منتدى شبكة جهينه نت

منتدى شبكة جهينه نت (http://www.johina.net/vb/index.php)
-   منتدى محمد السناني جنيه الذهب (http://www.johina.net/vb/f93.html)
-   -   محاورة الطياره ( السناني + الرياحي + العصيمي + العازمي ) (http://www.johina.net/vb/t9899.html)

ذيب الجهني 29 Jan 2007 12:56 ص

محاورة الطياره ( السناني + الرياحي + العصيمي + العازمي )
 
السلام عليكم ورحمة الله وبركاته


جايب لكم اليوم محاوره من اشهر المحاورات في الجزيره العربيه . دارت رحاها بين أركان الشعر في المملكه وهم

1- محمد السناني الجهني
2- فيصل الرياحي البقمي
3- مستور العصيمي العتيبي
4- حبيب العازمي العتيبي

ــــــــــــــــــــــــــــــــــــــــــــــــــ ـ


- فيصل -

ونصفو في الطايف وين العب الكايف=
فوق الضلع النايف طيري ياطياره

- محمد -

منهو شاف حبيب عنده علماً طيب =
يلحق قبل يشيب طيري ياطياره

- مستور -

يافيصل سيرها وأفكارك غيرها=
وأين انت وطيرها طيري ياطياره

- حبيب -

يامحمد ريحنا بالدعوه صارحنا=
أمسينا وأصبحنا ما طارت طياره

- فيصل -

خندف مع شبابه لابه تنطح لابه=
والدنيا غلابه طيري ياطياره

- محمد -

الموقف موقفنا والطيب شرفنا=
ياحبيب سولفنا طيري ياطياره

- مستور -

خندف في ديرتها لاتقرى سيرتها=
جابتها ودتها طيري ياطياره

- حبيب -

لا ينكبك العيه وتضويلك سيه=
تسعين من الميه حمله في طياره

- فيصل -

يا مستور الثوره لنفس المغروره=
خلوها مستوره روحو في الطياره

- محمد -

النكبه مقسومك يالي قرب يومك=
غصب طيح نجومك طيري ياطياره

- مستور -

يا فيصل العيره طاحت في حفيره=
صفر بالصفيره وأركبلك طياره

- حبيب -

راحت حطو وشيلو أعتدلو مع ميلو=
كم يمشي من كيلو طبلون الطياره

- فيصل -

أثر العود مهذري ويسولف ما يدري=
جاكم يمشي عبري ودعسته طياره

- محمد -

العاقل له طاعه وأسمع بالسماعه=
خمسميه بالساعه طبلون الطياره

- مستور -

يا فيصل لو تدري عن ما حاوي صدري=
ما تنقص من قدري يا راعي الطياره

- حبيب -

قام محمد ينزي ويدور للكنزي=
ويسافر بالعنزي في وسط الطياره

- فيصل -

يا منفوش الشوشه لا تفرح بالهوشه=
لك فرشه مفروشه في ذيل الطياره

- محمد -

أحبيب له خطه وأفكاره مختلطه=
بيسافر بالقطه في زقم الطياره

- مستور -

يا كساي السرحه لا تحلم بالفرحه=
مالك غير الذبحه من دون الطياره

- حبيب -

ليش تذم الهره يا محلا هل الفره=
راح وجيهك صره في وسط الطياره

- فيصل -

يا مسحرنا الداحه الحجل النباحه=
خلك في مرجاحه تسحبك الطياره

- محمد -

عاقل وأرفع نفسي ماأبغى الهرج العكسي=
باأوقف راعي التكسي وأطلع بالطياره

- مستور -

سولفلي عن ساره خيالً بالغاره=
والدنيا دواره ياراعي الطياره

- حبيب -

يا محمد هرجنا ولا لا تزعجنا=
الموقف يحرجنا جنحان وطياره

- فيصل -

ساره تسوى ميه منكم يالبسليه=
نكست الطاقيه في ظهر الطياره

- محمد -

علمي علماً ثابت بندق صابت صابت=
والعقال أرتابت طيري ياطياره

- مستور -

ساره فلقحناها وتصيح لعزاها=
وأنت تشيل أرداها في جوف الطياره

- فيصل -

لا تقوم تبلبل ماأنت خيال البل=
ياكاذب يا تنبل طايح من طياره

- مستور -

من يكذب غيرك لين تحرف سيرك=
أرقص وأندر زيرك في جوف الطياره

- فيصل -

ليله وأبرك ليله رز الثعلب ذيله=
بالله وش الحيله ثعلب في طياره

- مستور -

أنت ذيل الثعلب تجلس ولا تلعب=
يافيصل لا تنشبب في باب الطياره

- فيصل -

أنت ولد الجني لاكن أبعد عني=
يالطيار القني خربت الطياره

- مستور -

عاشو قوم الخرمه يوم أعطوك الدرمه=
وأنت مثل الحرمه في جوف الطياره

- فيصل -

لا تذكرنا الحربي يا سحاب الزربي=
مع بابها الغربي تدخل في الطياره


تقبلو تحياتي

كتابت أخوكم : ذيب الجهني

ــــــــــــــــــــــــــــــــــــــــــــــ

الحق يقال 29 Jan 2007 04:13 ص

مشاركة: محاورة الطياره ( السناني + الرياحي + العصيمي + العازمي )
 
كلام جزل بمعنى الكلمه

مشكور

جهني مفتخر بربعي 29 Jan 2007 11:37 ص

مشاركة: محاورة الطياره ( السناني + الرياحي + العصيمي + العازمي )
 
ربي يعطيك العافية

تسلم يمنك على كتابة المحاوره والتعب عليه

وبيض الله وجهك يالقرم


نتظر جديدك

نتظر جديدك


أخوك

جهني مفتخر بربعي

ذيب الجهني 30 Jan 2007 12:31 ص

مشاركة: محاورة الطياره ( السناني + الرياحي + العصيمي + العازمي )
 
حياكم الله وسعدت بمروكم الكريم


ودمتم ....

جهني ينبع 31 Jan 2007 10:09 ص

مشاركة: محاورة الطياره ( السناني + الرياحي + العصيمي + العازمي )
 
ذيب مشكووووووور والله يعطيك العافيه محاورة من اجمل المحاورات


تقبل تحياتي

ذيب الجهني 01 Feb 2007 12:07 ص

مشاركة: محاورة الطياره ( السناني + الرياحي + العصيمي + العازمي )
 
جهني تقبلنا تحياتك وعلى الرحب والسعه

ومشكور...

أبو عبدالعزيز الطلحي 01 Feb 2007 11:01 ص

مشاركة: محاورة الطياره ( السناني + الرياحي + العصيمي + العازمي )
 
للأسف تعتبر هذه المحاورة نقطة سوداء في تأريخ الشعراء

ذيب الجهني 02 Feb 2007 02:16 ص

مشاركة: محاورة الطياره ( السناني + الرياحي + العصيمي + العازمي )
 
الله يهديك ياأبو عبد العزيز . أنا ماأجيب النقاط السود ولا أكتبهاء ولاكن لماذا حكمت بحكمك هاذا

وأقول لك

ماهاكذا توّرد الأبل

تركي717 26 Feb 2007 11:53 ص

مشاركة: محاورة الطياره ( السناني + الرياحي + العصيمي + العازمي )
 
مشكووووووووووووووووووور اخوي ولكن اود اخبارك بأني قد نقلت بعض هذه المحاورات لمنتدى الشاعر السناني وهذا عنوانه

http://www.gne8.com/fourm/index.php

فارجو أن لايكون هذا الشي قد يسبب لك الازعاج واذا لاتريد مني نقل المحاورات فالرجاء اخباري ولك جزيل الشكر


اخوك /تركي

ذيب الجهني 04 Mar 2007 11:30 م

مشاركة: محاورة الطياره ( السناني + الرياحي + العصيمي + العازمي )
 
حياك الله ياتركي . نحن في خدمت السعر الشعي وخذ راحتك


ودمتم .


جميع الأوقات بتوقيت السعودية. الساعة الآن " 06:38 م.

Powered by: vBulletin Version 3.0.7
Copyright ©2000 - 2008, Jelsoft Enterprises Ltd.