مــصــلـــح بـــــــن عــــــــيــــــــاد : =
مرحبا في حلةٍ ضيفهـا يلقـاء غـلاه= لو مكانه داخل العين ماضاقـت منـه
قالها اللي مايزعل ضيوفـه وزمـلاه = والعقل نعمه من الله على مـن ثمنـه
عـــبــــدالله بــــــــن عـــــتـــــقـــــان : =
البقا والله يعز القصـر واللـي حمـاه = الكريـم بدلتـه والمراحـب وصحنـه
ياحليل اللي مع الناس عالـي مستـواه = مايحـب الميسـره مشيتـه فالميمنـه
مــصــلـــح بـــــــن عــــــــيــــــــاد : =
ياولدعتقان جو العـرب غيـم سمـاه = والرحى شـيٍ تكبـه وشـيٍ تطحنـه
من هو اللي يعرف العلم وجهه من قفاه = وأستحي من لحيته يوم وأضحك له سنه
عـــبــــدالله بــــــــن عـــــتـــــقـــــان : =
السماء صافي لكن المشاكـل بالرحـاه = والمشاكل ماهي اليوم يعنـي مزمنـه؟
الشجيع ليا مشـى مايبـا يرجـع وراه = والضعيف ليـا لقيلـه شجيـعٍ يزبنـه
مــصــلـــح بـــــــن عــــــــيــــــــاد : =
ياطبيب الجرح منته خبيـرٍ فـي دواه = وأنت في دفترك مليون سيـه وحسنـه
ياجبل ورقان مأهتز منك ولا حصـاه = سير مضمونٍ حسابـه وسيـرٍ ندهنـه
عـــبــــدالله بــــــــن عـــــتـــــقـــــان :=
أسلمي ماتقبله لو ماشـي فـي سـراه؟؟= وشلوي وألا علاوه سريـع أتعينـه
البلكه والحجـر تختلـف عنـد البنـاه= الحجر صعب الكسـر والبلكـه هينـه
مــصــلـــح بـــــــن عــــــــيــــــــاد :=
العلاوه قصري اللي جنوبي فـي ذراه = وأنت قصرٍ فيه بابٍ خطيـرٍ مضمنـه
خفف السرعه ليا شفت ضلعان السراه = لين تبني لك قصر بالسـراه وتسكنـه
عـــبــــدالله بــــــــن عـــــتـــــقـــــان : =
هيه يامصلح تجيك العلوم من الـرواه = هوالله إنـا مامشينـا بـذل ومسكـنـه
لا توصيني وأنا أبوي معطيني وصـاه= ماطلبت الغالـي إلا وأنـا قـد أثمنـه
مــصــلـــح بـــــــن عــــــــيــــــــاد : =
أدخل المسجد ليا قـال حيـا للصـلاه = وأضبط التوقيت وأحفر لسرك وأدفنـه
لا تعاين فوق وجهك على كـم العبـاه = لا تحنحن صاحبك مايحـب الحنحنـه
عـــبــــدالله بــــــــن عـــــتـــــقـــــان : =
ماتركنا فرض ربي ولا حنـا عصـاه = خاف ربك وأعرف أسليم والظن أحسنه
ياولد عياد ذيب الفـلا يجـزي عـواه = لا تدندن صاحبـك مايحـب الدندنـه
مــصــلـــح بـــــــن عــــــــيــــــــاد : =
جابك المقسوم بين الرياجيـل الدهـاه = والرياجيل الدواهـي قلـوبٍ واللسنـه
ياولد عتقـان مـن دور الغالـي لقـاه = كان تملك لك ذهب فالموازين أوزنـه
عـــبــــدالله بــــــــن عـــــتـــــقـــــان :=
مالقيت إلا حبيـب ومصلـح ماعـلاه = مثلنا منتـم سلاطيـن وإبليـس العنـه