يـاغـافــل لـك الله !!

التقي بكم من جديد على الحب والاخاء..

يـاغـافــل لـك الله !!
دنياك ياغافل لك الله ماعليها مستريح= مشغول والايام ماتدري وش اللي خبته

دنيا مشاغلها كثيره لاتزيح ولاتبيح= تغريك في ريع انفتح والريع الأخر ذبته

ماينفعك يالأ دمي كثر التمدح والمديح =من حبه الله واكرمه كل الخلايق حبته

مهما تغالط في حسابك مايصح إلاالصحيح=ومن لا تربا من هله واللا الليالي ربته

الله يعيد ايام لافيها سفيه ولا بجيح =ايام جدي كان ياخذني معه في جبته

كل العرب متوالفه والزاد في قدره يفيح=والبن نحمس طبخته والقرص ناكل لبته

يوم النصيحه تشترا والحق معداله يطيح=وراع الزلل لن جا زلل يقعد وتدمح زلته

في مامضى يوم القلوب اصحاح والمذهب صحيح=واليوم بعض الناس بالدينار تشرى ذمته
يابادع القيفان طبعك لابخيل ولاشحيح=بابك مع البيبان ياذيبان جود ضبته

وان طعتني باب ِ يجيب الريح سده واستريح=كان الخلايق دقته وألاالهبايب هبته

ومن لانفع في شبته لابد من يوم ويطيح= والعودلامنه خوا من عاد يرجي شبته

عيضه العيسي الثبيتي