولو قلت مير ان ذا ياخوك طبع الليالي كان انضبط الوزن مع باقي الابيات وتقبل ملاحظاتي بصدر رحب لأني اقولها لك من باب المحبة والنصيحةوالأمانةالشعرية وهذا من تأثرنا بشاعر المليون ولجنته وعلى العموم انا أجيز القصيدة ولايهمك يابناخي !!
ليلة السبت..!!
ليلة السبت..!! 
النمط الخطي
