من اطيب القصيد

ارجيك ياهـزاع لاخـاب راجيـك=
عند الكبر باغيـك تنقـل همومـي

حقك علي يوم اللوازم محاضيـك=
ومن سهركم ماتقبل العيـن نومـي

اخاف انـا تـزل نفسـك وابديـك=
ومد للـك ياماعرفـت السلومـي

ابي ليا قالوا لـك العـود يدعيـك=
وابي ليا صوتلك عجلنـا تقومـي

واليوم والله مادري عـن مهاجيـك=
حكمك علينا حاكما ً حكـم رومـي

لو انت طيرا تبحل اللي صقربيـك=
مدري تصيد الصيـد والا تحومـي

لا تضيع اللي هاقين هقوتـن بيـك=
وبيك ضلاللـي بحـر السمومـي

واليا زعلت العنك والعن مواليـك=
لو انت والله بلغلـى مثـل نومـي

والله ليازعلتك وشفت الغضب بيك=
كنـي عـن الـزاد معصـومـي

وليله تغاب تسهر العين وراجيـك=
وليا غلمجه ياكـن فيهـا هزومـي

وليله يجيني مبشـرا يبشـرا بيـك=
عينـي تنـام وتـوهـا لذنـومـي

ون رحت مني راح قليي يباريـك=
ويوما ً تجيبه قلت محـلاك يومـي

ابيك تقبل لـي وصـاه ووصيـك=
من جنبه تطلـع عليـه النجومـي

خويك اللـي بالمماشـى يباريـك=
ماقـال قلله تـم هرجـا لزومـي

بنت الـردي لاتاجـذه لوتراعيـك=
لوكان عسلوجا حسيـن الرقومـي

لايعجبـك زينـه وبزيـن تغويـك=
وحذرك ياهزاع بنـت الرخومـي

ياتي ولدهـا بكبرتـك مايحاضيـك=
ياتيـك عفـن ٍ مابرابـه يمومـي

من عش بومـا ًجاذبـه مايراعيـك=
وعزيل من يصقر على فرخ بومي

تقوله مـن يـوم شفنـا مهاجيـك=
غادى لخالـه بالفعـول معدومـي

لو هو جنينك قلت لـه لاهلابيـك=
توك تحسف تلحق النفـس لومـي

عليك بنت اللـي ولدهـا يعشيـك=
ياتي ولدها بـس مـرن يزومـي
ياقف على الطيه ويدحـم معاديـك=
وبالقيض ما يصبراللمس الخشومي

وليا ورت الما مـن العـد يسقيـك=
يرويك جم وذود ضـدك يحومـي

وثالث وصاه اودعـك وابوصيـك=
ابيك عن عرق القطاعـه تشومـي

عرق القطاعه لـو غذيتـه يخليـك=
ياصـرت عـود ٍثايبـن ماتقومـي

وعند الكبر يملك حلالـك وياليـك=
ويسقيك من غبن الليالـي همومـي

وكلا ًيقـول بضنوتـي عزتيليـك=
عليك برق الريش فوقـك تحومـي

ومن غير نفعي تنفع اللي iiحواليك=
وصديقـك المعتـاز لازم لزومـي

ابيـك ماتلقيـه مقـرن علبـيـك=
اقضـب يـده وشـدده يامايقومـي

وابيك ترفي خملتـه لـو يناحيـك=
ياتي معك ياجاك من الناس قومـي

يغضب عدوك بالـوازم ويرضيـك=
وليا زحمك مزحوم ذب الهدومـي

والضيف ليا جاء يم بيتك وناصيـك=
يعـل يفـداك الصبـي البحومـي

وسولف عليه ونسه فـي دواديـك=
يا ما تنـام وتقبـل العيـن نومـي

وبيك طيرا ًتعجب اللى صقر بيـك=
مخالبه مـن كثـر الأدلا دمومـي

وبيك طيرا يترس الخرك راعيـك=
لياعرضله لك الحبرم براسه تعومي

ون دوبحن لك تجدع اللي تواليـك=
تخلي بثاث الريش مثـل الهدومـي

ياشفت فعلك قلت انا مسعدن فيـك=
لاواهنيي صار طيـري غشومـي

والله فلا ارخصبك والله فلا اعطيك=
والله فلا ابيعك لرجـلا ً يسومـي

ربيع قلبي شوف زولك وطاريـك=
مثل ربيع البـل بحـزم القسومـي

وقصيرك اللى منزله مـن تواليـك=
بالحق بد امه على امـك لزومـي


ياصـار عنهـن غايباوامـا ًفيـك=
عينا ًتراعيهـن عسـاه الهزومـي

ورجلا ً تمشى بالخطاء بامنن فيـك=
تعطي الشلل رجله لجل مايقومـي

ربك ياحبـك مـن النـار ينجيـك=
وعساي عند الله حسيـن الختومـي