مبســــم هيـــــــــــــــــــــا

قالوا كذا مبسم هيـا قلـت لا لا =
بين البروق وبين مبسـم هيـا فـرق

ويالله بنـوٍ مدلهـم الخـيـالا =
طافح ربابه مثل شرد المهـا الـزرق

لا جا على البكرين بنا الحـلالا =
ولاعاد لا يفصل رعدها عـن البـرق

يسقي غروسٍ عقب ماهي همالا =
وحط الحريق ديار الاجواد لـه طـرق

يسقي نعامٍ ثـم يمـلا الهيـالا =
ويصبح حمامه ساجعٍ يلعـب الـورق

جريت انا صوت الهوى باحتمالا =
في وسط بستانٍ سقـاه اربـعٍ فـرق

طبّيت مع فرعٍ جديـد الحبـالا =
وظهرت مع فرعٍ تناوح بـه الـورق

روشن هيا له فرجتيـنٍ شمـالا =
وبابٍ على القبله وبابٍ على الشـرق

مبسم هيا له بالظـلام اشتعـالا =
بين البروق وبين مبسـم هيـا فـرق

برقٍ تلالا بأمـر عـز الجـلالا =
واثره جبين صويحبي واحسبه بـرق

يا شبه صفرا طار عنها الجلالا =
طويلة السمحوق تنزح عـن الـدرق

له ريق احلى من حليب الجزالا =
واحلى من السكر الى جاء من الشرق

حنيت انا حنة هزيـل الجمـالا =
ينقض ردي الخيل قد حسـة الفـرق

ويا قلتةٍ فـي عاليـات الجبـالا =
ماها قراح ميـر مـن دونهـا غـرق

ماعاد للصبيان فيهـا احتمـالا =
من كود مرقاها يديهـم غـدن طـرق

قالوا تتوب من الهوى قلت لا لا =
الا ان تتوب ارماح علوى عن الزرق

قالوا تتوب من الهوى قلت لا لا =
الا ان يتوبون الحناشل عن السـرق

قالوا تتوب من الهوى قلت لا لا =
الا ان تتوب الشمس عن مطلع الشرق