محمد السناني x محمد المسعودي

ياسلام الله سلام عليه اغلى شعار=كلمة التوحيد والنخله وسيفينهـا
يامحمد قبل تصل المشاريه الكبار=التفت ليسارها والتفـت ليمينهـا

مرحبا ترحيبت المنتصر بالانتصار=شرعها الاسلام واسمح ديانه دينها
الوفا مضمون فالليل قدام النهـار=كل قوم في وعدها تغلـق دينهـا

البقا بك يامصدر قـرار مـن قـرار=والحقيقه وينهـا والامانـه وينهـا
ندري ان الفرض تديه حسب الاقتدار=ربنا موجـود والمسلميـن يعينهـا

الحقيقه واضحه مايغطيهـا الغبـار=تحسباً علومك اللي مضت ناسينهـا
امطرت فوقه سحابه وطير العش طار=رحمة الله للحجر والبشـر يازينهـا

لاتحث النار والنار تالع من شرار=لانكحلها عجالا ونعمـي عينهـا
ربنا اللي قدر الرزق واجال العمار=العرب ماتاخذ اللي تبى بيدينهـا

الخيارات اربعه وانت اخذت اصعب خيار=وشبها ام قرين يوم اضهـرت سكينهـا
دامت انك معترف ليش دمك يـوم فـار=ودع الايـام وشهـورهـا وسنينـهـا

ساعةٍ يصعب على أهل الوجيه الاعتذار=لو يشوف العد ماهـا مداخـل طينهـا
لجل اسوي لك مكانه وارد لك اعتبـار=ضاق صدري وانت ضيعتها في حينها

محتمين الدم دم العرب وازعل واغار=بس بعد اظهر هذاك المرض من بينها
لو جهينه قبل عامين ودوك لشهـار=قبل قسـوات اليالـي تحـدى لينهـا

ضاع حق الدين والدم وحقوق الجوار=وانت راضي واهل مدركه راضينهـا
لو بني مسعود ماغششوك الاختبـار=كان مقبلة اليـال اختلـف تكوينهـا

والله انا يالسناني عطيناك الوقار=مار غرتك اللحون وكثر تلحينها
حلقي فالجو ياطايره مالك مطار=الحقائق ثابته والدليـل يدينهـا

والله اني ماطلبتك وزير ومستشار=مار ثمنها واساويك فـي تثمينهـا
يشكي التاجر من الجمركه والاحتكار=والبضائع ممنـه واندفـع تامينهـا

ان بغيت قصير السالفه بالاختصار=واصلتك اكبر ذبيحه وشيل صحينها