أبو متعب حبيب الملايين

ياحن وأطيب من على الأرض هـ الحين = ياعز وأسمى من قصيدي حكى به
ياخادم البيتين ياناصر الدين = ياماشياً درب النبي والصحابه
صقر العروبه سيد العسر واللين = الطيب بشته والمراجل ثيابه
الليا تبسم سيدي يورق التين = والليا زعل يذبح عدوه مهابه
فعايله تشهد وهذي براهين = الفقر شاله يوم فهرس كتابه
حتى انه أعفى عن جميع المساجين = رمز العرب لاهوجس العلم جابه
دموع عينه يوم هلت بساتين = خلت صحارينا تحول لغابه
لامد كفه ينكسر سد برلين = من فيض خيره كن الأرض السحابه
يانور يشرق في حدود الحرمين = الطيب سيفك والمراجل نصابه
بالشعر لونكتب بمدحك دواوين = مانستطيع الوصف ضمن الكتابه
الشعر في مدحك تسوقه قوانين = لاشاب قافه فيك يرجع شبابه
لو قلت عبدالله لحاله فـ بيتين = غطت شعاع الشمس طيب ورحابه
من مثل أبو متعب حبيب الملايين = فرحه تعم الشعب للقا خطابه
الله سقى حبه قلوب المصلين = ومن حبه الله فك للخير بابه
واللي يميز هامة المجد ثنتين = إن الوطن عينه والأمه حجابه