ياصاحبي..؟..

يا صاحبـي لا تشكـي الوقـت والحـال=خـل الــذي فــي قلـبـك الـيـوم خـافـي
مـا كـل حـكـي يبـيـض القـلـب ينـقـال=ولا كل عمـر مـن شقـى الحـال غافـي
رح واشتكـي للـي لــه الـكـل رحــال=وارفـع كفـوفـك لــه تــرى الله كـافـي
واعرف تـرى كـل مـن همومهـا شـال=ولا عاد شفـت اللـي مـن الهـم صافـي
منت الوحيد اللي شكى الوقت والحال=منـت الوحيـد اللـي لـه الوقـت جافـي
أكذب عليك ان قلـت لـك هـادي البـال=يـا مـا مشيـت الـدرب والنـور طـافـي
همـي بقلبـي يـا الخـوي أتعـب الحـال=دمـعـي بعيـنـي رقــص الـيـوم قـافـي
انت الرفيـق اللـي بـه الكـون مـا مـال=لاضـاق صافـي منـهـم الـقـاك لافــي
تــرى غــلاك الـيـوم ثـابــت ولا زال=ولا عـاد أبـي ربـع القـلـوب المقـافـي
خذنـي يميـن وابشـر بـدرب الأفـعـال=لأمشـي معـك لـويـن كــان انجـرافـي
أقسـم قسـم انـك علـى الـراس تنـشـال=خذ من قصيدي وشـوف جـلاد رافـي