الذيب من نظره ليا جاه الإشكال = وانا يجيني هرج وش عاد نظره
لايا حسافه خوتي بعض الأشكال = وتردلي بشوي بعدين بكره
ارد دمعي مير دمع القلم سال = ماهو رجوع الا سواليف فتره
اللي سعا للطيب يلقا له رجال = واللي سعا للناقصه طاح جدره
لايا خسارة لبسته عندنا عقال = متشخص(ن) فيها على زين غتره
حنا حدانا وقت مافيه منزال = يبرد بيدك اللي يدق الك صدره
من بعد هذي قمت لوقيلت اقوال = اخاف من طعنه تجي فيّ غدره
الله يشرفنا بعد شانت الحال = والله يرد عقول من طاح قدره
عندي نصيحه موجزه جات باحوال = وتضم من ضيم الزمن ألف فكره
علمني الشايب وانا اقول ماقال = الذيب يعرف والرجاجيل ندره
ياليت يسمعها ثمانين رجّال = وترد فيهم لو على طيب شجره

الله وأكبر ياخال صح لسانك وبيض الله وجهك

اقف احتراماً وتصفيقاً لهذهأ الشامخه الشعريه


استـــلم مجاراتي لهذه الشامخه

جاتك مجاراتي وانا اقول ياخال = بعض العرب وسط الحشاء حط جمره
يسري بي الهاجوس مع سجت البال = والي معك مخطي وجوده مضره
قمت اتفكر كيف حظ الخوي مال = عقب اعتدل حضه على المر جره
الصاحب الي في يمينك على الجال = ماشي نفيعه غير ثوبه يزره
ولا رجل في مدهله رصت دلال = وقت الشدايد مايجي ربع ذره
الناس تفرق عن بعضها بالافعال = وراع المضاهر مات مافاد عمره

صح لسانك وبيض الله وجهك اخوي المسبار

رائعة تشكر عليها والله يعين على بعض الرفاقة

الصاعقة....تشكر اخوي عالمجاراه وصح لسانك والحقيقة ابدعتوا

لاتحرمونا من جديدكم


تحياتي Prince Yanbu