هيئة الأمر بالمعروف والنهي عن المنكر,,,,,,,؟

يا محارب الهيئة هذولا هل الديـن
والا انت مسكينٍ ما منك استفـادة
ذولا من اركان الامن يـا مسيكيـن
تسهر على امنك وانت فوق الوسادة
وذولا رجال النصح وانتم شقييـن
والشر بـذن الله يمـوت ابمهـاده
وذولا رجال العلم ومـن المصليـن
يوم ان عينك مثل عيـن الجـرادة
اغووكم اهل العولمـة والشياطيـن
وروس النكد ما تزرع الا النكـادة
حب الوطن فيهـم بـدم الشراييـن
وحب المليك ومن سكن في بـلاده
حنـا نفكـر فالعـراق وفلسطيـن
وانتـه تثيـر المشكلـة يالرمـادة
هم نصرة الاسلام وانتم على ويـن
لكن سنعكـم عنـد راس القيـادة
تكفى يابو متعب صعوط المجانيـن
يا محققن للشعـب غايـة مـراده
إلجم لسان اللي يسـب المسلميـن
راع الفتن لا ننفتـن فـي جهـاده
كل البشر تخطي منـول وهالحيـن
ومكتوب والمكتوب مامنـه احـاده
ولابه احد معصوم حتـى النبييـن
وهـم رسـل الله وخيـرة عبـاده
ذولا بليـا شـك صفـوة وفييـن
تاخذ من الدين الحنيـف الرشـاده
وذولا رجال الدين فالعسر والليـن
وانته حزام الديـن وانتـه سنـاده
وذولا موازين العدل ياحمر العيـن
والمجتهد يمكـن يزيـد اجتهـاده
وهذي قضايا كـل اهلهـا مذنبيـن
اترك ضعيف العلم وامسك وكـاده