تكــفون

سلام يا أمة رسول الله هل الدين القويم = سلام من مسلم سلامٍ فيه الابواب اربعه
يا أمة أول زمنها تجرح الضد الخصيم = وتالي زمنها تجمع علاج الجروح الموجعه
أجدادها في ما مضى تتعب على المجد العظيم = وأحفادها تالي زمنهم ما يساوون قمعه
أخص ها للي للاسف في لبسهم مثل الحريم = أطرافهم أن سمع المنادي صد ماكنه أ سمعه
عدونا يمشي بنا ماهو على الدرب السليم = وحنا ندربي روسنا من حيث ما روّح معه
يا لله دخيلك كن ما فينا على العليا مقيم = واعدائنا على مصادر رزقنا متربّعه
يا للاسف قليل في هالوقت من رايه حكيم = اللي إذا مال الدهر تكى بكتفه وأرفعه
تكفون يا حفاد الصحابه ولعت نار وجحيم = في وسط صدر المسلم اللي ضاق من ما يسمعه
صبراً فلسطين وبعد صبراً لكابول اليتيم = وصبراً لبغداد وبعد صبراً لمن هو يتبعه
مع كل هذا عادنا نصبر على الجرح الأليم = الا رسول الله ما نصبر على مس أصبعه
اللي يشوه صورته أنا أجزم إن عقله سقيم = ضيع وضاع وضيعه فعله بوسط المعمعه
أسهومكم يأهل الطغى والفسق صابت في الصميم = نفديه بصدورٍ لحبه ولغلاه مشرعه
هذا الرسول اللي دعى للحق من ربٍ رحيم = نورٍ تموت وتفنى الأعمار ترقب مطلعه
بأبوي وأمي يا رسول الله نفداك ونهيم = محبتك على جميع عروقنا متوزعه
يارب ضاقت وأنت تعلم حال خلقك يا عليم = ضاقت علينا جعل ياربي عقب ضيقٍ سعه
يارب تنصرنا وتهدينا السراط المستقيم = يارب تفزع للشعوب اللي لنصرك موّلعه
من غيرك بينصر رسوله يا إلاهي ياعظيم = يارب ضعف أحوالنا المترديه لــك نرفعه
حنا عبادك يا إلاهي نتبع الدين القويم = يا الله نصرك عقب ضاقت هالجهات الأربعه

الشاعر/نايف العويد

أخوي عادل الله يعافيك والشر مايجيك مشكور على المرور

اقتباس المشاركة الأصلية بواسطة ابورامي تكــفون أخص ها للي للاسف في لبسهم مثل الحريم = أطرافهم أن سمع المنادي صد ماكنه أ سمعه

صدق الشاعر بالوصف وسلم الناقل بتوصل المعلومه