ياهيه كل مايلوح البرق عزالي = عزاه كل ماسحابه لاح بارقها
يعيدلي ذكريات اللي سبا حالي = الي غلاها كوا حالي وحرقها
الجادل اللي سواياها على بالي = قبل حياة الهوا تاصل مفارقها
العام حبي لها غالي على غالي =واغليها لليوم رغم اني مفارقها
العام حتى الخطا منها يورالي = ماهو خطا كيف مدري كيف انسقها
تخطي واقول اللعذولي مالك ومالي = واسوق روحي لها من شوق سايقا
مدري من طيبي لها ولا من هبالي = العام تخطي واقول الله يوففقها
وافزع لمرسولها لانه تعنالي = ودوس روس الضروف اللي تظايقها
ولعيونها لاصعب العقدات حلالي = ويوم الهواجيس تسري يمها اسبقها
كم ليله اسريلها وتزيد غربالي = يوم الضروف اتحدانا مانوافقها
ارجع طريقي تقل مشروب فنجالي = او كني وانا بوجه الله سارقها
متحطمة داخلي مجموعة امالي = مكسوف مرارة الحرمان ذايقها
مابين نار انتظار يدق جوالي = وبين انظر لساعتي واحسب دقايقها
صدفه زماني كشف لي كل محتالي = شابت مواويلها وبانت حقايقها
اللي لو ابغى اتنازل وارخص افعالي = عن كذبها والله اني غير اعتقها
ولو كانت بذمتي ياقلت الوالي = طلاق من ام العيال اني لاطلقها
واكيد رجال ابوي مجوداً خالي = يمناي ماني على يسراي صافقها
اجوز منها وعالي هامتي عالي = وادعي على الرايق باللي يروقها
وتقفى على فالها وانا على فالي = ماهي سنه مع سنه وانا اتلحقها
عامين وانا وراها وابري حالي = ماغير تكذب وانا ما غير اصدقها

ولو كانت بذمتي ياقلت الوالـي=
طلاق من ام العيال اني لاطلقهـا
واكيد رجال ابوي مجوداً خالـي=
يمناي ماني على يسراي صافقها
اجوز منها وعالي هامتي عالـي=
وادعي على الرايق باللي يروقها
وتقفى على فالها وانا على فالي=
ماهي سنه مع سنه وانا اتلحقها
عامين وانا وراها وابري حالـي=
ماغير تكذب وانا ما غير اصدقها