محاورة بين السميري والجبرتي

الــــســــمـــــيـــــري
الليلـة الملعبـة نبـغـى ندرّجـهـا ليـامـا تـديـر=مثـل البنايـة علـى سيسانـهـا تُبـنـى تراكيبـهـا
الليلـة الملعبـة نبغـى نطبّعـهـا ســواة البعـيـر=مثـل المطيّـة عـن العيـلـة تعدّلـهـا مشاعيبـهـا
الــــجــــبـــــرتـــــي
يا مرحبا بالعميل اللـي يسيّـر سَلمـه اللـي يسيـر=والطيّبـة طيّبـة مـا تـاتـي الاّ مــن معازيبـهـا
الليلة الجوهرة بطـن البحـر ميـر البحـر مستديـر=ان كـان مـا جبتهـا كلّـم لنـا رجّــال ويجيبـهـا
الــــســــمـــــيـــــري
يا مرحبا بالعميل اللـي لفانـا مـن قصـاة الضميـر=ترحيبةٍ مثـل ريـح الـورد والريحـان مـن طيبهـا
ترحيبـةٍ ليّنـة وشْبابهـا مثـل الـسـلاح الشطـيـر=حربـة لِيـا اهـوى بهـا نقّالهـا سـدّد مضاريبـهـا
الــــجــــبـــــرتـــــي
الزين لو تنكحل به عين فتّـح عينـه اعمـى بصيـر=والشين يعمـي عيـونٍ فتّحـت والشيـن يعمـي بهـا
السوق مبسـوط للـي يستعـر بريالـه اللـي يسيـر=ولاّ الفلوس الخفيفة مـا يبـي بالسـوق يقضـي بهـا
الــــســــمـــــيـــــري
يا بن شريّف ترى هالليلة المسـرى طويـل وخطيـر=وسّـع مواطيـك لا ياتـي زللها مــن مراكيبـهـا
اَنته تبا الزود ميـر الـزود تحصيلـه بعيـد وعسيـر=ما كـلّ منهـو غـزا دار العـدا حصّـل مكاسيبهـا
الــــجــــبـــــرتـــــي
انا تراني مدير الشعر كـان الشعـر جـا لـه مديـر=راضي بهذا الكـلام الحـرّ ولاّ منـت راضـي بهـا
يا بن عطيـة دخيلـك لا تسيّـر سايـراً مـا يسيـر=! ! ! ! ! ! ! ! ! ! ! ! !
الــــســــمـــــيـــــري
الاجنبي في ديار القـوم مـا يعلـم ولا هـو بصيـر=تـراك فـي غابـة الديـبـان لا تـاطـا مخاليبـهـا
امّا تصـوّب مـن الساقيـن ولينّـه كسيـراً حسيـر=ولاّ هوى طـاح وليـا نفسـه الشينـة مضحّـي بهـا
الــــجــــبـــــرتـــــي
حنّا هجمنا عليكـم باِسـم ربـي واسـم ربـي كبيـر=واللـي معـه قـوّةٍ منكـم بعـد جينـا يلاقـي بهـا
ليا اقبَلَت يـا محمـد بابهـا للنـاس سلـك الحريـر=وان كان قفّت عليكـم مـا قـدرت تـروح وتجيبهـا
الــــســــمـــــيـــــري
اَنته تدُوْر المشاكل جيـت مـن شِعبـان مكـة مغيـر=ليتـك تعـوّد براسـك دون فـايـدةً تثـنّـي بـهـا
اِتْحَسّب اهـل امّلِـج مرقـوق ولاّ يالجبرتـي فطيـر=أبشـر بسـمّ الكبـود اللـي تَحيّـر فيـه اطابيبـهـا
الــــجــــبـــــرتـــــي
حنّـا كسبنـا الفوايـد مـن بلدكـم والقليّـل كثـيـر=واخذت منـك الفلـوس اللـي لهـا مـدّة تزوزيبهـا
ولاّ انت مثل انور السادات والسادات ما هـو بصيـر=والعلة اللي معك ما جبـت لـك قرشـاً يـداوي بهـا
الــــســــمـــــيـــــري
قالوا لي اجّرت صوتك وانكر الاصوات صوت الحمير=اِلعـب بحكـم الاجـار وتدفـع الاجـرة معازيبـهـا
والله ما بيع صوتـي يالجبرتـي لـي بـرزقٍ حقيـر=رزقي على الله واللـي خالـق الارواح عانـي بهـا
الــــجــــبـــــرتـــــي
من يوم هذي علومك يـا محمـد منـت ليّـه خشيـر=آثرْك هذي طبيعة فيك طـول الوقـت ضـاري بهـا
ان كان ما تزرعون البُـر حنّـا مـا نحـب الشعيـر=هـذي مثايـل ضعيفـة والضعيفـة لا تغنـي بـهـا
الــــســــمـــــيـــــري
المنوخذ يا جماعـة خيـر مـا يسمـع كـلام النذيـر=لا تمهـدون الحفيلـة ليـن يلقاهـا ويقـفـي بـهـا
الحُرّ لاشّرت له يفهـم ويشهـر فـي جناحـه يطيـر=وابرق جناحين مـا يفهمـك مـا تقـدر تقـرّي بهـا
الــــجــــبـــــرتـــــي
يامحمد اِلجم حصانك عن حصاني ليـش ينفـر نفيـر=مالـك ومـال العلـوم اللـي تسنّدهـا وتنحـي بهـا
والله لاحوّس مريرك ليـن تسـري حايسـاً بالمريـر=حتى تكـبّ الصـلاه اللـي بـلا سنّـة تصلّـي بهـا
الــــســــمـــــيـــــري
لقيت عقل الجبرتي يـا جماعـة مثـل حايـة مشيـر=بدون غايـة ليـا هبّـت هبـوب الريـح تومـي بهـا