في ديارٍ راج تاريخها عبر العصور =
وأثبت التاريخ في الكتب ذكر آياتها

مرحبا ترحيبةٍ تنشرح منها الصدور =
من رجالٍ تتعب الخصم في وقفاتها

من رجالٍ فعلهم لايضيع ولا يبور =
لويشين الدهر ماتترك مهماتها

البقا منه ليوم القيامه والنشور =
جاك علمي وأنته اللي تبيهاهاتها

ونعم بالحيين واللي دخل تحت القبور =
والليالي السود محدٍ كشف غراتها

وأنت أبوتركي مكمل ومافيك مخبور =
ميرساعات النهايه بدت دقاتها

الليال السود تكسرجناحين الطيور =
من حسبها يعرف ألوفهاوإمياتها

العصيمي يامحمد ترى سيله حدور =
لوقناوات الفضاءكثرت بأصواتها

كلمةٍ تقرى وكلمه تجي بين السطور =
مير رؤوس القوم واجبك من شرهاتها

العصيمي قالوا إنه يبي قلب الجزور =
مير أضن القوم عيّت على مقضاتها

من تعذر قلت مسموح مني ومعذور =
العرب هذا السنه غيرت نياتها

أحسبنك صاحبي وأثرك الذيب المكور =
ليه روحك دون حسناتها سياتها

يبلش العاقل بتصريف مختل الشعور =
والعرب هذا السنه مدت إيدياتها

لومسكت الأوله مانزلت من القصور =
صار عندك ريب فأحيا العرب وأمواتها

دامت البابوريعبر على السبع البحور =
خل بدوك يامحمد تعشى شاتها

عند ربك يالسناني تدابير الأمور =
سيّروا بأطرافها وإضربوا غباتها

دامت إن محدث الحق ماحدث بزور =
خل ربعك ذالسنه تدهن لحياتها

دبر الله دبرته لا تلف ولا تدور =
شوف وش حال الزناتا وسو سواتها

من يبي حق العرب قلت معصي ومعثور =
ماذكرت أم الكباير ولا قواتها

عندكم وش عندكم عندنا دهن السيور =
كل قوم تعاين وجيهها بمراتها

شوف رأيا خيرقبل الرصاصه ماتثور =
عمة الشيّاب كلٍ يبي مرضاتها

عندنا قطّاع الأنفس وتفليج النحور =
ناس أنقزها وناس أمسح إرويساتها

تحسب الأيام يالفاجر أفراح وسرور =
ماأنت داري بالليالي ولاغراتها

شغلهم معروف لوكسروا جسر العبور =
البحور الهوج هاجت على حواتها

أدري إن القبر مافيه ورد ولا زهور =
مير أعرف أخصامي الحبل برقيباتها

الهوا المشروع قدام دمك مايفور =
وإعرفوا يمناك يوم أضهروا بصماتها

الزكاه اللي خلقها الأإله من العشور =
نلزم الكفار وإنتف شنيباتها

لوتعود عند صاحبك بيّاع العطور =
ماتهم العين لوكثر لداتها

مامعك تصريف ماخلت الأيام سور =
لا تغش القوم وتزيّف جنيهاتها

كان لا ذ الماء على العبد جاز إله العفور =
والله آذن لطييرات بإعشيشاتها

المشاكل دوبها مالها خمسة شهور =
من يبي حلواتها ذايقن مرآتها

أثرك أثرك يامحمد على الدنيا صبور =
كل ماتنظم قصيدة تعد أبياتها