قصـــــــــــــــر العــــــــشـــــــــق

صحيح القلب لا منه عشق له واحدن يغليه=
ترك كل الاقارب في طرف والزين بعيونـه
ورمى نفسه على كتفه وقام يقول ويحاكيـه=
احبك حب لا يمكن عباد الكـون يحصونـه
انا العاشق وانا المغرم ولي خلن وميت فيه=
ومن يملك فوادي ملك ويعذب على هونـه
حروف اسمه ارددها واسمه دايـم اغنيـه=
واحب اسأل عن اخباره وبعرف دايم شلونه
هي اللي واثقه من نفسها لا قلت ثقلك ليـه=
تدلع ثـم قالـت لـي قصيميـه ومزيونـه
انا لا قالت اتحبن اقول بكـل صوتـي ايـه=
احبك كثر ماحب العمـى للشـوف بعيونـه
بمعنى الحب هي هانم وانا بالحب صاير بيه=
ولا نسمع بهالعالم سوى للطيـر ولحونـه
كلام الحب يجمعنى ودرب الحـب نبنمشيـه=
وقصر العشق ندخل به ولا احدن واقفن دونه