انتـــــهيتـــــي

اللّه اللي ما كـتب لك تملكيـن وتسكنيـن=
صار مثلك كالنّزيل يوم يمكن بعض يوم

وعالكونتر والحساب وعالمدينه ترجعين=
للسيـاحه لـو فرضنـا أومهمّـه أو لــزوم

بس ألاحظ اختلاف يوم رحتي والحنين=
من حياتي بلا وداع وانجليتي كالغيــوم

الثمـن ليـه؟ ولمـاذا؟ يوم لازم تدفـعيـن=
الثمن كلّه دفعته والضــرايب والرســوم

واختفت ذيك المشاعر وابتدى صوت الأنين=
والتقـيّــد والتحلّــي بالعوايــد والسلــوم

صار موضه قبل يمكن المئات من السنين=
الوفــا دقّــه قديمــه شيمتـي عدّ النجــوم

وجيتي أهلا والتحيّه جابك اللّه بعد حين=
بعد عــجّ من الخيانه بعد لفحات السموم

تدّعيـــن انك وفـيتي وارتديتـي دمعتيـن=
وغير وجه اللي خلقنا في زماني ما يدوم

يلــعن اللّه يالوفيّــه هالوفا اللي تعرفين=
اتخذتـي للدفـاع من وسيــلات الهجــوم

ومن حياتي لا محال قدّر اللّـه تنتـهيـن=
انتهيتي في حوالي يوم يمكن بعض يوم