شوفوا لنا حاجة تغيّب بالعقل غير السكار،،،،،،،

لا والله الاّ راحت بقلبـي جهـار مـن النهـار = وأنـا إذا واحـد سألنـي قلـت تكـرم عينهـا

ماهو ما غيـر القلـب لا والله تفداهـا العَمَـار = الدرّة اللـي مـا خلـق زيـنٍ يشابـه زينهـا

إن جيت أوصّفها يصيب الشّعروقفة واحتيـار= لوقلت ماجاء مثلهافي الكون أخاف أهينهـا

شمس الضحى تغار منها والقمـرمنهـا يغـار= والأرض تقلـب ورد عنّابـي تحـت رجلينهـا

حبيتها حـبّ الغريـب اللـي تشـوّق للديـار = يذكر دياره ثـمّ سالـت دمعتـه مـن حينهـا

حبيتهـا لـو أدري إن الحـبّ للعاشـق دمـار = ذوقـي وتفكيـري وعقلـي كلّهـم هاوينـهـا

لو قالت اليسرى يمين وقالـت اليمنـى يسـار = أقـول كيفـك يـا حياتـي زيّ مـا تبغينهـا

من حبّها جت في خلايا المخّ يعنـي باختصـار= أشوفهـا حتـى إذا صلّيـت ,,ينصـر دينهـا

وإذا لبست الثوب أصكّ زراروأخلّي زرار=وألبس شماغي وأنشدأصحابي شماغي وينهـا

صبرت وانّ الصبرنار، إشتقت وإن الشوق نار=حالت سلوم البدومن بين الوصال وبينهـا

عشرين عام من الوصال ولا نهاريـن إنتظـار = الأولـة يـا زينهـا و الثانيـة يـا شينهـا

البعد عن من تعشقه موتٍ حمر والمـوت حـار= الله يوم أذكر دمـوووع الشـوق مـع خدّينهـا

من دونها مـا كنّـي الاّ عايـشٍ فـي قندهـار= روحي مهدّدها الخطرف " يسارهـا " ويمينهـا

أحيان أقول آآآبو حياتي مالي الاّ الإنتحـار= واحيان أقـول العافيـة والعافيـة يـا زينهـا

شوفوا لنا حاجة تغيّب بالعقـل غيـرالسّكار= ودّي يغيَّب بي ولا اصحى غيـر بيـن يدينهـا