يامرحبا بالمختفي عنـي ازمـان = توك عرفت الجرح وشلون قاسي

بالأمس دمعي تشتكي منه الاوجان = ومديت كفي ياعرب من يواسـي

واقفيت عني بين جرح ٍ وهجـران = ورديت لي من بعد حصلت ناسي

محجوز قلبي وارتكز فيـه إنسـان = مصدر خبر موثوق دون التباسـي

أنا احتفظ لـك بالأخـوه كإنسـان = حيث الأخـوه دوم طبعـي وساسـي

ساري قرار الحب لو قلت بهتـان = غلطان لو فكرت بتهـز ساسـي

أنا هقيت السر مـن دون عنـوان = قصة عشير وقلب مخلوق قاسـي

مادام خلك صـار للشـر ميـدان = اقطع حبل يربطك باهـل المآسـي

واحذر سراب الحب مع كل خـوان = يقطف ثمار الشوق ويفـر ناسـي

دور على ميلاف للحـب صـوان = تقضي حياة العمرفي جـو ماسـي