موت الشجاع

البارحه ظاقت علي الارض من كـل الجهـات=وناديت بااعلى الصوت ظاق الصدر وينك يالسعه
وقلت الهروب افضل طريق من الهموم القاسيات=لكن لقيـت الهـم جالـس فالجهـات الاربعـه
ووقفت في وجهه وسلينا السيـوف المرهفـات=والكل ناوي راس خصمه مـن متونـه يقلعـه
وبقيت انا وياه دفـع وشـد واستقبـل وهـات=وصرنا كـذا مـرات يدفعنـي ومـرات ادفعـه
احيان اقول ان نزعت السيف من يمنى العـدات=واحيـان اقـول الله يخـارج سيفنـا لاينزعـه
وانهد حيلي وارتجفـت وقلـت يـارب الثبـات=ان كان ماربي فرجها رحـت وسـط المعمعـه
يارب ماغيرك يفـك مـن الشـداد المعظـلات=اطلبك لطفك قبل وقعـات السهـوم الموجعـه
صحيح انا عزومي تعانـق للنجـوم العاليـات=وصبري سوات طويق لو هب الهوى مازعزعه
لكن همومي ترتجف مـن الجبـال الراسيـات=ومن هولها يمكن يشيب الطفل وامـه ترضعـه
لكن وعد مني وانا شوق الحسان مـن البنـات=قـدام يشبعنـي طعـون ان بسيفـي لاشبعـه
ون كان ماعزيت سيفـي والركايـب مقبـلات=عهـدا علـي ذراع ماعـز المهنـد لاقطعـه
والموت بالعزه شرف والا الممات اهو الممـات=ورجل شرب من كف غيـره شربتـه ماتنفعـه
واكبر مصيبه يوم جات طعون همـي خافيـات=وموت الشجاع اذا غداء همه وراء حدب اظلعه
واسباب همي بعد ملهوف الحشا عذب الصفـات=غرقان في همي لايسمعنـي ولاعـاد اسمعـه
اهل الحسد قدرو على عزل القلوب الصافيـات=وهو مايعيش الا معي وانـا ماعيـش الامعـه
وابعد علي اليوم بعد اللي سكن شـرق الفـرات=لاوابي الابعـد مـن بجنيـف يبغـى المجمعـه
ومهما يزيد البعد تبقى عنـدي مـن الغاليـات=اجي حبيبي واترك الدنيـا لـو اشـر بصبعـه
اصلا بدونه كـل دنيايـه شتـات فـي شتـات=لاغاب فكـري راح متبعثـر ولاعـاد اجمعـه
وانا لها لاقامت الهيجـاء وضـرب المعطبـات=اقبل سوات السيل والعالي من اعـلاه افرعـه
والله لونـي كنـت حاسـب لليديـن الخائنـات=مافيه احد يقدر براس الصقـر يكـرب برقعـه
لكن يقولون الرجال اهـل العقـول الراجحـات=ان كـان ماطاعـك زمانـك لاتحـداه وطعـه
وقالـو بعـد دائـم تكـون الاولات الرابحـات=ومن لايطيع الشور يمكن شور راسـه يقطعـه
وراع الهوى مايستمع صوت الرياح المدويـات=ولوتنصحه عشرين عـام انـا اتحـدى تقنعـه
وايامنـا عسـر ويسـر ومقبـلات ومدبـرات=ومن يشتريك اشره ومن باعك عليك الله بعـه
وانا احمد الله واشكره كـل الفعـول مسجـلات=وجميعها تكشف بيـوم فيـه كشـف الاقنعـه
واللي زرعت السنبله تبشـر بعشـرة سنبـلات=ومافيه احد يظلم وكلا يحصـد اللـي يزرعـه