أبدي بذكر المرتجـى خالـق الكـون = الواحـد اللـي دوم لرضـاه راجيـن
رب(ن) كريم(ن) عز موسى وهارون = وأنجى نبيّه مـن كيـود المشركيـن
اللي حكم بالكـون بالكـاف والنـون = سبحانه اللـي نـزّل آيـات ياسيـن
ومن بعد ذكر الله أبا اقول وش لـون = تبدّلـت فينـا مـن الزيـن للشيـن؟
تاريخنا بالمجد لـه سـاس وقانـون = والوقت بدّل مـا لنـا مـن قوانيـن
اللي أشوفـه يـا عـرب بالتلفـزون = غير الذي حاصل من أعـوام وسنيـن
أشوف شي(ن) مثل ما انتم تشوفـون = وش حاصل(ن) بالقدس وباقي فلسطين
ذيك الديار اللي بهـا المجـد مكنـون = مسـرى نبـي الله ومهـد النبيّـيـن
أشوف فيها العدل ماهـوب مصيـون = وأشوف فيها ذل نـاس(ن) عزيزيـن
وأشوف فيها الظلم والـذل والهـون = ولا تقبـل الذلّـة نفـوس الكريميـن
ناس(ن) بلا مسكن وناس(ن) يموتون = وناس(ن) على وضح النقا مستذلَيـن
اللي بقـا منهـم بهـالأرض يفنـون = وأكثرهم اللي عـن وطنهـم بعيديـن
تبغى السلام اللي على الحفظ والصون = والسلم ماهو فـي يديـن المجرميـن
اللي طغو فالأرض والنـاس يـدرون = ما مثلهم بالكـون كـود الشياطيـن
أنجـاس للإسـلام دايـم يكـيـدون = يـا الله تحبـط كيدهـم هالملاعيـن
ذولا خنازير(ن) على الأرض يمشون = حرام إن ذولا امخلوقيـن مـن طيـن
لو وقفو هالغرب في صـف شـارون = حنـا بصـف اللـي يهـز المياديـن
يا الله يا اللي لـك عبـادك يصلـون = يا الباقـي وكـل المخاليـق فانيـن
تنصر عباد(ن) لك على قوم صهيـون = وتجلب لهم يوم(ن) مثل يـوم حطّيـن
تمّت بحمد المرتجـى خالـق الكـون = والحمد للخالق علـى نعمـة الديـن






للشاعر/خـــالد بن عبدالله.....

تسلم أخوي العروي مشكور على المرور
لك مني خالص الود



أخــــــــــــــــــــوك