الله يـقـطع خـوةٍ مـالـها سـاس=الـلي ورى طـرد الـمصـالح هدفها

غـأيـاتها يـحكم عـليها بـالإفلاس=ولا تشرف من يجي مـن طـرفهـا

عـلى الردى والكـذب ترفع وتنداس= هـاذي حـراويها وهـاذا وهـفهـا

يـا ناقلين الكـبر مـاهو بنـوماس= نقـص المـراجل كبركم قـد كشفها

المـرجله عملة ذهب مـا هو بنحاس=ومـا كل رجـلٍ لا بغـاها صـرفها

مـالي مع مجلس هـل الزور مجلاس = نـويت أجنبها وأجـنب صـلفهـا

عـرفت نـاسٍ طيـروني من الناس= حيث إنها نقـص علـى من عـرفها

شـذابة الـعرقوب تشذيب الأمـواس = نـاس عسـى ربي يـعجل تـلفهـا

صورة عرب واسلوبها أسلوب خناس = تـبطن خبـايثها وتـبدي شـرفـها

أخيـر منها في الخلاء سج الأنفاس=فـي ديـرةٍ سيل أمس ذي جـرفها

مـع خـوي لـي على الدين قرنـــاس= حـرً صـعـيـبات ألمراقـي ولـفـهــا

ورفـيقي الـطيب على العين والراس =الـلي مـنا هيج الـوفـا ما أستلـفها

وألا رديَ الـساس يبقى ردِيْ سـاس= ولا خيـر فـي نفسٍ دنيـاً هـدفها

للشاعر/إبراهيم بن مريع

عز الله انك يابورامي

ذيب ٍ امعط

صح لسان شاعرها

وسلم يد ناقلها

الله يعطيك الف

عافية وماقصرت

نقل رائع وجميل

سلمت الايادي

السلام عليكم ورحمة الله وبركاته
شكراً يالعروي على التعديل وماقصرت
ولا انسى اخوي سواح وفارس القبيله لهم مني خالص الشكر والتقدير

أخوي أبن الانبار أشكرك على مرورك
والذيب دوم ذيب
مايصير امعط
وسلمت
هههههههههههههههههههههههه

أخوي أبو نايف السلام عليكم ورحمة الله وبركاته
تسلم وأشكرك على مرورك