مستضيق البال ماضنه يشابه مستريحه=لين مايشبه ربيع القاع قاعآ ممحلي
وماتعلى شيمت الطايح ليا تم ابمطيحه=مثل من يسكن بكابل يزهمونه كابلي
وادري ان العود الازرق مايتغير طيب ريحه=والعدو لو تكرمه يبقى ببغضك ممتلي
استظاق المعتصم واسرج خيوله لجل صيحه=لين ما خلا العدو يمشي وراه مذللي
ومن كشف في سيرت الحجاج عن سرالفظيحه=ما يتغارب هيبة الموصل وقلب الموصلي
قد شريت من الخوارزمي سبع طعشر نصيحه=ولا انفعتني بالزمن ذا ولا الزمان الأولي
كني الي مكشخ بجوال مابوسطه شريحه=هي صحيح ادروس لكن ما انتفع منها اجهلي
بهذله من بهذلتها جات بالقاف القريحه=واستهنت ابهذلتها واكسرت ظهر جملي
نعن ابو بعض الحكي لاثار واوحينا قديحه=تقوم نيران المعاند في خفوقي تصتلي
جاهدي يادنيتي والسر ما والله ابيحه=لو تزيدي مابقى من ثورت ايامك علي
وادري ان الهرج واجد كان عندك من صحيحه=عن سبايب ظيقت العشاق بالله عللي
دامني لاشرب حرام ولا كليت من النطيحه=ارقد بأمن وأمان ولا اصبح الا مبتلي
واخر النكبات هرجآ ماقويت انطق فصيحه=يوم شفت اصويحبي عقب الجفاء يزهم علي
قلت ياظالم وراك اتخم قلبي وتستبيحه=دامني مسلم على هدي الكتاب المنزلي
وردلي مخفي بهرجه كلمه وكلمه صريحه=ورحت مدري هو تنوى البعد ولا مقبلي
حسبي الله كان بستان الغلا ما أخضر شيحه=دام عمري راح وانا اسقية اقل من امهلي
الله واكبر يا عاشق المقناص الله واكبر على حروف القصيد مبطي ما هزني والله القصيد لاهي بدنيا كفانا الله شرها
عاشق اكيد الك القصيده وصح لسانك يا بعدي والله تستحق عليها حبت خشم مقسومه لثنتين وحده تقولك صح لسانك وفالك التوفيق على قول حمد السعيد
وحده تقولك وشو له هالغياب يا ..... عاشق المقناص المنتدى بحاجه ماسه لجهود امثالك
كلنا محن متفرغين تمام التفرغ وانا عن نفسي والله رايح جاي سردادي مردادي سده مده بين حائل والمدينه ولا هنا استقرار ومع ذلك مقصرين بحق المنتدى
عاشق ابيض وجه سلمت يا بعدي وصح لسانك وحركت فيني طعون القصيد بس لا تقول انشر ابيكيك دم هههههههههههه لا تصدق ما حولك شاعر الا قول دعثه هههههههههههه
صح لسانك صح لسانك
اعجبني مطلع القصيده ووجعني بعد المقطع ذا وهو حال من يريد خراب الكيان الجهني هنا باثارة المشاكل هنا وهناك باسماء مستعارة ولا حول ولا قوة الابالله ولكن رجال جهينه كفوا للمهمات ولا سلطان للظالمين
كني الي مكشخ بجوال مابوسطه شريحه
كني الي مكشخ بجوال مابوسطه شريحه 
النمط الخطي
