ياسعود جرح القــلب زاد التهابـه=واعروق قـلبي قام يـكفخ لهبــها
عشت العمر ياسعودضيق وكابـــه=وافراح وقتي حضي اللي حجـبها
الهـم كني بيــن ضرسه ونـــابـه=والنار وسط الجوف شبت حطبها
واجر قـــلبي جر قوس الربـــابه=جرت هواوي في لحونه سحبــها
الناس صارت كنها وسط غابــــه=دنيادنــيه تبلشـــك في نشـــبها
الله خلق بالناس وجه التــــشابه=قومـــن على نيه وبه ناس نبـــــها
الطيب اللي صافي الطيب جابــه=والاولـــه فالــــه بكفه كــســبها
اللي يـــقدر ويتــــقدر جــنابــه=عند الرجال اللـــي عريبن نـسبها
اللي كلامـــه در لامــــن حكـابه=اللي لاجتــه القوم تاخذ طلــــبها
والا الردي لاجيت له صك بابـه =واليا ابتلش كل المخاسر حسبــــها
اللي كلامــــه كن فيه انقلابـــه=اللي لاسولـــف كـــل كلمه قلبــهــا
والا بخيل المـــال بهجر ترابـه=وناس الجهاله عيب اخالـــط عصبها
ولا تحقر اللي تجهله لا تعابــه=والكلـــمه الكوعاء علــى من جلبـها
منْ لايهاب الناس محدن يهابـــه=واللي طعــم كاس العنــاء ماشربــها
اصاحب اهل الطيب والطيب لابه=لو كــان من اقصى القبايــل عربـها
بعض الاجانب ليتهم لي قرابــــه=وبعض الاقارب ليت مالله قربـــها
اهل الجهل صارو قروم وذيابــه=بقروشــها والا بلمـــعت رتبـــها
القرم مابه شخص يحسب حسابه=والنـــاس غير المــال وشهو جذبها
المـــال عند العود قمت شبــابه=عشـــنا وشـــفنا بالحــياه وعجبـــها
كم به غني معطى علوم وذرابه=وكم به فقـــير ادمــوع عينه سكـــبها
والخط واضح فوق سطر الكتابه=اهل الحكم واهل الطرب في طربـــها
والهم بيت الحزن واخفى زهابه=والفرحـــه ابعد من ثــــرى نجد لــبها
شاب القلم والجرح زاد التهابه=وحبل المواجــــع جــر روحي سلبها
ماهو عتاب اقولها مع طلابـــه=شاعـــر وهمسه من دمـــوعه كتبـها
وسلامتكم
اخوكم /نداء الحربي
حالي وحال الحب واحساس الحبيب
مثل السجين اللي فقد حكم القضاء
على الرحيل اليوم ملزوم ملزوم = حان الرحيل اليوم واصبح لزومي
عزمت أبرحل قبل مافارق النوم = لاينسرق من محجر العين نومي
أقنع عن المقدار لاصار بعلوم = قدر الرجال ماهو بكثر العلومي
للناس عادات وتقاليد وسلوم = وعاداتهم ما يخلفون السلومي
صح السنتكم جميع وانشاء الله سوف نكون ايدي واحده لخدمة الشعر الهادف الذي كثر العابثين فيه في هذا الزمن والسبب كثرة الشعراء وانا متا كد تمام الثقه بان في هذا المنتدى مبدعيين اتمنى من الله لي ولهم التوفيق والسداد
تحياتي لكل من قراء تحياتي
حالي وحال الحب واحساس الحبيب
مثل السجين اللي فقد حكم القضاء
بعض الاجانب ليتهم لـي قرابـه***وبعض الاقارب ليت مالله قربهـا
عز الله إنك صادق أخوي نداء
وصح لسانك على هذه القصيده التي أعتبر أن كلمة رائعه قليله في حقها
ولك خالص الموده
تسلم اخوي راعي الليل وبما انك راعي الليل هديه لك هالبيتين من مطلع قصيده من قصايدي وانشاء الله سوف تراها كامله لا حق
رسمت مع نجم السماء دمعة الليل
ونور القمر بااعلى شموخ الاماره
رسمتها دمعه على . خد منديـــل
جارة بها دنيا الشقاء والمـــــراره
حالي وحال الحب واحساس الحبيب
مثل السجين اللي فقد حكم القضاء
نداءالحربي اهل الطيب
نداءالحربي اهل الطيب 
النمط الخطي
