محاورة تستحق العناء
ابـــــــــن شــــايـــــق:
عزالله ان السناني طبق السنـه
عسى سمي النبي لا مات فالجنه
وسهيل لا مربعانيـه ولا كنـه
يالحا يوما حي يملا حي ياليحاني
السناني كلما هـب الهـوى قـام وتـوزا ,, وان وقف فوق الجبل لف الهوى ثوبه ودزه
فيه مـوالٍ صريـح وفيـه مـوال يتهـزا ,, الصريح انقدمه واخوه لـه ساعـه وحـزه
الــــســـــنـــــانـــــي:
انا اشهد اني لقيت الشيخ عبد الله
بصدور قحطان بسم الله ما شاالله
حجو عنه عام واحد في سبيل الله
يالحا يوما حي يملا حي ياليحاني
السناني ضلع راسي مايميـل ولا يهـزا ,, ماشي الدرب العزيز وماشي درب المعزه
كل قلب اليا سمع موالك المذكـور فـزا ,, انتبه لقلوبهـم لا تفـز وتـرّوح لغـزه
ابـــــــــن شــــايـــــق:
اعلومك مصلحه يا شاعر جهينـه
ماتدري ان ابن شايق حد سكينـه
واللي ضربنا على خشمه بكت عينه
يالحا يوما حي يملا حي ياليحانـي
لا تضيعهـا تضيـع ولا تجزيهـا تجـزا ,, وابن شايق لو تولع جمرتك ما احرقت رزه
الشعر ذا الوقت يامحمد بذا المنظـر يعـزا ,, روح للي معك قبل البارحـه قلـه وعـزه
الــــســـــنـــــانـــــي:
اعلومنا طيبه وانته تراك اطيـب
حديت سكينك وانا سيفي مذهـب
والسيف للروس والسكين للحبحب
يالحا يوما حي يملا حي ياليحاني
انته الليله يابن شايق تقز الارض قـزا ,, والنفوس الطيبه ماهي سواة المشمئـزه
لا علم يمكن يطيح ولا علم يمكن يـرزا ,, لا قنعت انس القصيد وحط لك دله وجزه
ابـــــــــن شــــايـــــق:
والله ما نبغى على الشوكه نسحبكم
لا شك هاذي يابو تركي سبايبكـم
سيفك لراسي وسكينـي لحبحبكـم
يالحا يوما حي يملا حي ياليحانـي
والله انها مشكله ياميم عقب القاف وزا ,, ابن شايق يستفزك وانت تبغى تستفزه
عسى أن تنال على أعجابكم
..
..
محمد السناني ..وابن شايق..!!
محمد السناني ..وابن شايق..!! 
النمط الخطي
