الخلطه السريه..؟..

ياعذابي منك ياموتي ويا حرماني=زابنك بالله تخفف عني اللي فيه
من عذابي وشهو اللي باقي ماجاني =في عيوني من عذابك صاير ماريه
وانت تعرف كل ماتحتاجني تلقاني=يشهدالله عنك ماتقدر تشح يديه
بس تكفي لاتعذبني ولاتنساني=ضمني يانور عيني في حشاك شويه
كل ماشفتك تدخلني بعالم ثاني=عين تنظر لك بشر والثانيه حوريه
فيك شيطان الهوى ياسيدي وصاتي=يالغلا والولف والتقدير والحنيه
والقيده اليا بغيته فيك مايعصاني =يتباشر في وصوف عيونك السحريه
ياوجودي لو اشوفك يابعد خلاني =يشهد الله لحذف الغتره مع الطاقيه
كيف انا المجني عليه وكيف صرت الجاني =لعنبو حظك ضبطت الخلطه السريه
لين من حبك ومن طيشك نسيت اخواني =صرت اجي واروح لاهاذي ولا هذيه
والهوى هو حاكم شعوري وهو سلطاني =لاحصل لي منه لارحمه ولا ماويه
اشهد انه راح فيها تركي الميزاني =ومن يكذبني يعرف الخلطه السريه