|
تزاحم بالضمير هموم تزاحم بالضميــــر همـــوم .. .. رابط الحفظ .. تزاحم بالضمير هموم قلبٍ حايـرٍ مكسـور ولا ينفع بقلب المنكسـر كثـرة جبايرهـا تلاطم بالضلوع العوج موجٍ عاتـيٍ وبحـور ولا من مركبٍ وشراع يامـن ثـار ثايرهـا أنا مالي بها الدنيا سوى قلب وقلم وشعـور وصديقٍ صادقٍ ياقف ليا صكـت معابرهـا وليا ضاعوا بليَّاها حياةٍ من نكـد وعثـور فلا مطرودها ملحوق مـن كثـرة عثايرهـا أنا قلبي دليلي في زمـانٍ مدبـرٍ مسعـور كبيرٍ مايهمـه لـو تحـاول بـه صغايرهـا ألملم بالقلم أشتات روحي في ورق وسطـور وأنثر كل معنى فـي ضميـر اللـي يناظرهـا لي إحساسٍ يصور ما يحوم بداخلي ويثـور صدوقٍ وأعذب الأشعار ما تصدق مشاعرها صديقي صعبٍ أختاره بعالم بالأنـام يمـور حسود وجاهل وراعي مصالح مع مكابرهـا ياكثر اللي يتضاحك لي وقلبه بالمرض مغمور على وجهه يبين اللي يخفِّـي فـي سرايرهـا صديقي مأمني ياقف معي بالخير وألا شـرور ولا يبيع الذي بينـي وبينـه فعـل غادرهـا ولا ينسى ليالينا ولا هو جاحـد ومغـرور مواقفنـا القديمـة دايـمٍ بالخيـر ذاكرهـا ياليت الروح بحمول المصايب والعذاب تثور دخيلك شيلها يا مال ويـن اللـي يثورهـا علينا من عنا الدنيا متاهات وشقا ودهـور ولو إن الجبال تشيلهـا مـا أظـن تقدرهـا إذا بظفرك طرفت العين لا تدور على دكتور ترى ما تحرق النيران غيـر اللـي يجاورهـا لو الدنيا على كيفي أسوقه.. ولو تجي بعسور ولكنَّا علـى كيفـه نغامـر فـي مخاطرهـا أنا وقتي غدر بي مالحظـي بالزمـان عبـور سنينٍ يقطعه ما أقسـاه ماترحـم مسافرهـا ناسٍ كنها تقضي حياته فـي وسـط تنَّـور وناسٍ مـادرت عنـا ولا ذاقـت مرايرهـا أنا كلي عذر واللي شكا من هالزمن معذور وأنا أدري جرح روحي زاد من كثرة تعذرها تصنعنا السعادة يوم سرنا في فرح وسـرور نحـاول نخفـي العلـة وتفضحنـا عبايرهـا على الله كل شي يسير وأيام الزمان تـدور متى تضحك لنا الدنيا عقب ما شان ناظرهـا للمنشد \ محمـــد البريك .. .. تحياتي العطـــره |
مشاركة: تزاحم بالضمير هموم الله يعطيك العافية انشودة حلوة بس بسالك في انشودة للام مرة مرة حلوة سمعتها برمضان جابوها في راديو ام بي سي اف ام المهم ان الانشودة تتكلم عن ولد عاق وام يرميها وقبل ما تموت تكتب الكلمات اذا تعرفين رابط لها ولا تعرفين اسمها تكفين دليني عليها والله تعبت وانا ادور عليها ما حصلتها . ودمتي بود |
مشاركة: تزاحم بالضمير هموم |
مشاركة: تزاحم بالضمير هموم ما قصرتي اختي بس والله للاسف مو هي ابد انا اقولك هذيك احلى مافيها كلماتها قوية مرة ولحنها مرة مرة قوي كانه لحن انبعاوي ومو واحد الي يغني لا مجموعة بس مو هذا ابدا بس حتى هذي جيدة ماقصرتي ولا هنتي واسف تعبتك . |
مشاركة: تزاحم بالضمير هموم هلا اخوي ابو مزاحم .. .. بحاول أدورها لك وان شالله راح القاها <<<<وبعدين لاتعب ولاحاجه بالعكس والله اسعدتني بمشاركتك كثييررررررر .. .. الف شكــــر |
مشاركة: تزاحم بالضمير هموم جزاك الله خير والله يسعدك دايم |
مشاركة: تزاحم بالضمير هموم بارك الله فيك ،، وجزاك الله كل الخير ،، نشاط ملحوظ ،، ومواضيع متميزه تفاجئينا بها يوماً بعد يوم ،، الى الأما111م ،، جابر العلوني ،، |
مشاركة: تزاحم بالضمير هموم جابر العلوني .. نورت الصفحه بطلتك ..... الف مليوووون شكر وربي يعطيك الف عافيه .. تحيتي |
مشاركة: تزاحم بالضمير هموم بسم الله الرحمن الرحيم شكرا حلا حبيبتى مميزة فى كل شىء |
مشاركة: تزاحم بالضمير هموم العفو يالغاليه .. الله يخليكي ويحفظي ياااارب:047: |
| جميع الأوقات بتوقيت السعودية. الساعة الآن " 06:10 م. |
Powered by: vBulletin Version 3.0.7
Copyright ©2000 - 2008, Jelsoft Enterprises Ltd.