قصيده تعجبنى

خلني بين الرموش اللِّـي وقـوف=
تحت منثور الشعر عنـد الجبيـن

لجل عينـك ياحبيبـي ماتشـوف=
غير زولي كل وقت وكـل حيـن

إن بكيت أمسح دموعك بالكفـوف=
عن خدودك من شمال ومن يميـن

جفّ تعبيري وضاعـن الحـروف=
ومالقيـت إلاّ عذابـي والأنـيـن

في فؤادي مثل تخفيـق الدفـوف=
لاضربها كـف مفتـون ٍ حزيـن

لفتني بالصـدّ والهجـران لـوف=
ياس مجـروح الليالـي والسنيـن

عشت في حبك بحرمان ٍ وخـوف=
وحيرة العاشق على وجهه تبيـن

في سراب وعود مرهون الظروف=
كيف يبرى ظامي ٍ جرّ الونيـن؟!



السامر