| أبوعبدالله | 01 Apr 2005 10:16 م |
الشاعر مرشد البذال ّّّّّّّّّّ!!!!!!!
أوصيك.. قال هذه القصيده الشاعر مرشد البذال رحمة الله عليه موصيا ابنه
يالله يارب الضعوف المساكيـــن =اللي لك المخلــــوق يحســـن صلاتـه
تستر على غوشن صغارن مكفين = أكبـــرهم العــارف دليله عصاتــه
لا يـــا عيالي كلبوكم حبيبيــــن = عندي وعنـــد الناس كلن وذاتــه
عندي غلاكم يدفن الزين والشين = وعند العـرب كلن تشاف اخملاتـه
يا عبيد أنا خابرك ورعن لهالحين = داوي بغبــــات الجهــل وظلماتـــه
لاشـــك علمي لـك محبه وتفطيــن = تسمــــع الوالــــد وثبــت وصاتــه
وصــــاة مخلوقن يعرف القوانــين =مافـــاة عمـره بالجهل والهياتــه
يا عبيد اناأوصيك مني بثنتين = ثنتيـن هن سؤ البشر وحسناتـــه
أوصيك لاتبحث سدود المغيبــين = ولاتجهــــــر اللي غارقن بغفلاتـــه
ترى النميمه تمحق الرزق والدين = والمنـزل العالي تهدم اطبقاتـــه
لاتحسبن أهل الظليمه بخيتـــين = كلـــــن يوافق ما عمل في وفاتـــه
وانـذرك حق الضعيف المسيكين = اللي علـــى حقــــه يهـل اعبراتــــه
ترى الضعيف الليا غدى الليل ليلين =يدعـي وعند الله توافق ادعاتـــه
الظلم فان الظلم يفنى السلاطين = ياويــــل راعي الظلم من مقبلاتــه
وانذرك عن ربعة رخو من هياسين = اللي سوالفهــــم بــوده وهاتـــــــه
ويا عبيد الأقشر لوصفا لك نهارين =نهــــار ثالــث جاك يرفع عصاتـــه
والله عندي ربعة الناس الأقصين = ولا صديقـــا يبلشـك في حياتـــــه
ترى الرجال ابهم فهود وحياويــن = جاك الكـــلام اللي صحيحـا ثباتـــه
ان كان ما تدري ترى الناس دراين =الرجل مدحـــه بالمجــالس طراتـــه
رجلـن تعلــق به رجالــــن مسلمين =عز الرفيـــق ولابتــه والحماتــه
ورجلن تشوفه جسم وعيون ويدين = ولولا الشعـر ما تفرقه من خواتـــه
كم واحد بالبيت يضرب بسيفين = وأن جـاء حزم كلاب قبع عبادتـــه
والحلم عن الغيض ينجي الشياطين = يكفيك شر إبليس هو و دحراتـه
| 