لي ثمان شهور مدرى وش بلى شعري عليه=

مره يبسط يديه ومره يطوي زهابه

لاهو اللي بار في ولاهو اللي بر فيه=

والله ان كنه سؤال ما قدرت القى جوابه

يا فهد يا بو نهار العذر لك قبل التحيه =

جيت اسوقه مثل ما ساق المطر متن السحابه

اعتذر لك عن قصيدي يوم طول في مجيه=

يا فهد بعض المواقف تفقد الشاعر صوابه

وانت يا رجل المواقف والجمايل والحميه=

لو ما قول الشعر فيك...الشعر اجل وش ينبغابه؟

يا لسنافي يا لوليده يا زبون المقدريه=

يا حزام الضيق يابو خاطرٍ كله رحابه

ياسمي الطيب .. لاوالله مااعدك سميه=

انت من حول الطيب ومسك يده ورقابه

لا تلوم الشاعر اللي حاديته الابجديه=

انت فعلك ما تطوله لا حروف ولا كتابه

افتخر بك كل ما يذكر خوي وقفة خويه=

وافتخر بك كل ما اسمك مر في قدر ومهابه

افتخر بك والسموحه مدحك ازرت به يديه =

مير جود من سميك كلمه فآخر جوابه

من كثر مالك هنيا من معزه سرمديه =

صرت حتى افخر واباهى يوم اسا مينا تشابه