انا لقيت ان الرجاجيل نوعين=نوع اخذ الاولى ونوع الاخيره
حصلت بالدنيا كرام ورديين=ناس اهل بصر وناس عميا بصيره
وعندي حسب مااشوف للشخص تثمين=ولا احكم قبل ماشوف شره وخيره
وحسب السواير للعرب والقوانين=ماتستوي رؤس كبار وصغيره
وماعمر نصلات الخوص والسكلكين= صارت مثل حد السيوف الشطيره
ولاعل رجل مايفرق بالا ثنين=من جابته ماعاد تفرح بغيره
الناس فيها رؤس قوم ومساكين=على كذا في كل وقت وديره
تلقى رجل لاشاف الاجواد لافين=حيابهم والنار عنده دهيره
ولا استقبل الخطار بالمذهب الزين=عدا بكبش من الكبوش الكبيره
وخلى الشحم تحت الايادي قطاعين=ومن راعي الجودات ماهي كثيره
كريم من ساس الرجال الكريمين=وصاه ابوه وقال عز الذخيره
من عزها يحسب حساب العزيين=ومن صرها خايب وغادي شويره
راع الكرم يشذا لفرخ الشياهين=في كفخته في هدته في مطيره
وما الردي ملعون ساسه ملاعين=لعل فيهم ماتطول المسيره
لابارك الله بالرخوم الرديين=اضعاف قوم ولايعزون ديره
تلقى واحدهم بارد الوجه والعين=تبدي على وجهه من الضيف غيره
ويوصي الحرمه وكل البزارين=للضيف قولو راح ساقت بعيره
وهو مندعس بالبيت بين المواعين=اخس خلق الله على المستديره
ولاعل من يرضى ببنت الهدانين=عساه منها ماينادي صغيره
واحاول تكون ام العيال من الاقصين=السيف عزه من نصاب وجفيره
ولو مابقى فالكون غير الرديين= اصرف نظرك وقول بالامر خيره

الاخوه الكرام
بعد التحيه والاحترام
لقد تشرفت بمروركم وتعليقكم على هذه المشاركه ويسعدني ذلك
المرور والكلام الجميل الذي حتما لن يصدر الا من قلب جميل
جابر العلوني/
صح بدنك ياذيب وذوقك هو الطيب دمت بخير

قلب ابوهاا/
صح بدنك و الروعه كلها ذائقتك دمت بعافيه

سليل العود/
صح بدنك وبيض الله وجهك ومرور شرواك بحد ذاته يكفيني وماتهون ولايهون الي مثلك
وما كتبته يثبت بانك سليل العود وراعي جود ودمت بخير وبعافيه والى اللقاء

الاخ العزيز /جهني مفتخر بربعه.............................بعد التحيه
اشكرك على مرورك الجميل
ونحن ايظا فخورين بك كثيرا
.................................................. .................................................. ...
.................................................. .................................................. ..
.................................................. .................................................. ..
................................كلمة خاصه.............................................. ........
اخي الحبيب /جهني مفتخر بربعه...........................الفاضل............ وبعد/
ارجو ان تقبل مني هذه الكلمات والتي يعلم الله انها نابعه من القلب الذي يكن لك
كل الود والتقدير . كيف لا.وانت من شرفني بالدعوه الى هذا المنتدى.
ومااريد قوله في هذا السياق هو عباره عن وجهة نظر خاصه بي وقد لاتكون صايبه
وهي كما يلي/
اخي الغالي/كل شخص في هذا العالم فخور بنسبه وقبيلته وبدوافع الانتماء للمنشاء
وله الحق في ذلك
ولكن كم تمنيت ان نكون في هذا المنتدى بمثابة البيت الواحد والاسره الواحده
بعيدا عن مسالة الانساب والخوض في القبايل.
لكون ذلك ربما يحدث نوع من العزوف من البعض وقد يتهم القائمون على هذا المنتدى
بالعنصريه والنعرات القبليه..
وكما يقال في كل قبيله حقها من رجالها ونحن جميعا سعوديون وقبل هذا وذاك جميعنا
مسلمون ولافرق على عربي ولا اعجمي الا بالتقوى
اقول ذلك وانا احد ابنا هذه القبيله ..جهينه...ولا اخفيك افخر بنسبي اليها كغيري من ابناء قبايل العرب الاخرى ولكن لا احب اظهار الفخر ذلك على الملا اطلاقا .......
لكونه امر لا داعي له وقد يوجد فى النفوس شي من التنافر ....
وعلى كل حال اسم المنتدى يكفي والذي يحمل هذا الاسم وفالنهايه ارجو ان لا تفهم
موضوعي هذا بشكل خاطى فانت تعلم مدى تقديري لك شخصيا وقد كنت استطيع ارسال
هذا الكلام كرساله بريديه ولكن الكلام للجميع وقد قمت بتوجيهه لشخصك من باب الميانه
مع انني شاهدت غيرك ينتهجون ذلك ولكن وكما اسلفت الكلام للجميع فاانا شخصيا
انبذ التعصب القبلي واعلم بان ماتقومون به لايسمى تعصب ولكن قد يفهم من البعض كذلك
وفالنهايه ارجو ان لا يغضب احد من هذا القول فهو كما اسلفت من باب حرصي على ان
نكون اسره واحده هنا وبالتالي هومجرد راي يعبر عني شخصيا

ودمتم احبتي بالف خير