يجوز المدح مع كثر الثنا بالشيخ ابن مرزوق ،،،،،

سلام الله على كل الـحضـور وللجميع اسـوق=تحية من وفا لأهل الوجيه الطلق سايقها
بعد جينا على الداعي دعاني هاجس الطاروق=وعلى جزل المعاني فكرة الشاعر ينسقها
عليه يملي الموقـف وأنا في واجـبي مـحقوق=اوضح للحقايق والمواقف في حقـايـقـها
يجوز المدح مع كثر الثنا بالشيخ ابن مرزوق=كريماً قمـة العلـيا على النوماس وايـقـها
اقوله عرف ومجرب وشمس ابوراكان شروق=وشمساً تعتلي نص السماء لا شئ يدرقـها
على العليا مشى في نور والعليا بها مسـبـوق=اخذها ورث من شايب لفالح طيب وثـقهـا
اخذها ورث من شايب وباب الطيبات وفـوق=وابو راكان وامثـاله عسـى ربي يوفـقهـا
مشاكيل الرجال اللي مثل فالح فخر وتـشـوق=رجال لقمة العليا مسـاعـيـها وتشـوقـهـا
وابو راكان وامثاله علـيهم للـجميـع حـقـوق=رجال عزومها من طيبها لا شئ عايقـهـا
رجالاً تاقف ان جات المواقف ويبسن حلـوق=آمال الناس بعـد الله ترى فيـهـم تعلـقـهـا
مقابيس الدجى والموقف اللي يذهل المخـلوق=مانملك غير نطلب عزها في جاه خالـقـهـا
تجـاريـب الليـالي علـمتـنا بالرجـال فـروق=إله الـكـون يوم انه خـلـق دنـيـاه فـرقـهـا
يا ما من شخص بالدنيا مشعللها رعد وبروق=ولن جات النوايب لوجـمعـهـا مايـفـرقـهـا
وياكم واحد يغر الناس بالمظهر وبالمنـطوق=ولا منك عرفته لو عطاك كروت تحرقـهــا
يدور المرجلة من لا لها عنده شرك وسبوق=وهذه مشكـلـة نـيـرانـهـا الأيـام تـلحـقـها
ودرب المرجلةصعبةماهي هرجةوشروت سوق=جبالاً شاهقة ما كل من يـبـغـي تسـلـقـهـا
كثير اللي يدورها ويرجع دونـهـا مفـهـوق=ما تبقى إلا عزوم رجال ما من شئ يفهقـها
تبي من لا برك للحمل شاله لو عليه وسوق=لو حموله على قد الجبال شعـيل طـايـقـهـا
مثل فالح ولد مرزوق ماشيها سـنود وفـوق=يحث خطاه مازل الـدروب ولا مـفـارقـهــا
تشوم لشخصه العلياوتفتخربه شرف وتلوق=يشرفها طويل العمـر واهـدافـه يـحـقـقـهـا
سلايل قوم من روؤس المعالي للمعالي اتوق=على عز وشرف من ماضي الـدنـيـا بوارقها