احتاج لك من روائع بخيت الجهني

لاغاب صوتك يوم عن مسمعي ضقت=ماكنه الا فـرض واقضيـه يومـي
احتاج لك لاتغيبني شوف وش ذقـت=يوميـن جفنـي ماتهـنـا بنـومـي
معقـول لاهالحيـن بالله مااشتـقـت=ماجا على بالك وش اخـر علومـي
انا مـن الغيبـه تـرا تـو مافقـت=والارض ضاقت وامطرتني نجومـي
بين السموم ولفحـة البـرد عرقـت=ماعاد جسمي يحتمـل لـو هدومـي
كان السعـاده غيبتـي كلنـي عقـت=واستنكرت لوعتـك منـي عزومـي
ثوب الجفا من حوله الموت عانقـت=وش اكثر من الموت ياقـوت يومـي
يمكن خيانـه منـك للجـرح نسقـت=مع بعضك اللي ماذخرتـه لزومـي
حطيتني في صدر الاحزان وانسقـت=لين اعتبرتك مـن مبـادي سلومـي
كلي هنا مع بعضي ان شئت فرقـت=مابين حبك في صلاتـي وصومـي
لاتغيـب عنـي مالقيتـك وصدقـت=ياجمل وارق انسان لامـس همومـي