قصيدة للشاعر/مسعد بن سرور الروقي

سألوني وش تعرف عن علوم القبايـل =
قلت أعرف كل شي بس هات السـؤال

وش هي القبيله اللي لها كـل الفعايـل =
هاذي جهينه اللي لهـا خيـر منـزال

جهينه معروفه بتاريخها والشك زايـل =
هذا الصحيح وأترك عنك بعض الأقوال

رجال عز ما يحول من دونهـم حايـل =
حي ذيك الوجيه وحـي ذيـك الأفعـال

وأن كان مـا أقتنعـت عنـدي دلايـل =
يكفيهم أبن غنيم شيخهم طيـب الفـال

غريمهم يا ويله يبي يشـوف الهوايـل =
وقت الصعايب ما يفرقون بين عم وخال

أهـل الوفـا والجـود وأهـل المثايـل =
لو نخيتهم خصمك يحذفونه ورى الجال

وقصتهم اللي فرحـت شمـر وحايـل =
يوم الجهني بفزعته فوق هرج الجهـال

نخاه الشمري يوم انـه للهمـوم شايـل =
دق صدره وقال ابشر وش تبي بالحال

كمل الرجال معروفـه والجـو هايـل =
وعطاه مطلوبه وفزع له في كل الاحوال

ياللي سألت السؤال ويش انـت قايـل =
جهينه جوابي اللي لهم خيـر منـزال