محاورة عملاقة (رشيد الزلامي X رشيد العلوني)

سلام ياهل الديرة اللى حرها يشوي الطيور=الله يجيها بالمطر حتي يبرد حرها
كانت مفالي للضباء قبل المزارع والقصور=الله يجيها بالمطر حتى يبرد حرها

يامرحبا ترحيب مثل السيف في وسط النحور=الله يعينك تحتمل حلو الليال ومرها
هذي مداهل قوم حمرا تحتسي كل الامور=تاريخ اهلها تعرفه قر الحقيقه قرها

دام البقا للشاعر اللى ما يلف و لا يدور=لكن ينظرلي بعين وعين قام يصرها
مدري رشيد العلوني والا ولد عمه سرور=مير انتبه للبذله اللى فوق متنك زرها

الليله انته يالزلامي تقل مختل الشعور=بشتك على شان ايش بالدرب الطويل تجرها
انا رشيد العلوني والبيت ثابت ومعمور=والعارفه يدرا على دعواه قبل يضرها

يا العلوني والله مابذبحك وجهينه حضور=لكن خلك مثل ناس في الطريق نمرها
شاعر جهينه حاضرً بالملعبه وانت معذور=والا احترم نفسك ترى الديره وسيع ٍ برها

الخوف لايذبحك وانته صقر مابين الصقور=شاعر عتيبه بالمحافل يا جهينه غرها
انا افتخر بالشاعر اللى قلت وبوجوده فخور=كم ليله جروحك على عيون الرجال يذرها

تقولها والله يعين اللى على الغلطه صبور=ماهو بمثل اللى يدور له ملف او فرها
يا العلوني نبغى كلام ماتضيق به الصدور=قدمك رجاجيل اتهوش وهوشها ماسرها

ماباقي الا تدفنون الحي في جوف القبور=والعالم اللى تعمل المعروف لله درها
انت على مكتبك والماسه محملها الزهور=تاكل شواكل والعرب حول القدور اتكرها