; أمجاد اجهينه ;

سلام الله على مدح النشاما والرجال افعال=وكلآ دون ربعه بالقصايد شمر ايدينه
وإنا شاعر ومتمكن ولي عزوه وعم وخال=ادين الكذب ولا الصدق محدآ يقدر ايدينه
ونهار يعد به شمخ الرجال الي تسمى ارجال=ليامن عدها التاريخ يذكر ربعي جهينه
على العز وعلى النوماس والشيمه وطيب الفال=فعول يعدها التاريخ لا ايامه وللسنينه
توارثنا النعاره بالزمان اجيال بعد اجيال=امر من قبل عصر الجاهليه تم تدوينه
وبعد مالله رحم خلقه من التشتيت والاهمال=وأرسل بالهدى محمد ويسرله من ايعينه
نصرنا المصفى وايضآ روينا عنه من ماقال=وياكم معركه درنا رحاها نصره اللدينه
وعنا قال في نص الحديث ولاعليه اجدال=مدح سبعت قبايل منهم الجهنان ومزينه
لأنا كل ماثقلت حمول الوقت صرنا اثقال=ولايشكي وحدنا غير لله ولو كثر دينه
وايلا منا وردنا ماشربنا الاقراح ازلال =وعلى سلم النشاما ولا بعدنا عن قوانينه
وبعد عصر النبوه ما ارتخينا والسنين اهزال=نكون مجدنا بامجاد لاما بان تكوينه
وبالماضي القريب الي حضوره بعضهم لازل=ويذكر شيخنا الي بالوازم ذرفه ايمينه
نخته ام السجين اللي ولدها مكبلآ باغلال=ووقف في موقف ينومس جهينه من عناوينه
نصى بجاهه ملكنا الي نطحه بحسن الاستقبال=ولا أمسى وبه سجن بالمملكه ما اطلق مساجينه
ماخص بطلبته واحد جزل مايطلب الا اجزال=يروم العز راع العز ولا بالطيب تخمينه
كسبنا المدح لان الطيب والنوماس راس المال=ولا يخسر رجل حط المراجل مرقب للعينه
خلقنا ابطال وايضآ مانموت الا وحنا ابطال=انتمنى موتآ مشرف ولوياتي قبل حينه
ماقول اقصور في كل القبايل والرجال افعال= وكلاً دون ربعة بالقصايد شمر ايدينه