متعوداّ قلبي على نطح الاهوال......!

يابنت قلبي بين تسويف الامال
وانتي ماغير دورين الموده
من قيض غربال على قيض غربال
هذي تقفيبه وهذي ترده
متعود قلبي على نطح الاهوال
من عادته مايضحك بوقت جده
مدام راس العود للعز مدهال
ناطا على خشم الخسيس ونضده
الي ماغير يموت بجنيه وريال
وعند اللوازم طيب رجله مرده
ياهم مالالي صدق ياهم مالالال
ماله علينا كود صده وصده
حتيش لو معرب الجد والخال
النار ميلاد الرماد ومحده
لابوك ياوقت غدى كله حثال
يالعنبوك شلون للقرم لده
راحت سنينك بين تجميع الاموال
للي يمصك بين كده وكده
لكن على ماقيل لرجل منزال
بين الضلوع الحدب تلقى مشده
والي استحا في هرجته عاش تمثال
بد الكلام اليوم ياشيخ بده
قله فهمت العلم وضربله امثال
كف الرجل مكيال جزره ومده
والهاشميه دنها عند الاطلال
هذا محل الشيخ محدٍ يسده
ون مافهمت العلم ياطارد اللال
ترا لنا بالفعل رده ورده
نرقا على العليا صواريم وبطال
وكلن عرف مقياس قدره وقده