نفسي عفيفه ما تبي شي مكشوف =ما تشتهي شيء ينافي للإسلام

لو الزمن يقسى متاهات وظروف =ما خالفت نفس الزكاء عهد الأشيام

تمنعني الشيمه ويبعدني الخوف =ما طبت دروب الرديين الأقدام

كم صنت نفسي من هوا كل ملقوف =شيء يميزني على مر الأعوام

وكم رغبةٍ حطمتها تغري الشوف =وأعطيت نفسي قيمة فوق الأقيام

ذا شيء عنا بين الأصحاب معروف =تشهد به رجالٍ عفيفين وكرام

ما صير في وضعٍ من العيب مكتوف =ولا عيش عمري في دهاليز الأظلام

طافت سنين وباقي العمر بيطوف =واللي كسبته خطته روس الأقلام

شيء تركته لجل مولاي مخلوف =لا بد ما تظهر حسانيه قدام

ما طاف طاف ولا على الماضي حسوف =إلا علوم كلها طيب وأنعام

عهدٍ قطعته في مواثيق وحلوف =ما تنقضه طول الليالي والأيام