ذبحنــي هالســـؤال

ذبحني هالسؤال أرجوك قلي بس وش جابه..؟؟=دخيلك ليه تتعمد مع ضحكك تبكيني..؟؟

من البارح تعيده هالسؤال وتطرق أبوابه..!!=على نفس الطريق اللي تجي منه توديني..؟؟

ياأخي وش تبي مني وحزني وش تلقابه..!!=يهمك إيش في هذا.؟ عذابي وإنخلق فيني.!!

تبي تعرف حكاية شاعر جمهوره أحبابه..!!=تبي تعرف يصفق ليه جمهوري ويحييني..؟؟

لأن الشعر عندي ماهو بس أوراق وكتابه..!!=ولاني من فراغ أكتب وأبي تكثر دواويني..!!

تبي تعرف شاعر ليه؟؟ هاك الشعر وأسبابه؟؟=تبي تعرف مكاني وين.؟؟رتبها وتلاقيني.؟

فقر مال.. فقر حال.. وفقر حيله وطلابه..=فقر حظ كريم..أمدله كفي ويعطيني..

فقر دين..فقر دنيا..وجوع تنهش أنيابه..!=فقر راحه..فقر صحه..فقر فرحه تنسيني..

فقر.أيه الفقر يعني ضياع العمر وركابه..=فقر يعني فقر يعني عذاب وظيم ماليني..

وراس الفقر..وراس الجوع..وعمر طارت أسرابه..=وحق الدرهم اللي مانوى مره يخاويني..

رضعت الويل من صغري ولبست الحزن وثيابه..=على شط الشقاء مولود وهمي كان يرويني..

تقطع وجهي وجلدي بناب الفقر ومخلابه..=ولكني عزيز النفس ولو أحتاج تغنيني..

كساني ثوبي المشقوق وبين الناس أزهابه..=وكلن يلتفت يمي يظن بتنكسر عيني..

حشا ماتنكسر عيني وأنا اللي وقته يهابه..!!=عزاي أني فقير وصارت النظرات ترميني..

عيون الناس تطعني..وكلن يغرس أحرابه..=بعض عيون أقدرها وبعض عيون تدميني..!!

وشلي مابعد قلته وتبغى تعرف أعرابه..=مضت ساعات أتكلم وأنت بس توحيني..

تبي تعرف حكاية عشق وبنت حييييييل لعابه..=تبي تعرف عن أسباب الجفاء مابينها وبيني..؟؟

تخيل جتني وقالت فمان الله يابابا..=تشرفنا بمعرفتكـ ويالله لاتأذيني..!!

وأنا أعشقها "ثمان سنين" وهي (تلعب وكذابه)..!!=تسلي نفسها فيني ونيتها تخليني..!!

تبي تعرف حكاية قبر وطفله تسكن ترابه..=تبي أقولك مظلوم ودم الطفله بيديني..

تبي تعرف وش الغربه ومن اللي طول غيابه..؟؟=تبي أحكي قبل أعوام بالتفصيل أنا ويني.؟؟

تبي أحكي لك عن الزاهد وعن ذنبه في محرابه..=دخيلك ماأقدر أتكلم خلاص أرجوك أعفيني..

قسم بالله في صدري مدينه تلتحف غابه..=مدينه ساكنه قلبي وغابتها شراييني..

دخيلك سكر الموضوع وشفلك شي تسلابه..=أنا منك ألاقيها أو ألقاها من سنيني..