شبابنا بوادي واعقولهم بوادي ؟؟؟؟؟؟؟؟

كثر ما أشوف الاعلانات ..

وكثر ما نشوف هالكوارث ..

وكثر ما نشاهد هالحوادث ..

وكثر ما نشوف المآسي ..

وكثر ما تتردد الخطابات والتحذيرات بالالتزام ..

نحس ان الناس فوادي واللي جالسين نشوفه فوادي ثاني ..



صورة لولد او شاب فمقتبل العمر فعمر الزهور ..

شاب ما شاف الحياة ولا عاش احلامه ..



سيارة ما نشوف منها الا الحديد ..

سيارة بيضا صايره حمرا ..



فوج من رجال الشرطة يحاولون فك المعادن والحديد من على جسد هذا الشاب ..


صورة تتكرر ..




دموع تنهمر من عيون الآباء بحرقة والم ..

أم تفطر قلبها على فلذة كبدها ..




وين الخطأ ؟؟

من هو السبب ؟؟




الشاب قبل لا يكمل فترة الثانوية العامة وياخذ الشهادة ..

تشوفه يحلم ويفكر متى بياخذ رخصة القيادة ؟؟!!!!!!!!!!

رخصة القيادة صارت اهم من الشهادة والأحلام والوظيفة !!!!



الرؤية ضيقة ..

الطموح ولا شي ..



شاب يطلع ويا ربعه .. واللي يسوق الموتر واحد بنفس سنه ..


ماخذ الموتر من ابوه لا رخصة ولا تصريح ..



يشاوح فالشوارع .. يزعج الناس .. يراوي الناس ابداعاته ..



اما يرجع سالم لبيته وأهله ..


أو اتصال من المستشفى : " تلاحقوا على ولدكم " .,,




شي يقطع القلب ..



وين الاهتمام ؟؟

وين التثقيف ؟؟

وين الاسرة ؟؟

وين دور المدرسة ؟؟



شبابنا هم درع هالوطن ..

ولكن ...




من اللي عليه الدور الاكبر والاهم ؟؟؟؟؟؟؟؟؟



ومتى بنشوف عيالنا عقولهم اكبر ويتعلمون من ورا هالكوارث ؟؟؟؟؟؟!!!!!!!!!!!!!!!!!!!!!!



واعذروني اذ خطيت علي احد

وتقبلوا تحياتي