مرقص دبي اللّي له القلب يرتاح=
حتى سلاطين الجزيـره تدلّـه
لاصار ما في شربة البن مصلاح=
غرشه من الويسكي بفنجال دلّه
وان كان يابن الذيب منته بمزاح=
فانا عقدت الحبل وانتـه تحلّـه
هذي بداية معرفتكـم بجـراح=
إما شربت الكاس والا فخلّـه

ماهوب صح الله لسانـك ياجـراح=
يكفـي مـن العلّـه ثلاثيـن علّـه
أنته وحكامك هـل الكـاس لا لاح=
والا سلاطيـن الجزيـره لا بـلّـه
حكام نجد اللّي ورا هضبـة رمـاح=
ضلالهـم مثـل الجبـال المضـلّـه
صغيرهم يلعب بكم لعـب مسبـاح=
ويسد فـاه أهـل القلـوب المغلّـه
إن مد كف الطيب ماهوب شحـاح=
والـى تعـزوا دولــةٍ مستقـلـه
مانيب أزكيهم من جـا ومـن راح=
يمكن يجي فـي صفـة القـوم خلّـه
وان كان هرجك لي ولا انته بمـزاح=
يما حلا بعـض الحكـي فـي محلّـه
ما نشرب إلا البن الأشقر إلـى فـاح=
والا حليب بكار فـي وسـط ملّـه
رجل وطموحي من ورا النجم لا لاح=
أكبر مـن انـي أشتهـر فـي المجلـه
يكفينـي مـن المعرفـه والتمـداح=
إني إلى ضاقـت علـي قلـت : يالله
الوضع ذا مزعجني ولا نيب مرتـاح=
بـروح واخلـي لـك دبـي كلّـه

عـز الله انه ذيــب ابن ذيـــب وماخاب من قال ابــــن الذيــــب سلم الله لسانه وماقصر

الله يقويك اخوي عــــاشـــق المـــقــناص

عشت والله ومـــاقـــصــرت

اقتباس ما نشرب إلا البن الأشقر إلى فـاح والا حليب بكـار فـي وسـط ملّـه رجل وطموحي من ورا النجم لا لاح أكبر من اني أشتهـر فـي المجلـه يكفينـي مـن المعرفـه والتمـداح إني إلى ضاقـت علـي قلـت : يالله

صح لسانك يابن الذيب


عز الله إنه ما قصّر



وسلّم الله يمناك ياعاشق







؛؛؛؛؛؛؛؛؛؛؛؛؛؛؛