الحنظلة!! شعر شاعرة جهينة وحيدة السعودية

روعتني فيك دورات الليالي=
والليالي حالهن حالِ عجيـب
كنت اعدك من وفيين الرجالي=
لا تبوق ولا تخون ولا تخيـب
لين طاح الستر من دون الخمالي=
وانكشف فيك الخنا قبل المشيب
آآآه ليت العمر من رجواك خالي=
ليت رجلي ما مشت ذاك الشعيب
آآآه ياحرٍ على روس الطوالي=
كيف عقب النايفه طحت بْقليب
انحدرت بعين من سمّاك غالي=
لين ما تسوى مناداتك حبيـب
كم نشدني عنك من يخفاه حالي=
قلت طيب وزايدٍ بالوقت طيـب
وانت مثل الحنظله تشرب زلالي=
والثمرمرٍ مع الغصن الرطيب
كم سقيتك من هواي ومن دلالي=
كم عطيتك واثر ما شيٍ يثيـب
الليالي حسبي الله ياااااليالي=
روعتني فيك يالقرم النجيـب
مادرت قلبٍ صلاه الله بْصالي=
متعبٍ من عاثر الدرب الصعيب
يوم شافك بالظما حس الظلالي=
واثر له بحماك سجنٍ من لهيب
حالته تشدى خلوجٍ في عْقالي=
يوم حايرها غدى دمه صبيب
يوم لجّت وانثنت بين الحبالي=
نوّخوها بين حنّات ونحيـــب
كان لي حبٍ جلا والهم جالي=
والبواقي بعض ذكرى ما تغيب